ساعدوني !! ما عندي نظام !!!

[Deeep]

السلام عليكم

شخباركم بنوتات ؟؟

بنات عفيه ساعدوني حياتي مبهذله والله !!!

مو منظمة كلللللللللللللللش ممله مالي خلق أسوي أي شي مهمله بشكل مو طبيعي

ماعرف انظم وقتي و امشي على نظام معين



أفيدوني بليز ..

 

[Tom ♥ Jerry]

رد : ساعدوني !! ما عندي نظام !!!





نظمي وقتج على حسب دوآمج
يعني اذا دوآمج صبح .. لمآ تردين البيت تغدي بعدهآ آرتاحي
سآعه سآعتين و قومي سوي شغلج

 

[Deeep]

رد : ساعدوني !! ما عندي نظام !!!

حاولت بس يظل مخربط بعد !

 

[om deaj]

انتي متزوجة ولا لا

 

[Deeep]

رد : ساعدوني !! ما عندي نظام !!!

لاا والله للحين

نفسيتي تعبت من هالنظام !

 

[Tulips]

رد : ساعدوني !! ما عندي نظام !!!

حبيبتي بعد الدوام ردي غسلي وتغدي وقيلي ساعتين قومي بعدها سويلج جاي ولا قهوه مع البسكوت والحب وقعدي على التلفزيون على المغرب عندج مشاوير سويها واذا عندج زواره نفس الشي بعدها ردي البيت وجهزي نفسج حق الدوام قعدي مع اهلج شوي بعدها على الفراش .. هذا وانتي عندج دوام ماتقدرين تنظيم وقتج عيل لو بطاليه اكيد بيكون ليلج نهار ونهارج ليل

 

[Om_Ksha]

اى والله حتى انا انتي ذكرتيني اني محتاجه نظام ,, انا بطاليه عطاليه

 

[قصه طويله]

خففي من النت وضبطي نومج وحافظي على صلاتج واتقي الله والله ابترتاحييييييييييييييين

 

[الزين 85]

اشتركي بنادي دورات قرأن نظمي وقتج واستفيدي فيه او كملي دراستج باي جامعه خاصه نظمي حياتج

اقنعي نفسج بالتغير وانصحج تشوفين برنامج الدكتور الثويني وفيه دكتور مصري كان يطلع على الاول ايننن اسلوبه ويتكلم عن الحياة ووقت الفراغ والانجاز

 

[طموحه بزياده]

امبيه انتي نفسي وقتي مخربط ووقت نومي كل يوم غير عن اليوم الي بعده المفروض اروح طبيب الاسنان بسوي اشعه مالي خلق والمفروض اروح موعد ثاني هم مالي خلق يا نايمه يا وقتي خراااااابيط تعبت من نفسي



انا انصحج سوي جدوي كبير بأوراق انتي تسوينها ولونيها واكتبي (انا اتحدى نفسي بتنظيم وقتي) وحطي وحطي بالجدول نفس الرزنامه الكبيره فيها الاوقات مثلا تقسيم اليوم الى 5 فترات 1) حزت من الفجر الى الظهر وتكتبين شتسوين,,, حسب حياتج ان كنتي تشتغلين او تدرسين بكليه فأنتي اعلم بأوقات دوامج 2) فترة من الظهر الى العصر ,, 3) من العصر الى المغرب,,,4 من المغرب الى العشا 5) من العشا الى الفجر


واهم شي نظمي نفسج نامي بوقت محدد كل يوم واقعدي بوقت محدد كل يوم وحافظي على صلواتج لانها اهيا تخليج تنظمين وقتج

 

[نوارهـ]

الصلاة بوقتها تعدل النظام

تعودي ماتنامين العصر سويلج قهوه و املي وقتج بأي شغله بالبيت رتبي نظفي اقري استفيدي
اهتمي بنفسج من تصير الساعه 8 ولا 9 تلقين نفسج دايخه بس تبين النوم

احنا البنات مايعوقنا شي ونقدر نملي وقتنا بالمفيد بس مشكلتنا الكسل والاهمال
خلي اللي معاج بالبيت يساعدونج على هالشي

بس مااقلتي عندج دوام ولا لا

 

[عزتي مالها حد]

رد : ساعدوني !! ما عندي نظام !!!

الحمدلله البنات جزاهم الله خير ماقصروا

عليج تطبيق نصايحهم لج

 

[ياليل مااطولك]

اول شي ادي الصلاة بوقتها فهي المنظم الحقيقي لحياة ولاتكثري من السهر لكي تستيقظي لصلاة الفجر ثم بعد الصلاة اشربي قهوة وافطري وشوي شوي رياضة على السير المتحرك لو ربع ساعة او اقل ثم اذهبي لعملك او اي شي تسوينة كهواية بعد الظهر وقت الغداء وبعدة اشربي شاي اخضر عشان ما تسمنين مو على طول تنومين ونومي الى العصر وبعد العصر اجلسي مع اهلك وشوفي اخوانك الي اصغر منك وش محتا جين الين يذن المغرب وبعد المغرب حاولي تشغلين نفسك بي شي نافع او اذا كان عندك شغلات براء تسوينها وبعد العشاء حاولي تكوني مع اهلك اما طلعت سوق او زيارات وحاولي تنا مي بكثير الساعة 1 اليل اكثر من كذا غلط ---مع هذا كلة حولي كثرة الاستتغفار والتسبيح فهي تشرح الصدر ----------وتمنياتي لك بتوفيق

 

[واثقة بجمالها]

ما قصروا البناات

 

[اغفرلي يارب]

اهتمي بالصلاة وعليج بالرياضه وطمنينا عليج البنات ماقصروا ردودهم حيل بتفيدج

 

[Deeep]

رد : ساعدوني !! ما عندي نظام !!!

يعطيكم العافيه حبيباتي

بحاول اسوي مثل ما تقولون و انشالله يتغير الوضع

و بالنسبه لسؤال خواتي ، إيي انا اداوم بالجامعه مو بطاليه

بس جدولي خفيف تقريبا

 

[مهرة البيد]

رد : ساعدوني !! ما عندي نظام !!!

عزيزتي

المسأله أبسط مما تتوقعين

كل ما في الامر انج محتاجه تحددين اولوياتج

وتسوين لج عدة جداول

المهمات اليوميه

الاسبوعيه

الشهريه

وعلى هالاساس تنجزين الامر

جايز ما تنتظمين بالبدايه لكن مع الوقت

رح تتعودين على اداء هالواجبات وتصير حياتج اكثر تنظيم

ورح تلقين وقت كبير كان ضايع

اشغلي نفسج بالامور المهه

واذا بديتي بشي لاتهدينه علشان تسوين شغله ثانيه

علشان ما تسببين لنفسج فوضى وتزحمين عمرج

بالتوفيق ان شاء الله

تقبلي مروري

مهرة البيد​

 

[معزوفة عشق&]

رد : ساعدوني !! ما عندي نظام !!!

حبيبتي انتي تقدرين تساعدين نفسك بنفسك من ناحيه تنظم الوقت

هذ1 وانتي باقي ماتزوجتي وماعندك اطفال اشحال لو بعدين

ادعي ربك انه يبارك لك ف وقتك وتتسهل ان شاء الله