ساعدوني عرايس ومتزوجات بالمكياج....

[شيخة العووووب]

مرحبا عرايسنا الحلوات شخباركم

حبايبي بطلب منكم طلب من العرايس والمتزوجات ادري فيكم ماتقصروون

اول شي انا عروس زواجي بعد شهرين وتقريبا خلصت من كل شي بس دقرت عند المكياج ماعرف شي لاني قبل العرس وااايد نعومه ماكنت احط شي بس كحل ومسكرا وحمره هاديه
وانا الكبيره ماعندي احد اساله ياليت تحطولي اسماء الماركات اللي جربتوهم واعجبوكم من اول خطوه بالمكياج الين اخر شغله فيه عفيه ان شاءالله تكونون فهمتووني ابي من المرطب والكريم الاساس والشدوات وكل شغله كم احتاج منها عفيه حتى فرش الشدو والفرش الثانيه شنو افضل شي ابيها توزع الشدو وتدمجه وتكون مريحه بالاستعمال ...

جزاكم ربي الجنه ان شاءالله .... لاتاخروون علي بالردووووود ...

ربي يسعدها ويوفقها ويجعلها قرة عين لزوجها ويجعله قرة عين لها


ويرفع مقدارها اللي ترفع لي المووووضوع

 

[عذبة السجآيآ]

حبيبتي الف مبروك والله يتمم عليج يارب

شوفي ياقلبي اول شي لازم تشترين الشغلات اللي بشرتج متعود عليهم موعشان عروس تشترين كل شي لان بتتوهقين فيهم بعدين


ودام انتي ماتحطين ميك اب واجد ولا متعوده عليه انا بقولج شنو تشترين

اخذي كحل من ماك مدور مع الريشه << ليش قلت لج هذا لانه كريمي وتقدرين تستخدمينه على ماتعود ايدج

اخذي حوالي 6 حمر ( احمر + وردي + بيج + قمرديني او مشمشي +فوشي+ واللون الاخير شوفي اللي يناسبج

اخذي علبة شدو + علبة بلشر + جم شدو بروح يعني لون بروحه او 4 الوان مع بعض

2 مسكره << لانكوم حلوه والثاني اخذي اج ار hr

2 كريم اساس واحد استعمال يومي وطبيعي والثاني للمناسبات ممع البودر مالتهم

محدداات + قلوسات + كحل قلم للعيون اللوان

لمعه+ اضاء من حنان وشارمل

كونسيلر + تاتو حواجب فور ايفر حلو وكراجا يمدحون بعد

واهم شي فرش الميك اب اخذي من زلزلة يهبلون انا اخذتهم ررروعه واذا تعودتي عالميك اب اشتري ماركه

وكحل محمود سعيد سائل


والماركات الحمر سالوران تهبل زبده حيل انصحج فيها حتى القلوس

وان شاءالل قدرت افيدج واي شي ثاني انا حاضره

 

[الأميرة جوري]

لرفع

 

[tmneetk]

حيااتي الف مبروووك ..

معرض المكياج يتبطل الشهر الجاي ..

ما ازيد ع كلام خفوقي .. ماقصصرت

ماك عنده كل شي حلو من كريمات و من حمر و من فررش ..

عندج اذا بطل المعرض .. روحي شارمل عندهم علبه اذا مو غلظانه 12 لون كلهم فواتح الوان حلوه و ذربه بنفس الوقت
انا شاريتها تجنن الواانها حييل هاديه .. و بعد عندهم حمر حلوه حييييييل ماتروح بسسرعه و الله اغلب حمري من شارمل تجي اربع ما ادري خمس الوان مع بعض ..

و عندهم الاضاءت حلوووه حييييل
و بعد قلوساتهم تجننن
عندج مسكره اج ار روووعه

مثل ماقالت خفوقي كريم الاساس واحد للمناسبات و واحد استعمال يومي . . انصحج في ماك حلو وو حنان دشتي شوفي اللي يناسبج
تاتو ميك اب فور ايفو حلوووو و تاتو مااك رووعه ..

