ساعدوني ماني عارفه وين اروح

[السيدة الصغيرة]

السلام عليكم ورحمة الله وبركاته
شلونكم بنات

حابه تساعدوني وادري ماراح تقصرون
ابي اسافر انا وزوجي وميزانيتي موذاك الزود
يعني ماتتعدى 2000 وخاطري اقعد 10 ايام
ومحتاره وين الروح
فكرة في البوسنه بس محتاره فيها
وابي سعر التذكره موغالي عساس لاتروح الميزانيه
على التذاكر
ومابي بس طبيعه ابي مجمعات
بليزززز ساعدووووون

 

[السيدة الصغيرة]

شسالفه ليش محد يرد
بلييز لاتطنشون

 

[¤§ زيتونة §¤]

حبيبتي

انا معروفة من مؤيدي تركيا

وانصح فيها دايما حلوة طبيعه وتسوق وتمشي وكل شي فيها


بس حسب ميولج انتي تحبين اوربا وهالسوالف ولا مجرد سفرة تستانسين فيها وتغيرين جو

والعالم كله الحين غالي يعني ماكو ديرة ارخص من ديرة


الله يوفقج وتسافرين وتستانسين

 

[السيدة الصغيرة]

مشكوووره زيتونه انا ابي دوله اوربيه بس ابيها رخيصه مو ناار وانتي شفتي ميزانيتي

 

[ALTaf.m]

للاسف الميزانيه شويه حاولو تزيدون شوي

الطيران الحين غالي لان لندن فيها الامبياد العالمي فأوروبا كلها مرتفعه

يعني خنقول تذاكركم بس بحدود ال٦٠٠ او اقل بشوي لان التذاكر على ٢٥٠ وطالع

والفنادق على حسب شنو تفضلون بس حطي ميزانيه ٧٠٠ فندق ل١٠ ليالي

والمشتريات اذا ماتبين ماركات بس اشياء خفيفه ومواصلات واكل وشرب بحدود ال٥٠٠ اذا مو اكثر

وانصحج بالمانيا تعتبر ارخص من لندن وفرنسا وايطاليا

والله يسهلكم ان شاء الله

 

[بوسنية]

حياك الله في البوسنة.

 

[ام مهاوش]

انا انصحج بالنمسا
روحيلها من ميونيخ

 

[ام مهاوش]

او شوفي التذاكر اذا من فيينا ارخص واجرو سياره ارخص واونس

 

[ام مهاوش]

اذا تبيني اطاعاج كل شي واحسبه لج وارتبلج رحلتج
قوليلي اي تاريخ وانا مستعده واطلعلج فنادق زينه او عندج شقق زلمسي او كابرون حلوه