ساعدوني قبل لا اتحسف

[حدي كيوت]

صباح الورد يا حلوين ...

بدخل بالموضوع سيدا ....
انا توني متوظفه ابله وتدرون لويه التحضير والمدرسه لي البيت لاحقني اصلا ما يمديني افكر بنفسي

وفوق هذا عندي ياهل واااق وويييق صج واحد بس تعب
يعني ريلي يرد البيت من الدوام يلقى البيت لوويه وقاعده يا اطبع
او احضر
او اشتكيله من الدوام
واهوه مسكين احسه يجاملني يسمعني عشان ما اتضايق...

وانا اعترف اني هامله نفسي و مقصره معاه بحقه الشرعي وكل ما قال ابي اطلع اعفس ويهي
واهوه يسكت مسكين

ليما امس انفجر علي وقالي خلاااص انا تعبت كله مدرسه مدرسه تحضير تحضير لاعت جبدي


تكفون عطوني حل قبل لا يصير شي انا بغنى

 

[mischocolat]

اختي
انتي مشكلتج عدم تنظيم وقتج
هاتي ورقه وقلم واكتبي فيها شو الاساسيات عندج واللي انتي ملزومه فيها وما تقدرين تأخرينها ورتبيها على هالأساس وياليت يكون زوجج والبيبي رقم 1
بهالطريقه بتحسين مخج بدا يهدا وبتقدرين ترتبين وقتج بين كل هالاشيا

 

[مذهلة2013]

حبيبتي المفروض تنظميين وقتج

لو عندج خدامه ترتب وتسنع .. المهم انا ارجع من الدوام اتغدا معاه وننام العصر .. المغرب يانطلع انا وياه بس ارتب البيت قبل ماانطلع
او يطلع بروحه وانا ارتب البيت وابخره و اتمكيج واتسنع واتسبح لما يرد البيت يلاقي ويهه حلو يستقبله حبيبتي هذا حق ريلج عليج
خلي ريلج والياهل الاوليه والدوام لو شنو ماراح يخلص وحاولي اذا فاضيه بالدوام تحضرين حق باجر جذي راح يروح عنج هم التحضير
والمفروض ماتقوليله عن دوامج واااااايد وتشتكين له لانه كل واحد فيه الي يكفيه وزياده اوكي اشتكي بس مو داااااااااايم لانه راح يمل
واذا ماعطيتيه حقوقة ونظمتي وقتج صصصصصج صصصصصصصج راح يمل

 

[baa6aa]

الحل باختصار .. الريال ما يقعد طول الوقت بالبيت .. انتي عقب ما تردين من الدوام حوسي مع عيالج و خليهم ينظفون وياج جنا تلعبون اذا كانو بعمر يفهمون و اذا لا حطي الياهل بالعربانه و حوسي فيهم و انتي تعدلين المكان و بعد اول ماتدشين الله يعافي سوالف بدي شوب اللي تعطي المكان ريحه خيال .. من تدشين البيت شبي لج شمعه و حطي العطر عليها و خلي المكان ريحته تفتح النفسو حوسي عدلي اللي تقدرين عليه و الياهل معاج
راح يكون هذا بريكج من الدوام و اذا يا ريلج يلقى المكان ريحه حلوة و مرتب و انتي نفسيتج احسن
ماراح يطول الرياييل عقب ما يرجعون يا ينام يا يتطمش عالتلفزيون شوي ويطلعون .. فمن يطلع انتي حطي شغلج و قعدي صححي و حضري و سوي اللي تبينه ..
واشتري افلام فيها اكشن و ضحك تشد حق الياهال و حطيه لهم وخليهم بالحباسه وقت اللي بتشتغلين عشان يلهون عنج شوي
وجذي تكونين وفقتي بين كل شي دوامج و ريلج و تنظيف مكانج و العيال
بس يبيلها طولة بال لان بتسوين اكثر من شي بمده قصيره
اول فتره بتحسين صعبه و تعب بس بعدين بتصير روتين

 

[حدي كيوت]

مشكووووووووورين على الرد صح كلامكم انا مو منظمه وقتي لازم انظمه وعلى قولتكم الدوام ما يخلص

 

[اذوب بكلامه]

نصيحه ياقلبي التحضير خليه بالمدرسه بس ولا تجيبين الشغل معاك البيت ولاتضغطين على نفسك انشطه ومسابقات وبرامج و........ الخ
ولاتخلين الشغل يتراكم عليك خلصيه اول بأول ومع الوقت بتتعودين اشلون توافقين بين البيت والشغل

 

[اذوب بكلامه]

نصيحه ياقلبي التحضير خليه بالمدرسه بس ولا تجيبين الشغل معاك البيت ولاتضغطين على نفسك انشطه ومسابقات وبرامج و........ الخ
ولاتخلين الشغل يتراكم عليك خلصيه اول بأول ومع الوقت بتتعودين اشلون توافقين بين البيت والشغل

