ساعدوني في دول اوربا

[ام دانه و ديمه]

السلام عليكم
زوجي و اعدني في شهر 6 بوديني اوربا و قال اختاري المدن الي تبين طبعن انا و عيالي و هذي اول مرره اروح لاوربا فمحتاره بين ايطاليا و سويسرا و المانيا و النمسا محتاجه لمساعدتكم رشحو لي المدن و الاماكن الي تصلح لعيالي و لي تعرفون الحريم يحبون االتسوق وافضل اوت لت و كللللل شي الله يعافيكم و هل شهر 6 تبداء التنزيلات ؟؟؟؟

 

[$حبيبة عبودي$]

هلا حبيبتي انصحج النمسا والمانيا تهبل تهبل ميونخ حبيتها طبعا زلامسي روعه بس عيبها ربعنا هناك
شكثرهم زوجي يمشي ويسلم مارتحنا حيل بس ميونخ فيها بس موكثر زلامسي
مممم سويسرا مارحتلها بس يقول زوجي كئيبه حييل

 

[ام دانه و ديمه]

مشكوره حبيبتي ماقصرتي

 

[Samurai]

مادام اعيالج معاج
انصح النمسا وألمانيا
ولا تكثرين التنقلات ولا تركزين على السوق .. لأن سوقهم مو ذاك الزود
طبي مطار ميونخ
وروحي على طول كابرون يم زلامسي .. أجري شقه لمدة وافتري كل يوم
طبعا أنصح بايجار سياره اريح لكم
وممكن اخر كم يوم لة 5 ايام بميونخ

 

[ام دانه و ديمه]

مادام اعيالج معاج
انصح النمسا وألمانيا
ولا تكثرين التنقلات ولا تركزين على السوق .. لأن سوقهم مو ذاك الزود
طبي مطار ميونخ
وروحي على طول كابرون يم زلامسي .. أجري شقه لمدة وافتري كل يوم
طبعا أنصح بايجار سياره اريح لكم
وممكن اخر كم يوم لة 5 ايام بميونخ

مشكوووووووووووره حبيبتي:eh_s(17):

 

[Beautiful soul]

المانيا والنمسا بس المانيا روووعه حبيتها
المانيا رروعه ميونخ وتبعد عنها قارمش ساعه تقريبا وبنسخ لج من قوقل السياحه في ميونخ وانتي عاد اقري ونقي اللي تبين
اهم الاماكن السياحية في ميونخ:
1. الحديقة الالومبيه وفيها البرج وفيها معرضbmw وبالقرب منه مجمع الالومبيك
لدخول للحديقة مجانا وسعر ركوب القطار 3 يورو والبرج 5 يورو(طبعاً لا تنسون تاخذون التذاكر العائلية تكون ارخص).
2. قصر نيفن بورج حلو وحديقته مرة حلوةNymphenburg Palace امام القصر نافورة وبحيرة تسبح فيها البط وفي خلف القصر بحيرة كبيرة ويمتد منها نهر يقسم الحديقة قسمين على اليمين فيه حدائق صغيرة و مقهى
وعلى اليسار تلال خضراء و بحيرات
3. بحيرة شتان بيرج حلوة حولها مقاهي، وفيها سفينة تأخذك بدورة حول البحيرة
4. ساحة مارينا بلاتر
5. مجمع ريم اركادا فيه مقاهي وساحات مرررة حلو
6. Deutsche Museum
7- الحديقة الانجليزية English Garden
8-سوق الالومبيك قريب من الحديقة الالومبية مكيف وحلوOlympia Zentrum
ملعب اليانز ارينا الخاص لفريق البايرن ميونخ
9-ماكسيملين ستراشا maximilian STR
10- شارع الماركات odeons platza
11- متحف هتلر dachau stadt
12-المركز التجاري Neuperlach Zentrum مجمع ( نيورو بلاخ )
13-السوق المفتوح Viktualienmarkt
14- كارلتز بلاتز
15-اودن بلاتز (مجمع).

خارج ميونخ
مدينة السينما الالمانية وتبعد تقريباً نصف ساعه بالترام
ليغو لاند ساعه ونص بالسياره
زيارة بحيرة tegernsee تبعد عن ميونخ قرابة ( 40 ) كم .
وكذلك بحيرة الملك Koniggsee وهنا تقرير عنها
- قريه فوسن (ساعة ونصف بالسيارة) التي يوجد بها قصر الملك لودفق الذي استوحت ديزني شعار مدينتها . والقرية بها العديد من البحيرات... وأجملها البحيرة التي تقع تحت قصر العائلة مباشرة...
يمكنك ايضا زيارة البحيرات القريبه من ميونخ مثل
Starnberger See حديقه
Chiemsee
Ammersee
Kochel See
زيارة شلالات (Die Wasserfalle bei Buchenegg)تبعد ساعتين عن ميونخ
سكاى لاين
حديقة الحيوان thalkirshen zooحديقة صغيرة وبسيطة
باد تولز زحليقه
قارمش
يوروبارك (بعيد تقريبا ٣٦٠ كيلومتر) هذي ملاهي روووعه بس بعيده شوس يمكن اربع ساعات عن ميونخ

وانتي بعد سوي بحث عن السياحة في النمسا ورتبي لكم جدول واحجزوا سياره قمة الوناسه

وسفرة حلوة

 

[حروف من ذهب*]

أنا رحت النمسا وألمانيا وسويسرا وكان الجو حلووو أما إيطاليا بتكون حاره

 

[كويتية توتة]

انصحج بالمانيا ميونخ والنمسا زلمسي او كابرون مابينهم شي مثل الرميثية وسلوى هههه
طبي مطار ميونخ واجروا سيارة من الكويت تستلمونها في مطار ميونخ بعدين لج خيارين يا تخلين ميونخ البداية او تروحين زلمسي قبل
اذا بتروحين زلمسي ساعتين بالسيارة من ميونخ لي زلمسي
تخلصين من زلمسي وكابرون تردين بعدين لميونخ فيها السوق حلو كله تنزيلات ويونس سوقها
كابرون فيها الثلج يشوفونه عيالج وفيها زحلاقيات سلفالدن وفيها الشلالات وفيها اماكن ترفيهية وايد ويكفي الجو زلمسي عندح البحيرة تقدرين تأجرون قارب
وتقدرون تروحون لفينيسيا بس ما تصلح ليهال بيملون من زلمسي لي فينيسيا بالسيارة تقريبا ٦ ساعات
تقدرين تروحين من زلمسي لي مناطق بسويسرا بس البنات يفيدونج لان ما اذكر جم المسافة
موفقة يارب