ساعدوني عصبيه حدي

[ام اطوطه]

السلام عليكم ابي مساعدتكم حدي متضايقه امر بظروف صعبه واعصابي تلفانه كله معصبه حتى على عيالي بليز ابي شي بعني خلطه طبيعيه حق الاعصاب عيالي كاسرين خاطري يا معصبه يا مطنقره تعبت بلييييييييز اللي تعرف بس ابي شي طبيعي

 

[هنادي المزيونة]

ربي يشافيج ويعافيج

العصبية من الضغوط اللي حواليج

علاجج بالوضوء والصلاة ....... الماي يطفي نار الغضب ...... والصلاة تريح قلبج

واذا عصبتي ابتعدي عن عيالج يعني روحي لغرفتج ... لا تحطين الحرة فيهم وتالي تحسفين

 

[عائشه المطيري]

الله كريم

 

[noorq8]

في انواع شاي تنباع بالسوبر ماركت لكن للاسف بره الكويت لو لقيتي احد بيروح المانيا ممكن يجيب لج وفي حبوب b12 سئلي عنها الصيدلاني بالكويت (ومتوفره بالمستوصف) لها تاثير عالمزاج وتهدي الاعصاب وتخفف التوتر

 

[انثى عاشقة]

الله يعينج اختي
جربي شاي اللافندر قريت مرة انه مهدئ للاعصاب
بعد لاتنسين الصلاة والاستغفار حيييييييييييييييل تهديج

​

 

[انااا وووبس]

عندي وعندك خيييييييير
عصبيتي شي مو طبيعي مايعجبني العجب ولا الصيام برجب والله انا ودي اتغير بس مووو قادرة

 

[فانيلا]

ريحي عمرج واذكري ربك دايما

نظمي جدول حياتج وروحي مساجات سبا
وخصصي وقت لج لنفسج

بتلاقين نفسج اهدا لان عصبيتج من الضغوط ومتى ما خففتيها خفت عليج

 

[MoonDiamond]

تعوذي من ابليس
واستغفري دائماً
واذا شفتي نفسج معصبه حيل
ادعي لعيالج بالهدايه والعافيه

أنا نفسج حيييل عصبيه عليهم
وهم بروحهم ضغط نفسي
فوق ضغوطات الحياة


الله يعينا جميعا
والوضوء والصلاة مالنا فناة عنهم في كل الأحوال​

 

[رحاL]

فديت عمررررررررررررررررك ريحي شوي فديتك