 

[فوفو22]

الحل هو التنظيم


يتم تحديد وقت للراحتج اولا حتى تقدري تسايرين زوجج وهو الاهم من الوظيفه

ولما يطلع او ينام تقدرين تعملين شغلج


فوفو

 

[امـ خــزامـى]

الله يكون بعونك والبنات ماقصروا

 

[Jana123]

نظمي وقتج زوجج اهم من الدوام وخل يشوفج دوم مبتسمه وسنعه ونظيفه ولا تيبين سيرت الدوام لحقي على عمرج قبل لا اطفشينه منج حبيبتي والله يسخركم لبعض يارب

 

[جـــواهر]

هو لااازم يقدر وضعج بعد
ميخالف دوام جديد وبيبي وعدم استقرار
لازم تكلمينه وتوضحين له وجهة نظرج
انها مسألة وقت لا اكثر وانج راح تنظمين وقتج
ان شاء الله

بالتوفيق

 

[جذابه بنت ذيابه]

حبوبه ،، بالبدايه نظمي وقتج ووقت البيبي ووقت زوجج ،،
يعني مثلا اول ماتردين من الدوام تغدو مع بعض وادخلي ريحي لين الساعه ٥ وعقب سوي قهوه وجاي وحلا و اقعدي بالصاله طالعي تلفزيون اقعدي معاه
العبي مع البيبي ًً،، و لا طلع زوجج حضري حق باجر ورتبي بيتج وانطريه ليما يرد و سوي عشاج وبسس

 

[جذابه بنت ذيابه]

حبوبه ،، بالبدايه نظمي وقتج ووقت البيبي ووقت زوجج ،،
يعني مثلا اول ماتردين من الدوام تغدو مع بعض وادخلي ريحي لين الساعه 5 وعقب سوي قهوه وجاي وحلا و اقعدي بالصاله طالعي تلفزيون اقعدي معاه
العبي مع البيبي ًً،، و لا طلع زوجج حضري حق باجر ورتبي بيتج وانطريه ليما يرد و سوي عشاج وبسس

 

[لوولوو_88]

الا الزوج لا تتهاونين بالتقصير بحقه ما يجوز . و البيبي بعد . و بيتج اذا ما عندج خدامه خل تييج الي بدوام جزءي تساعدج .. البنات ما قصرو و اعتقد تنظيم وقتج شي مهم .. و لا تخلين اتحلطم بويه زوجج اشكي حق اهلج رفيجاتج ..

 

[French Vanilla]

الله يعينج

 

[معبوجه]

اول شي صكي حلجج ولاتتشكين له فقعتي مرارته

ثاني شي من تدخلين البيت تذكري انه راح يتزوج عليج لانه يبي راحته وانتي بكيفج ولاتلومينه؟؟؟؟؟؟؟؟؟

شفيج الله يهديج؟ كل الحريم نفس ضروفج..... هدي بالج ونظمي وقتج....العيال خليهم بحجرهم علشان مايزعجونه

رتبي بيتج ورتبي حياتج لاتخسرينها

 

[حـدي متوهقة]

حطيها براسك وترتاحين نظمي وقتك قبل تنظمي فصلك ههههههههه كذا راح تخافين علي حياتك وتتنشطين عدل وتعطين كل ذا حق حقة وسلامتج

 

[حـدي متوهقة]

الحريم كلهم عليج حدك لووية علفاضي اتغشمر

 

[نـعـومـه]

سوي شغلج لما زوجج يكون طالع

يعني متى يطلع باليوم ؟؟ هنيه اشتغلي لما ايي جابليه

 

[هيبة ملك]

شغل. الدوام. خليه. فالدوام

خلصي. شغلج. كله. هناك. وحضري. حق. اليوم. اللي. بعده. ورتبي. شغلج فالمدرسه
ردي. بيتج. همج. بس ولدج. وزوجج




لما. يطلع. ابو العيال. رتبي نظفي. جهزي. شغل بكره. حاولي. تنومين. الولد
بعدين. زهبي. نفسج. واسهر معاه


ادري. تعب. انا حاسه فيج. لكن. راح تتعودين


انا. مثلا. اخلص شغل. المدرسه. واحضر حق بكره بعد
ارد البيت القا ولدي مفول نوم اجهز غداي. بس يرد زوجي يتغدا. وينام
وانا مع هالجاهل. اذا. طلع. زوجي. ارتب. البيت. اجهز. لبسي. حق بكره
انيم. ولدي واقعد انطر الاخ. ونسهر شوي. واذا. الجو متكهرب. يقعد يناجرفي للساعه 3او 4بس اتحمل
شسوي وافز من الست. اجهز ريوقه. والبس ولدي. اقطه ع. امي
لين تعودت ع. هالدواااامه. اللي ماتنتهي. الا يوم. الخميس


انااااااااام
واريح.