ساعدوني شلون اتصرف مع زوجه اخوي؟

[يمة يادلبي]

لا يحوشك
لا تحاجينها ولا شي
صدقيني بتسويلج سالفة لا حاجيتها خو جناين هالأيام مايتحملون من الحموات أي كلمة

وإذا ريلج مو متحمل الوضع خل اهوا بنفسه يحاجيها منحرج خل يقول حق امها اتوصلها هالحجي اما انتو طلعوا من الموضوع

 

[أوكسجين]

رد: رد : ساعدوني شلون اتصرف مع زوجه اخوي؟

مستحيل تقبل منج ياقلبي راح تحس ان نيتج تفشلينها و لو كانت نيتج صافيه هم ما تقبل لأنها راح تظل طول العمر منحرجة منج و راح تنتظر اليوم الي ترد لج نفس الموضوع و تفلسف عليج
ما تسوى تحقد عليج زوجة اخوج
اذا زوجها بنفسه ما تجرأ يقول لها لأنه خايف لا تنجرح منه تروحين انتي تقولين
خلي اخوج يطلب من الخدامة تغسل الحمامات ( تكرمون ) و تنظف الشقة و يقول لزوجته ان انا قلت للخدامة ما حبيت اتعبج
و اذا رجع و شاف الشقة نظيفه من بعد الخدامة خليه يبين لها ان هو الحين استانس و يتمنى ان كل يوم يكون جذي و ان نفسيته ارتاحت و ما وده يفارق الشقة لو ثانية
و العكس اذا كانت وصخة خليه يتذمر و يقول احس بريحه احس بضيقة خنقه و هي راح تفهم و تهتم

معاهاااا:hjy5jewf:

 

[مس دلال]

لو قلتي لها انتي بتفهم عكس
فـ انتي حاولي توصلين لها المعلومه بطريقه غير مباشره
مثلآ تكونون جالسين بروحكم وتقولين لها عن طريقه لترتيب المطبخ شفتي البنات بالنت مسوينها
او منظف للحمام يمدحونه او قولي رحت بيت وحده وارتحت نفسيآ من نظافه بيتها وريحته وان النظافه هي كل شيء مو الاثاث

 

[ليتني مـآ كبرت]

رد : ساعدوني شلون اتصرف مع زوجه اخوي؟



لا صدقيني لا تتدخلين كلللللللش ..

شلج بالمشاكل و عوار الراس .. أخوج يكلمها و يتفاهم معاها ليش يقطها براسج؟؟

إذ على أبسط المواضيع مو قادر يفتحها معاه .. باجر ليا صارت أمور متعقدة أكثر (الله لايقوله) راح يتعود

و يقطها ع راسج و تعالي يا أختي تفاهمي مع مرتي !!!

و إذا كلش كلش أخوج مارضى يفح معاه الموضوع خلاص كل يوم حددوا ساعتين بالضبط للخدامة

تاخذ العدة و المنظفات و الممسحة و تروح الشقة بحضور أخوج و تنظف و ترتب و تشب بخور آخر شي

كل يوم سووا جذي .. ليما أهي تحس و تنتبه للفرق بين النظافة و الوسخ ..

 

[ريـ’ـآنـهـ‘]

رد : ساعدوني شلون اتصرف مع زوجه اخوي؟

لاعادي حبيبتي مافيها احراج ولا شي دزي لها واكتبي ببدايته لو ماحبج ولو ماعدج مثل اختي وابي لج الزين جان ماقلت لج هالكلام وقولي الكلام الي بخاطرج


البنت طيبه ومسكينه وتبي احد يوعيها وانتي حسبت اختها عادي مافيها شي ياقلبي والمثل يقول الله يخلي لي من بكآني ولا ضحك على الناس

معاهاا

 

[caramil]

رد : ساعدوني شلون اتصرف مع زوجه اخوي؟

دخلي شقتها وقوولي اوووووووووووف ياريحه من شنو هالريحه
خليها تنحرج عشان تعرف شلون تتنظف

وترا نظافة المكان جزأ من النظافه الشخصيه ..واذا اهيا ماتنظف شقتها معناتها حتى جسمها ماتنظفه

عشان جذي اخوج تلقينه لايعه جبده...

قوليلها شهالريحه

وسكري خشمج

صدقيني بتيييب نتيجه..
واخوج لو قادر يصارحها مالجأ لج..

والله معاج

 

[ام _خلودي]

لاا داشين انت بالسالفه كلش صدقيني راح اتم السالفه بقلبهاا حتي لوو بينت العكس حبيبتي ريلهاا المفروض يقولهاا وبطريقه عاديه جدا اذا بغي يطلع من الشقه يقولها حبيبتي دقي علي الخدامه خليها تنظف الشقه وتغسل الحمام لان فيع ريحه ولا يقوولها زفي هالخدامه الخايسع وقوليلها كل يوم لازم تغسل الحمامات وتنظيف يوم وترك واذا ماسمعت كلامج عطيني خبر واناا اسنعهاا يتروالي بهالطريقه راخ تووصل المعلومه من غير زعل

 

[ام _خلودي]

قاعده اكتب من الاي فون والبدليات وايد اهم شئ وصلت الفكره

 

[Tom ♥ Jerry]

رد : ساعدوني شلون اتصرف مع زوجه اخوي؟

.


