ساعدوني ماعندي وقت شسوي ووين اروح؟ماعرف شي

[عـــروس خـــالد]

السلام عليكم
شلونكم بنات عساكم بخير وعافيه

بنات انا عرسي ان شاءالله قريب حيل باقي له شهر
وللحين ما جهزت شي
واحس اني محتاسه حيييييييييل
ابيكم تساعدوني
لان ماعرف شسوي
ولا عندي خوات يساعدوني
انتم خواتي ان شاء الله

ابي صالون للحف وتنظيف البشره والحمامات وين اروح ؟
ابي صالون نظيييف ومرتب وراقي وعنده مساج وشغل عدل

وابي مصوره ما اعرف كلش بالمصورات ابي وحده شغلها حلو وسعرها معقول

وابي اسالكم عن دخلة الصاله الزفه
من وين اجيبها ؟؟ ووين احصل اغاني الزفه ؟

ابيكم تساعدوني بنات بالله عليكم
وانا بخلي موضوعي اتابع معاكم اول باول
وجزاكم الله الخير كله يااااارب

 

[عذبة السجآيآ]

الله يتمم عليج يارب

بخصوص الصوالين

حق الحف المغربي والبدكير عندج صالون الشرقيه ياخيطان او الجابريه وعندج صالون رنيم بعد

وحق السبا والريلاكس عندج سبا اللي بالرقعي

والمصورات عندج معرفي يبدأ من 350 لـ 1000 او 1500
والفديو الراعي بـ 60 اتوقع

وعندج مرايم بس اغلى شوي وعندج رتاج يمدحونه


وبخصوص الزفات روحي دي جي الليك احلى شي للعروس واهم يضبطونج يسمعونج الاغاني وتختارين زفتج وطلعتج وحتى اغاني المعازيم يعني لاتحاتين اهم يسوون كل شي انتي بس عليج تختارين وتسمعين عندهم

 

[الأميرة جوري]

لرفع

 

[اميره^_^بحلآها]

ماقصرت عذبة السجايا
والله يوفقج

 

[محبة الزهور]

للحف والمساج صالون لمسات اَِوَردمادا
ومصوره زيزي حلوه ورخيصه٢٥٠

 

[Ga6wa_7elwa]

مبروك. عاد قاعد اجهز بنت اخوي شوفي روحي بدلات عرائس رشا شيك وصج احلا النفانيف عنده وللتفترين مكان ثاني والا محل اتيليه زوغه قبال رشا شيك السبل في بالمهلب واحد وبالبيرق اكثر شي يمدحونه. بالمهلب . السبا ضروري قبل العرس. ومكياج ليلى هارموني احلا شي. وعندج مس فرساي.خطيرين ، الذهب المفروض تكونين شريتيه اول ماستلمتي المهر . روحي البلوكات مع الأسف قبل كنت أعيب تعرفين محل بوب اب اللي ب ٣٦٠ هذا المحل كل شغله تلقين بضاعته جاهزه بلوكات في محلات تبيع جاهز سالي عنهم. مؤ خياط . مجمع الثريا عنده جناط حلوه ، سوي تبيض أسنان ضروري قبل العرس .مو تنسين ، سوي عند سوشيلا بمجمع بلازا يمه . تسوي تنظيف بشره او مستشفى رويال حياه او مستشفى دار الشفا في دكتور واااايد زين حق البشره مصري ويلسون بدار الشفا تنظيف بشره وماافضل اذا كنتي صغيره تسويته واذا بغيتي شي ساليني لانه بنات أختي توت متزوجين ٢ والحين بتا اخوي وكله افتر وياهم

 

[جذابه بنت ذيابه]

مبرووك حبوبه


اول شي ابدي كل يوم جهزي شي و اهتمي بنفسسج حيل .. وانصحج بالشرقيه بخيطان روعه
و المصوره مرايم او معرفي
الدي جي المطيريه حلو

 

[Laidy n3ooma]

لازم تبديين كلش مافي وقت الايام تررررررررركض

 

[دلوعة أبوهآ]

آلله يتمم لك ع خير ..

 

[بـآربيـآ]

صالون حف وتنظيفات عروس عندج ام اي بالفحيحيل يهبل واييونج لي البيت اريح ؤاللـُـہ

وعند اتيليهات نفنوف العرس البدله البيضا لآ برجوازي وانحلووس ودار بشرى


مصوره عندج حنان شيك وزيزي هذول سعرهم زينة وتصويرهم يهبل

والزفه روحي الرند بلال الشلمي الليلك ويسمعج زفات واذا تبين سيدي يطلع عليج ارخص وموفقه

 

[بـآربيـآ]

الرندي


الشامي



سوري على البدليات لول

 

[عـــروس خـــالد]

مشكورين حبايبي ما تقصروووون
اليوم رحت حنان دشتي وشفت شغلهم
بس حبيت اسال اذا في احسن منه للعروس؟

وابي تساعدوني وين احصل ديباج العرس وطقم فوط

 

[عـــروس خـــالد]

منو تعرف دي جي الليلك ؟ابي رقمهم

 

[محبة الزهور]

‏​ٱ‏​نـِْ♡̨̐ـِْا حاجزه حنان دشتي ويمدحون منار شيك
والديباج اخذته من جمعيه الجيش حيل حلو ابيض وما في كشكاش كثير ناعم وحلو ب٧٢
وعندج سويت هوم حلوات ديبجاته وطقم الفوط بتلاقينه بالجمعيه بعد

 

[بكيزة هانم]

upup

 

[بنت ديرة الكويت]

مبرووووووووك حبيبتى بالنسبه للصالون عندج حنان دشتى بحولي ولمسه فن بالرقعى والتصوير مصورتى اسعارها زينه وشغلها راقي 99497643 وبالنسبه للدجى طارق العسعوسي الاصلي بحولي مركز الصوت99303452

 

[عـــروس خـــالد]

يعطيكم العافيه بنات
ما قصرتوا استفدت منكم
جزاكم الله الخير كله


ابي منكم نصيحه بخصوص المنطقه الحساسه ولا مره استخدمت الشيره
وحدي خايفه ومتوهقه
ابي نصيحتكم
شسوي؟؟
ليزر امي رافضته
وانا متردده فيه اصلا مو حابته

ابيكم تنصحوني
واذا في شي يخدر ياااااليت
لان ودي اسوي لنفسي

 

[بكيزة هانم]

نصيحة :
المنطقة تكون نظيفة وناشفة اولا
حطي بودر
سيحي الحلاوة بالميكروويف
مديها على الجلد اللي بتنزعين شعره
على شريط ما يتعدى عرضه (عرض الاصبع)
عقب جيبي فوطة صغيرة وحطيحا فوق الحلاوة
وضغطي عليها زين
ثم انزعيها بقوة
:
:
:
:

نصيحة ابدئي من الوسط
لانه هو اكثر شي يوجع
فاذا خلصتي منه بالاول الباقي جدا سهل

 

[قوس قزح]

عسى الله يهنيج ويوفقج
البنات ماقصروا وضحولج كل شي
اذا حابة تشوفين فستاني العرس راسليني خاص

 

[خجل~]

دشي هالرابط حبوبه

فيه كل شي


اغراضج من الجمعيه دشي هالرابط

صالون الشرقيييه روووعه روعه

24769289



وكان في رابط عندي يفيدج بس ضيعته والله




موفقه