ساعدوني في اختيار لون المكياج لزواجي

[Luna]

هاي جميلات

أبيكم تقرحون علي لون المكيب حق زواجي

الفستان راح يكون لونه أوف وايت وبسيط ستايل أوروبي


والباقة محتارة بين لونين الأبيض .. أو لون اللافندر إلا أهو البنفسجي الفاتح

قولوا ليي أي لون أختار شنو ألوان الميكب اللي تناسبهم في اللوينيت؟!

مع العلم مكيب لي في الخطوبة كان وردي وبرونز فأبي ألوان مختلفة عشان أكون غير عن الخطوبة

ولوني حنطي فاتح

يلا ذويقات عبي فزعتكم

 

[زين ودلال]

حطي بنفسجي او برتقالي

او وخري عن الاحمر

الله يوفقج ان شاء الله

 

[همس الهموسات]

موفقه حبيبتي ممم جربي الاحمر اذا كانت بيضاا والبنفسجي ودرجاته اذا كانت بنفسجي

 

[zargona99]

جربي مشمشي مع بني انا جربت لون مشمشي بعرسي قبل فتره واااااايد كان حلووو وانا بيضه وستايلي كان اوروبي وللحين اي احد يشوفني يقولي مكياجج روووعه وين حاطته
ومسكتي كان لونها برتقالي فاتح والله مو قاعده امدح نفسي بس هذا كلام الناس عني


صج كثر ماتقدرين خلي مكياجج يكون ذرب مو اوفر وخلي كل شي فيج ناعم وستايل صيري مميزه بعرسج هذا يوم واحد بالعمر

 

[lady mnmn]

انا هم حطيت لون مشمشي او البطيخي الفاتح مع لمسة من الفوشيا .. وبالضبط بالضبط ..!! كنت طالبة نفس هالميكب ( نفس حنان دشتي) نفس الترتيب الالوان لان فستاني كان الاوف وايت وباقتي سويتها تيوليب الفوشيا لاغامجة مع الروز الاوف وايت وكان كله تمام ^_^

بس الفرق الوحيد اني ماحب رسمة العين تكون مفتوحة من ورى او جدام فطلبتها تكون رسمه عين العادية المسكرة كاملة ^_^ وللحين اطالع مكياجي ما شاء الله نظيف ومرتب والالوان كانت متناسقة مع الفستان والباقة

 

[Luna]

حطي بنفسجي او برتقالي

او وخري عن الاحمر

الله يوفقج ان شاء الله

الأحمر كلش لاء

أحس مابيطلعني ناعمه وآنه أبي لون هاديء وبسيط عشان الحفلة بتكون عائلية وبسيطة

لو احط بنفسجي .. آنه موتي عالبنفسجي ما ابي ادمج وياه وردي لانه بخطوبتي حطيت روج فوشي

ومعضم الحفلات احط ليي روج تدرجات الوردي

فأبي أغير عن الروج الوردي شنو ممكن يناسب وياه
إذا ممكن صور

 

[Luna]

سوري بنات مابقدر ارد عليكم وحدة وحدة

لأني داشة من تلفوني


المهم شفت اقتراحاتكم وعجبني اللون المشمشي وأكثر الظن بسوي باقتي بيضة

بس ما أبي أدخل اللون الوردي معاه

مثل ماقلت لكم خطوبتي كان وردي وبرونزي و ذهبي والروج كان فوشيا


وبسألكم مرة وحده شنو لون المنكير؟! أفكر مشمشي مع سلفر يطلع حلو؟! وبالنسبة للاكشورات شنو ألبس؟ فضي أو ذهبي

أحس الذهب مايطيح مو؟!

