ساعدوني ماعرف للخبره

[kefi cute]

السلام خواتي شلونكم

بنات انا توني متزوجه من 5شهور وتوني حملت وفيني فقر دم حاااد والله مااقدر اكل لحبوب توني انا بالشهر الثاني وخايفه وايد بس كله اقول الله الحافظ ومااكل كلش اللهم وجبه وحده باليوم واحاول اكل لحبوب اتعب ارجع من جذي قطعتهم والدكتور قالي انه عندي سونار وانا قبل اسبوعين مسويه قلت مابي اروح اخليه بعد اسبوعين لانه قالولي مو زين كل شهر سونار وفيني فضول ابي اعرف متى تحسين انه الياهل يتحرك ولو شوي وعلموني ساعدوني الي عندهم خبره شنو شي يفيد الياهل وعندي عرس يصير البس كعب قالولي لا مو زين شرايكم انتو؟؟؟

ويعظيكم العافيه

 

[Tom ♥ Jerry]

،


لا تلبسين كعب !
و لازم تسمعين كلآم الدكتور
وجباتج حليب سلطه لازم تاكلين عدل
روحي راجعي يعطون دوآ حق الحآمل بالشهر الثاني ّ
انا عطوني من أول شهر حديد و فيتامين وكل شي =)



آكثر شي يفيد الياهل الحلييييييييب
و السلطآت و الشوربه و الخضره و الاشياء المفيده (=

 

[زين ودلال]

وعليكم السلام

حبيبتي ترى مو زين الفقر الدم للبنت فما بالج بالحامل!!!!

حاولي انج تاكلين كثر ماتقدرين خضره ورمان وتفاح والاشياء اللي فيها حديد

واذا انتي تعديتي الرابع يمكن يعطونج حبوب حديد ترى ضروري

مو زييييييين راح تتعبين وانتي ماتدرين شنو راح يصير بالولاده يمكن لا سمح الله يصير فيج نزيف وانتي ماكو دم شنو راح يصير فيج!!!!

انا مابي ارخرعج بس هذا الصج لا تتهيونين بفقر الدم

وبالنسبه حق حركة البيبي في ناس بأول الخامس وفي ناس بنص الخامس وفي ناس بالسادس

وحق السونار لازم كل شهر تروحين اجيكين على البيبي عادي مايضر اذا بالشهر مره

والكعب عادي بس تكونين قاعده بمكانج

وماعليج شر ان شاءالله والله يهون عليج

ادعيلي ان الله يرزقني بالذريه الصالحه ان شاءالله

 

[kefi cute]

مشكوووووووره بس مشكلتي اتعب لما اكل حبوب الحديد والله ارجع اول مااكلهم ارجع مايصير اخذ ابر