لآزم الريال يقول لها !
مو حلوه تطلع منج ! و بعدين آهيه زوجته وين المشكله ليه قالها البيت وصخ !
خل يقولها آحسن ! ترا اذا سكت رآح تتعود على هالوصاخه

 

[ام شيخوه]

رد : ساعدوني شلون اتصرف مع زوجه اخوي؟

المفروض اللي يكلمها اخوج ترى لو قلتيلها انتي احس بتجرحينها موحلوة بحقها المفروض بينها وبين زوجها

 

[فتنه]

الأفضل انج ما تكلمينها ريلها و يتفاهم معاها مالج شغل فيهم بعدي عن المشاكل حبوبة

 

[يــ عذآبيئ ــآ]

والله حبيبتي الكلمه اللي تستحي منها بدهااااا

ليه صارت موجوده بالشقه دشي عليهااااا وفهميها وقولي لها انج خوش بنت واخوي محظوظ فيج بس في شي حابه اكلمج فيه

والله يشهد اني عادتج مثل اختي حبيبتي الريال يحب مرته اللي تنظف بيتهااااااا وتهتم فيه وما تعتمد اعتماد كلي على الخدم

يعني يا قلبي اهتمي ببيتج وبنظافتج بايدج فهميها انها اذا نظفت بيتها بايدها اخوج راح يحبهااااا ويغليها بزياده

دشي عليها من هالباب

معاها :eh_s(15):

 

[+بسبوسة+]

ديري بالج تتدخلين...

الريايل جذي الحين مستحي منها...وباجر اذا عنده شي زين اول وحدة يخش عنها انتي...بحسن نيه طبعا


وتخسرين البنت وتم طول عمرها مانسيتلج...

ويمكن احد يقولها ان اهو ماكان متضايق وانتي الي نبهتيه وشيشتيه

نصيحة قولي لأخوج انا بعد استحي..

كل ماصارت علاقتج فيها رسميه ومجاملات وايد احسن

لان اذا طاحت الميانه انتي اول وحدة بتخسر

 

[معزوفة عشق&]

رد : ساعدوني شلون اتصرف مع زوجه اخوي؟

انا ماشوف ان فيها احراج
الحق ماحد يزعل منه
بس خذيها باسلوب راقي وبتلطف وبالعكس يكون كذ1 كسبتي اجر ف اخوك المسكين خخخخ

وربي يسسر لك دربك

 

[noonaah]

عندنا وعندج خير احنا مو 8 شهور لا سمله عليها صارلها 3 سنين والمره عيلت ولو نموت ما مسكت مخمه ولا فوطه والخادمه مسكينه ماتلحق تمسك الياهل ولا تنظف ولا تاخذها معاها لبيت اهلها بالايام واخوي بروحه مسكين ويترجاها تييب الخادمه عشان تنظف

هذيل كفو يصير عندهم بيت وعيال بذمتك
تربيتهم وصخه

 

[فخامه كبريائي]

رد : ساعدوني شلون اتصرف مع زوجه اخوي؟

انا عندي فكره تمنعج من انج تواجهينها فيس تو فيس و تنحرجين ...
و الخطه هي قبل لا ترد مرت اخوج لشقتها روحي انتي و امج و الخدامه الشقه و ابدو تنظيف و بخروها ...و لمن ادش عليكم و اتشوفكم تنظفون و جذي اكيد بتستحي على دمها و تنظف شقتها ...اما اذا ما حست سوري يعني مرت اخوج صج قوطي ...:/

يعني الرجال ليش متزوج ...!!لانه يبي مرا سنعه و نظيفه و تهتم فيه و ابيته ...

 

[..<< ندى الورد >>..]

رد : ساعدوني شلون اتصرف مع زوجه اخوي؟

حبيبتي والله كأنج انا اللي اتكلم
والله نفس حالتي ... بنت الحلال ماشفنا منها الا كل خير
بس شقتهااااااا ما اتقدرين تدخلين من كثر مافيها ملابس مقططه وبيبسي
منكت على السراميك ومدبق
وريحه الحماااااااام وييييع ما اقدر ادخلهاااااااا

شلون اخوي متحمل ..... اهي شلون متحمله


والصراحه انا حييييييييييل معاااااااااهاااااااا ميانه بس استحي اقول لهاااا
احسها ماراح تتقبل تجي من زوجها ولا مني

 

[Esraa.a]

رد : ساعدوني شلون اتصرف مع زوجه اخوي؟

اب اب اب

 

[مسك وورد]

نصيحه لاتتدخلين بالموضوع
والله ما تنساها لج
قولي لاخوج انت كلمها
ولا تسكت لانها راح تشوف ان الوضع عادي وتتعود عليه

 

[الملاكـَ]

لوول والله بصراحة ووييع حده
يعني اهم شي النظااااافة
انا شاقه نفسي شقتين من التنظيف وناس وصخه
انا اقول اذا انتي ميانه حيل واهي من النوع اللي عاااااااادي ما يزعل قوليلها عادي
وقوليلها ان اخوج قالج اتقولين لها ؟
واذا لا خلاص خلي اخوج يقولها