بنات بليز بليز اللي عندها صور ولا شي تحطهم كل يوم لي راي أبي أثبت على شي واحد

 

[lady mnmn]

ممممم بالنسبة للمناكير اغلب اظن عندنا ان نتحنى بس بما انج مابتتحنين .. برايي انا احس اكثر شي بيناسب العروس والفستان وبما انج اخترتي الميكب يكون مشمشي وبتلبسين اكسسوار خليه فرنش (أو) سوي وحدة من هالـ نيلز ارت .. جربي دوري لج اللي يناسبج ,, Bridal nail art

ومثل ماقلت لج الفرنش العادي

واللي برايي بيكون ارقى واحلى مع الدبلة وخاتم الشبكة او الاكسسوار اللي بتلبسينه لان بطبيعة الالوان اللي اخترتيها يعني باقتج بيضة وميكبج مشمشي .. الاحلى يكون شي هادي مب الوان صارخة احمر او وردي او اورنج او او او :eh_s(4):

زين بالنسبة للاكسسوار .. مدري اذا قصدج الشبكة نفسها تلبسينها بيضة ولا صفرى .. لان بعد عندنا الاغلب يمشي على الشبكة .. بما انه فستانج اوف وايت اول شي انصحج الباقة ماتكون بيضة لان بيكون في تناااااااااااااقض .. خليه الروز او الباقة بشكل عام شوي warm يعني مب ابيض!! ممكن تستخدمين الروز الاوف وايت برايي احلى .. والاكسسوار ممكن ابيض .. وهم ممكن اصفر الاثنين يمشون مع البدلة الاوف وايت .. انا فستاني كان اوف وايت وطقمي ابيض احسه ارقى فالعرس ^_^


وشي مهم لازم تنتبهين له .. مب يعني انج عروس لازم تلقين لق من فوق لين تحت !! تحملي بجذي بتكونين ارتكبتي اكبر خطا وبيبين انج عروس مب شايفة خير هالشي يصير عنا بصراحة .. تشوفين فستان العروس مايبين شكله من الزري والشك والكرستالات والتطريز وهم تلبس لج شبكة ولا طقم لاف على رقبتها كله .. زين الاضاءة اللي بتكون عليها مابتبين شكلها كيف!! بتكون كلها ليتات بس.. فتحملي .. يعني فستانج خفيف او مافيه حشرة كرستالات لبسي اكسسوار ممكن يكون كبير بس مب وايد يعني يبين فيج عشان الناس تعرف وين تشوف اما لو كان فستان مشكووك وفيه كرستالات من الله خذي شي خفيف وانيق ويبين انج ذوق وكلاس..

واذا تذكرت شي بخبرج افا عليج ^_^


وبس اي سؤال انا حاضرة من عيوني ..

 

[zargona99]

خلي مسكتج نفس لون الحمره وصبغ الاظافر عشان يكون حلووو مو كل شغله لون

وخلي شبكتج تكون فضيه مو ذهبيه

 

[Mrs_Orchidia]

البنات ما قصروا

بس في حال كنتي تبين مسكة بيضا .. خلي اللوك مشمشي لانه عاجبج
و الصبغ مشمشي مع ذهبي أأأوووو فرنش مع كرستالة
الاكسسوار ذهبي

اما اذا كنتي تبين البنفسجي .. الروج مالج غنى عن الوردي .. مو معقولة بتحطين روج بنفسجي؟!! مو حلو
ممكن تحطين روج وردي فاتح baby pink
غلوس او بدون غلوس على راحتج ... بس أحلى شي مع البنفسجي برايي اهو الوردي
مو حلو معاه نيود .. وايد ترقع بالالوان
الاكسسوار سلفر

و موفقه يارب و الله يتمم بخير

 

[caramella <3]

لوك مشمشي يتراوالي اذرب حبيبتــــــــــــــي ,, و الف الف مبروووووووووووووووووووووك مقدماً

 

[زوجة عزيز]

الف مبرووك حطي بنفسجي حلو

 

[(توته مربربه)]

مشمي مع ذهبي​

 

[الجمووووح]

ربي يوفقج ويسعدج يارب

وانشالله تطلعين احلاا عروس

اهم شي ياقلبي خليج ريلكس واذكري ربج دايمن لا تنسين عشان يوفقج ويسر امورج

 

[جوهرة البحرين]

حبيبتي انا اقترح تحطين ميك اب ترابي "برونز" وفيه لمسة بسيطة لون اخضر او تركواز بيطلع رهيييييييييب والله بيصير على الاوف وايت يهبل
ها شرايج؟؟

شوفي لوكي الثاني هم بعد حلو لون الميك اب على اوف وايت اللي اهو لون زيتوني يبرز العين