ساعدوني قبل أروح ماليزيا :)

[دلوعة أبوهآ]

مسائكم حب وسعآده ,,
أنا عضوه جديده في منتداكم ,,
أتمنى أكون حبوبه في قلووبكم ,.,

وحبيت أستفسر عن ماليزيا ..!
شنو الفنادق اللي تنصحوني فيها ,.,
في ( كوالا - سلانجور - لنكاوي - بيننق )
طبعاً تكون كلها 5 نجوم ,, غير برجايا اللي راح أسكن فيه في كوالا ,, / : )
اممم أبي في كوالا أكثر من فندق لإني بجلس فيها 8 أيـام ..
ومن وين أحجز .! شنو أفضل سايت للحجز .!!


وسؤال أخير ..!
أنا حاجزه ع الخطوط الإماراتيه ( لأني مالقيت أي امكانيه ع الخطوط السعوديه )
بس سمعت إنه طيران الخليج حلو بعد وأرخص من الإماراتيه .. وأنا صراحه ماجربته أبد ..

فـ شنو تنصحوني أروح بالاماراتيه ولا الخليج .!! :080402ask_prv:

ويعطيكم ألف عافيه حبايب قلبي
وهالله هالله في الردود عشان أول ماروح ماليزيا أكلمكم من هناك وأنزل لكم تقرير وصور عن سفرتي :ggdw:


أنتظر ردودكم :eh_s(7):

أختكم / دلوعة أبوهآ ​

 

[دلوعة أبوهآ]

أفـا ..!
وينكم يابنوتات ..
جيتكم وطالبه مساعدتكم ..,.


لاتخيبوا ظني​

 

[Lulu Sweet]

الاماراااااااتية اكيييييييييييييد

اما الفنادق سوري ماعرف تمنى الباقي يفيدونج

يمدحون الملنيوم و برجايا تايم سكوير و JW Marriot

 

[نور النهار]

هلا فيج حبوبة ولنا الشرف تنظمين لناا في منتدانا الغالي


انا عن نفسي حاليا بكواللمبور وساكنة في فندق شانغريلا خمس نجوم الفندق عجيييييييب ويمج كلklcc
وهم قريب عن شارع العرب

انا وريلي حجزنا على الماليزية بس والله طلعت علينا التذاكر غالية 750 دينار مع الطيران الداخلي

بداية رحلتي كانت بيننغ وسكنا في الهوليدي ان حدة عجييييييييب وقبالج البحر

وبعدهاا لنكاوي وسكناا في افضل فندق اندمان حدة عجيببببب بنص الغابات يعني بلبلكوونة تفتحين الدريشة والشوااذي جدامج

وان شاء الله برووووح جنتنق لانه حيييل بارد برووح لهاا يوم واحد

وانا بصراحة ماجربت احجز عن طريق النت كلة حجوزاتنا عن طريق مكاتب سياحية بس يمدحوون موقع book.com

وان شاء الله اكوون فدتج بسؤالج

 

[nice smile]

جراند ملينيووم عجيييييييييييييييييب سكنت فيه 10 ليالي .. وايد حلووو .. انا حبيته وارتحت فيه وايد .. وحتى الريوق اول مره بحياتي ما اطوف بوفيه الريوق ..

والروم سيرفز يهبلون يدقون يسألون متى تبون انظف الغرفه ..


ايييي واحلى مافيه موقع الفندق يسارج الماركات ويمينج البسطات على قولت وحده بالمنتدى ..

وبعد المطاعم العربيه كلها تحتج ..

 

[آيس كريم توت]

الفنادق النايسة :

الهلتون

المريديان

قاردن

كروان بلازا

واممم في واحد ناسيته بس حده فخم

وكلهم 5 و 7 نجوم

 

[محتاجه لكـ]

الاحصنه الذهبيه روووووووعه
وصن ولاي لغون هذا فندق مع مدينه العااااب حده عجييب
والله يوفقج
وادعيلي الله يسهل اموووري

 

[شيهانه20211]

بصراحه انا توني راده و اايد الاخت نايس سمايل
جراند ميلينيوم بلا منازع و بس

 

[دلوعة أبوهآ]

الاماراااااااتية اكيييييييييييييد

اما الفنادق سوري ماعرف تمنى الباقي يفيدونج

يمدحون الملنيوم و برجايا تايم سكوير و jw marriot

تسلمين لولو ع مرورك ,,.,,
أنا كنت حاطه ببالي برجايا وميلنيوم وأستانا ,,​

 

[دلوعة أبوهآ]

هلا فيج حبوبة ولنا الشرف تنظمين لناا في منتدانا الغالي


انا عن نفسي حاليا بكواللمبور وساكنة في فندق شانغريلا خمس نجوم الفندق عجيييييييب ويمج كلklcc
وهم قريب عن شارع العرب

