** ساعدوني في زيارتي للكويت الحبيبه **

[صوت المحبه]

السلام عليكم ورحمة الله وبركاته

هلا أخواتي في أحلى منتدى :eh_s(8):

ودي تساعدوني أنا حابة أزور الكويت لمدة ليلتين أو 3 ليال
أنا وزوجي وولدي وبنتي 10 شهور

ودي أسكن في فندق جنب مجمع فخم ومطاعمه حلوه
هل تنصحوني أسكن بجانب مجمع الافنيوز وماهي أفضل الفنادق القريبه منه ؟
وهل مطعم ميس الغانم قريب من مجمع الافنيوز ؟

وماهي أحلى المحلات المميزة في الكويت ؟

جزاكم الله كل خير ​

 

[نـعـومـه]

ياهلا ومرحبا

الافنيوز مافي فنادق يمه

بس اذا تبين فندق مناسب عندج فندق المارينا لانه يمه المجمع والمطاعم والبحر

او فندق ميسوني يمه شارع سالم المبارك فيه محلات ومطاعم وهالسوالف

وزوري المركز العلمي فيه اكواريوم وقاعه استكشاف ومن برا قعده عالبحر

زوري حديقه الشعب بمنطقه الشعب عالبحر عشان اليهال يستانسون بالالعاب

والافنيوز شوي بعيد عن هالاماكن بس هم زوريه لانه اكبر مجمع بالكويت

وعندج مجمع360 راقي وفخم

واذا تبين ماكن تراثيه روحي القهوه الشعبيه بالسالميه وفي صوب شرق وعندج يوم البحار مكان تراثي فيه بحر والعاب يهال ومحلات وشغلات قديمه

وعندج سوق المباركيه قديم

حفظي الاماكن عشان تروحون

واذا تبين شي ثاني قولي

 

[نـعـومـه]

ومطعم ميس الغانم بعيد نوعا ما عالافنيوز بس ترا بنسبه لنا بعيد لانه اساسا الكويت صغيره

 

[سحابة امل]

حيااااج الله حبوبه ،،، من ناحية الفنادق ماعندي خبره كلش ،، بس التسوق ممتع عندنا بصارحه وعندنا مجمعات كثيره عندج الافنيوز والمارينا و360 ,,, وعندج سنتر بوينت الشويخ او السالمية ،،، مجمع العربيد والحمرا مول ,,,, الكوت و المنشر وكويت مجيك والبيرق ،،، سوق شرق على البحر بعد روعه ,,, وسلاااامتج