عندج بلشششر شارمل الوانه زوووووغه ..

انا خذيت فرش حنان دشتي خذت طقم كبير و صغير ..

كحل محمود سعيل

ووو لاتنسين محدداات انا بصرااحه احب سمايلنق ..
و كحل اسود داخل العين عند ماك حلوو ..

و كحل الازرق و الاخضر اخذي ماركه قوولدن لييدي الوانهم لاتعليق
انا ماخذه درجات الازرق و الاخضر و ابيض و بنفسجي ..


اي لا تنسسيين اضاءات مااك تحت الحوااجب روووعه

وبعد فيه عند ميك اب فور ايفر البييس كريم حلو لششقه انا خذت الازرق و الوردي

امممممم بعد

اي فيه بودره لمعه عند حناان حلوووه حيييل اذا عندج مناسبه تحطين منها

بس اتوقع كااافي

 

[ELF Kuwait]

كريم للبشره مرطب أنصحك بماركه ليراك ..اللي استخدمته قبل لونه أحمر من تحت وحيل ممتاز ومغذي

..ماركة فرنسيه ومتوفره بالصيدليه ..وايد فرش الكريم على البشره..

والله ايوفقج آمين يارب العالمين

 

[مجنونه ودلوعه]

انصحج بمسكرة اتش ار وسن لووران

وتاتو ماك للحواجب يجنن وكيراج اذا تشقرين ماينفعج لانه يبرز التشقير مايغطيه كلش

وحمر لاتاخذين شانيل مو حلوه كلش موثابته وحيل خفيفه
اخذي من سان لوران تجنن الوانهم وحلوين في رقم واحد من التشكيله الجديده البرتقالي الاحمر تجنن

والجوثن عنده مثبت الحمره يهبل يقولون عند ميك اب فورايفر نفسها بس مادري
خذيتها من الجوثن
تثبت الحمره ولونها مايتغير كلش
وانتي شكلي لاتاخذين من ماركه وحده
اخذي من وجيرلان
ديور ماحبيته
اخذي لون باربي

كريم مناسبات استيلودر دبل وير افتح منج بدرجه

والبيت اللي تتعود عليه بشرتج

تحديد اخذي من ماكس فاكتور رخيصه وحلوه موجافه

وبودرة ماكس فاكتور الذهبيه رووووعه الكل بالدوام يستخدمها بس تصلح للبيت والطلعات




والله يوفقج للي يحبه ويرضاه

ويتمم عليج بالسعاده والهناء

واهم شي ادعي الله

( اللهم من اراد بي سواء بي ومن احب فاشغله بنفسه )

​

 

[شيخة العووووب]

مشكوووورات حبيباتي خفوقي والاميره وتمنيتك وELF kuwait ودلوووعه الله يجزاكم خير ومايحرمكم الجنه ياااارب

 

[شيخة العووووب]

للرررررررفع

 

[((غلاي))]

رررررررررفع

 

[شيخة العووووب]

اااااااااااااااااااااااااااااااااااااااااااااااااااااااب

 

[ياغروري]

اااااااااب

 

[أم النووفي]

ااااب ..
أشياء وايد اتفقوا عليها البنات .. حمرة سالوران ومسكرة hr ... فيه إضاء حلوه عند عروس البحر لونها بيج بس مادري شنو اسمها روعه هالإضاءه انتي اذا رحتيلهم قوليلهم عن المواصفات اللي قلتلج عنها وعلبتها بلاستيك عادي بثلاث دنانير .. بس حيل حلوه ...إستخدمت حمرة بسام فتوح حلوه من دبنهامز شريتها ( حلوه بس تطبع كل ماحبيت جاهل طبعت عليه والكل يدري إني حااااابه هالجاهل من حمرتي هههههه)) وترا امر المكياج سهل بيوم تخلصينه إن شاءالله إذا كتبتي اللي تبينه .. وموفقه حبيبتي((( هذررررررت عليج وايد)

 

[B.A.M]

آآآآآآآآآآآآآآآآآآآآب

 

[FOOSHA]

آب

موووفقه حبيبتي :$

 

