ساعدوني في زبدة الشيا ولكم مني دعوة في ظهر الغيب

[غزالة ماتنصاد]

السلام عليكم ورحمة الله وبركاته
كويتيات انا محتاجة مساعدتكم في زبدة الشيا وانتوا ماشاء الله عليكم خبيرات
انا عندي زبدة الشيا كمية كبيرة ومو عارفة استفيد منها للاسف :eh_s(16):
ابي اخلطها مع كريمات استخدمها بعد السبوح
جربت اذوبها واخلطها مع لوشنات بس ماضبط معاي صار فيها حبيبات وتضايقني لما احطها في جسمي !!
شلون اخليها تصير نااعمة وتتجانس مع باقي الكريمات ؟؟
واللي عندها خلطة كريمات مع زبدة الشيا ومجربتها تكتبها للافادة
ولكم مني احلى دعوة في ظهر الغيب .. :eh_s(7):

 

[شذونه]

اب اب

 

[غزالة ماتنصاد]

تسلمين ياقمر

 

[غزالة ماتنصاد]

وينكم بنات معقولة محد يقدر يفيديني

 

[&موناليزا&]

عزيزتي رفع لعيووووووووونج

 

[غزالة ماتنصاد]

مشكورة ياقمر

 

[((غلاي))]

الي اعرفه تذوبينها بالميكرويف

انا ماجربتها
انا اشتريها من لوكستيان الافنيوز تهبللللللللللللل

و ناعمه و مخلوطه مع زيوت

 

[غزالة ماتنصاد]

يعطيك العافية يالغلا بس انا اللي عندي خام وجامدة مرة صعب ادهنها بروحها !

 

[عشق رسامه :$]

اب
اب

 

[معلمة شيسمونه]

انا اقولج يا غزاله

انا اذوبها بهالطريقه
احطها بطاسه صغيره واجيب جدر فيه ماي احطه على النار واخليه يغلي عقب احط فوقه شبك واحط الطاسه فوق الشبك

وهي تذوب وتصير مثل الزيت من غير ما تتاثر بالحراره وتفقد من خواصها

عقب اجيب خلطة اللوشنات اللي انا مسويتها وعلى طول اصبها واخلطه بحركه سريعه علشان تمتزج مع الكل
وتشوفينها ما تتكتل ولا شي خلاص تختلط بالقوام وتثخنه لج شوي

في خلطة حلوه للجسم كنت اسويها
- شوي لوشن زبدة الككاو من فازلين
- شوي لوشن مال جسم عادي مافيه عطر واذوب معاه كبسولتين فيتامين سي او ثلاث + كبسولات فيتامين e واخلطهم
- شوي سكنول
- شوي لوشن فازلين البنفسجي
- شوي بيبي جل اويل الي بالبابونج او الزهور
اخلللللللللللللللللللللللللللطهم مع بعض
عقب اجيب زبدة الشيا اللي ذوبتها واخلطها معاهم
وبنفس الطريقة اذوب شوي زبدة ككاو واخلطها معاهم
وبعدين احطهم بعلبة واذا شفتي القوام ثقيل خففيه بلوشن خفيف او سكنول شوي

وبسسسسس هاللوشن يعطي لمعه للجسم اول ما تحطينه تحسين جسمج مدبق بس خلال ربع ساعه يختفي هالشعور تماما
وكنت احطه ورا كل سبحه ما ياثر ويعطي نعومه ولمعه

 

[غزالة ماتنصاد]

يعطيك العافية ياقمر الله يسعدك وينولك اللي ببالك
راح اجرب الخلطة وادعيلك ان شاء الله