انا وريلي حجزنا على الماليزية بس والله طلعت علينا التذاكر غالية 750 دينار مع الطيران الداخلي

بداية رحلتي كانت بيننغ وسكنا في الهوليدي ان حدة عجييييييييب وقبالج البحر

وبعدهاا لنكاوي وسكناا في افضل فندق اندمان حدة عجيببببب بنص الغابات يعني بلبلكوونة تفتحين الدريشة والشوااذي جدامج

وان شاء الله برووووح جنتنق لانه حيييل بارد برووح لهاا يوم واحد

وانا بصراحة ماجربت احجز عن طريق النت كلة حجوزاتنا عن طريق مكاتب سياحية بس يمدحوون موقع book.com

وان شاء الله اكوون فدتج بسؤالج

هلا وغلا نور ..
ربي يسعد أيامك وتردين لنا بالسلامه .,
استانسي بوقتك ,,
ويسلم عمرك ع المعلومات ,,

بس انا مالقيت حجز ع الماليزيه
لقيت ع الاماراتيه وطيران الخليج ومحتاره والله أي واحد افضل ..!​

 

[دلوعة أبوهآ]

جراند ملينيووم عجيييييييييييييييييب سكنت فيه 10 ليالي .. وايد حلووو .. انا حبيته وارتحت فيه وايد .. وحتى الريوق اول مره بحياتي ما اطوف بوفيه الريوق ..

والروم سيرفز يهبلون يدقون يسألون متى تبون انظف الغرفه ..


ايييي واحلى مافيه موقع الفندق يسارج الماركات ويمينج البسطات على قولت وحده بالمنتدى ..

وبعد المطاعم العربيه كلها تحتج ..

الله يبشرك بالخير ناايس
لأني حطيت هالفندق ببالي والحمدلله أرتحت يوم قريت ردك ..

مشكوره أختي ​

 

[دلوعة أبوهآ]

الفنادق النايسة :

الهلتون

المريديان

قاردن

كروان بلازا

واممم في واحد ناسيته بس حده فخم

وكلهم 5 و 7 نجوم

ميرسي ايس كريم ,,.,,
ولو تذكرتي إسم الفندق اللي ناسيته ردي لي
في إنتظارك ​

 

[دلوعة أبوهآ]

الاحصنه الذهبيه روووووووعه
وصن ولاي لغون هذا فندق مع مدينه العااااب حده عجييب
والله يوفقج
وادعيلي الله يسهل اموووري

إن شاءالله بروح صن وي لاقون ..
وربي يسعد قلبك ويسهل أمرك ,.,​

 

[دلوعة أبوهآ]

بصراحه انا توني راده و اايد الاخت نايس سمايل
جراند ميلينيوم بلا منازع و بس

الحمدلله ع سلامتك .,,.
ومشكوره ع ردك​

 

[$Golden Tear]

فندق آسكوت بكوالا خمس نجوم و رووووووووووعة

موفرلج كل شي تحتاجينه..و مكان الريوق رووعة بالسطح و تطلين على التوين تورز..

يعني مكان استراتيجي حددده!

 

[دلوعة أبوهآ]

فندق آسكوت بكوالا خمس نجوم و رووووووووووعة

موفرلج كل شي تحتاجينه..و مكان الريوق رووعة بالسطح و تطلين على التوين تورز..

يعني مكان استراتيجي حددده!

والله أحترت ..,,
انا باتنقل في كوالا بإذن الله في 3 فنادق لإني باجلس فيها 8 ايام تقريباَ
واللي حاطتهم ببالي برجايا و جراند ميلنيوم و أسكوت و أستانا
بس مادري شنو أفضل اسكوت أو استانا ..

وشكراً ع مرورك ​

 

[الباسمه]

نصيحه يالغاليه التايم سكوير مايسوى حتى 10 دنانير تخيلي توني راده ورحت ماليزيا مرتين وشفت اكثر من 7 فنادق والله تايم سكوير الاسوأ على الاطلاق
الفراش وصخ ومبقع والسرير يعور الظهر مع العلم اني حاجزه سويت ؟؟؟؟
ارشح المندرين راقي راقي راقي جدا ويكفي معامله الطاقم اللي هناك
بعد ارشح صن واي لاقون اول يوم نزلنا بغرفه عاديه وثاني يوم انتقلنا للفيلا اللي يكون فيها مسبح عجييييييبه لاطوفج
لنكاوي كنت بالشيراتون وبصراحه اعطيه 3 نجوم بس للامانه ريووووووووقهم يجنن يجنن بس خدمتهم عاديه واثاثهم قديم
بيننق والله ما يحضرني اسم الفندق اذا ذكرته بحطه ويمدحون ذا فيو بيتش
وبالتوفيق انشاء الله وانا نوعا ما دقيقه على الفنادق لاني من النوع اللي السفره نصها فندق
الاماراتيه حلوه حيل والخليج افضل اذا نفس السعر انصحج بالخليج
تردين بالسلامه