[عسل 511]

الله يتمم لك على خير حبيبتي انا بقولك عن اشياء جربتها كريم اساس وبودره استي لودر وفي ناس مدحو شانيل وديور وجفنشي انتي روحي جربي على بشرتك والكحل السايل محمود سعيد والمسكارا لانكوم وديور وميبلين الصفراء والبلاش خذي شانيل وردي فاتح وبيج وبرونز برجوا والارواج خذي اف سالوران الاحمر على عنابي وشانيل ودي فاتح والباقي خوذي من برجوا وريميل اسعارها حلوة وثابته

 

[الحياة فرص]

اناتوني شاريه من اررض المعارض
علبه كامله بـ١٦ دينار ماركة مبروك كل شي فيها وحلووه (حمر، بلاسر، اظاءات، شدو،بودرة) مسوين عرض
انا انصحج تاخذين اكريم الاساس ماركة فور ايفير والكونسلر مالهم يمدحونه انا ماجربته بس بشتريه بنت خالي عندها وحلو

 

[miss king]

الله يوفقج ويسهل امرج تعلمي شوي شوي لمده هالشهرين شوفي youtube المكياج المعرض قريبا واشتري الا بخاطرج بيضون عندهم عرض الحين روحي شوفي

 

[>الحنان كله<]

هلا حياااااااااااااتي
المرطب:كانبيو سعره شي وثلاثين
الفاونديشن للمناسبات:استيلودر دبل وير او كيرولان اخذي افتح بجم درجه
البودره الكومباكت:المناسبات كانيبو
الفاونديشن اليومي: ديبورا حلو ونوبا
البودره اليوميه :ماكس فاكتور الذهبيه او سمايلينغ
البلاشر: البرونز من استي لودر او جفنشي بلاشراتهم خيال
الماسكرا: لاتفكرين بغير لانكوووووووووم او اتش ار
الاي شادوا :مكياااااجي خطير و\اخذي اللون البنيات حلوين
الحمر :من اف سالوران اخذي احمر وعنابي وفوشيا
الاي لاينر : لانكووم
كحل القلم :فور ايفر
الكونسيلر :انصح وبشده مااااااااااااااااااااااك
وموفقه ياروحي​

 

[أم برهوم]

عندج كريم اساس :
كريم من ماركه سي راي sea ray يكون مدور ومخملي ملمسه
حيل حلو انا شاريته من مركز التجميل اللى بجمعيه مشرف

وبودره عندج ماكس فاكتور الذهبيه حلوه وعمليه
وفي عندهم لمعه اسمها شيمر جنها الحمره حلوه اخذيها
وعندج برجوا بلاشراتهم حلوه اخذي البنك بيبي واخذي المشمشي
وفي عندهم شدوات الوان اخذي الوان البني والوردي

وعندج ريميل اخذي منهم القلوسات وحمر
وصبغ الاظافر ملوتهم حلوين وخاصه العنابي

وعندج بوبا مسكرتهم حلوه السلفر مع الحمرا
وعندهم علبه فيها اربع الوان الوان السموكي الاسود والوان البني والوان
الازرق والوان البنفسجي ومع كل علبه كحل شمعي
واخذي منهم كحل داخل العين الوان اخذي الاسود الشمعي
والفيروزي
واخذي منهم بودره فيها اكثر من لون حلوه
واخذي من ماك اللمعه اللى تحت الحاجب واخذي منهم
كحل داخل العين شمعي الكحلي والازرق والاخضر حلوين حيل
واخذي منهم الحمر الاساسيه : ( الاحمر / الفوشي / البرتقالي / احمر جذاب مايل على برتقالي )

وهم المنصور حلو :
عندهم بودره سمايلنق رقم 5 طبيعي
و9 شوي افتح
ووعندهم اوركنسل لمعه تحت الحاجب رقم 12 حلوه
واخذي منهم فرش مكياج وعندهم حمره فلورا لونها كحلي
الوانها حلوه ماتنمسح
​

 

[غزوى]

اللة يوفقك ويسهل امورك