 

[دلوعة أبوهآ]

نصيحه يالغاليه التايم سكوير مايسوى حتى 10 دنانير تخيلي توني راده ورحت ماليزيا مرتين وشفت اكثر من 7 فنادق والله تايم سكوير الاسوأ على الاطلاق
الفراش وصخ ومبقع والسرير يعور الظهر مع العلم اني حاجزه سويت ؟؟؟؟
ارشح المندرين راقي راقي راقي جدا ويكفي معامله الطاقم اللي هناك
بعد ارشح صن واي لاقون اول يوم نزلنا بغرفه عاديه وثاني يوم انتقلنا للفيلا اللي يكون فيها مسبح عجييييييبه لاطوفج
لنكاوي كنت بالشيراتون وبصراحه اعطيه 3 نجوم بس للامانه ريووووووووقهم يجنن يجنن بس خدمتهم عاديه واثاثهم قديم
بيننق والله ما يحضرني اسم الفندق اذا ذكرته بحطه ويمدحون ذا فيو بيتش
وبالتوفيق انشاء الله وانا نوعا ما دقيقه على الفنادق لاني من النوع اللي السفره نصها فندق
الاماراتيه حلوه حيل والخليج افضل اذا نفس السعر انصحج بالخليج
تردين بالسلامه

هلا ومرحبـآ الباسمه ,,
والله أول مره أشوف مثل هالكلام ع تايم سكوير :eh_s(1):
كل اللي راحوا له يمدحونه ,, ويقولون موقعه حلو وفيه كل شي متوفر ,,

وصن وي لاقون إن شاءالله بنزل فيه في سلانجوور
وفي لنكاوي كثير قالوا الويستن أو لنكاوي لاقون بس للحين ماخترت شي
وفي بيننق بي فيو

أنا سافرت بالإماراتيه كثير
بس الخليج .!! ولا مره
وكل ماسألت أحد قال خايسه هالخطوط ولا تروحين فيها
وانتِ أول وحده تمدحها :eh_s(6):

ع العموم ..,
أدعيلي ربي يسهل لي أموري ..
وتسلمين ياقلبي ,,..​

 

[الباسمه]

حبيبتي اولا الله يسهل امورج كلها وتسعدين بهالسفره وترجعين بالسلامه يارب
ثانيا : تايم سكوير انا شخصيا اهم شي عندي بالفندق النظاااااافه قبل الموقع وقبل الخدمه
وبالنسبه للموقع صج السوق مشي تروحين له بس ترى مو مثل البافليون او التون تور لا سوق وسط مو غالي
وهو مناسب للي معاه اطفال لان بالسوق نفسه العاب
وانتي روحي واحكمي بنفسج؟
اما لنكاوي تذكرت (لنكاوي لاقون هو الافضل ) بس عيب هالجزيره انه الساعه 8 كل شي مسكر وتحسين بملل اذا انتي من النوع اللي يتاخر بالقومه الصبح (نصيحه من الصبح طلعي عشان اذا سكرو تكونين دايخه تبين تنامين - وشروق الشمس هناك منظر خيالي سبحان الله )
اما الطيران انا سافرت بالكويتيه والسعوديه والقطريه والاماراتيه وطبعا افضلهم الاماراتيه
بس الخليج يمدحونها حييل كل اللي اعرفهم وجربوها
وانتي منتي خاسره شي جربيها وقوقليلنا
موفقه واسفه على الاطاله

 

[دلوعة أبوهآ]

هلا فيك حبيبتي ,,
ربي يسعد قلبك والله يسمع منك ويسهل لي أمووري كلها واستانس في سفرتي ..
والله ماتدري شكثر شايله هم ,,
:0bee2e8d89:
وكل ترتيبات السفر ع راسي :eh_s(11):

أنا رايحه مع أهلي وهم معتمدين علي في كل شي ,,
عشان كذا مابي أورطهم معاي وافشل نفسي قدامهم في الفنادق والخطوط ,,

خايفه أجرب الخليج وماتطلع شي :080402ask_prv:
وقتها شنو يخلصني من التهزيء اللي باشوفه .!!

وبعدين خاطري أروح دبي مره ثانيه اشتقت لها والله
فـ الظاهر اننا بنسافر ع الاماراتيه اضمن وأحسن
خلي التجارب لمسافه أقصر
أو
خلي التجارب بعدين
اجرب فيني وفي زوجي المسكين :ggdw:

وتسلمين ياقلبي ع مرورك ,,​