ساعدوني مع وزني القليل

[مبتسمة للابد]

السلام عليكم ورحمة الله وبركاته​

بنات تكفون ساعدوني وقولو لي وش اسوي مع وزني​

تعبت حتى الملابس الي يكون مقاسها صغير ماتجي علي​

انا وزني اربعين فاصلة 5 ..... 40.5
وطولي 153​

والحين انا ابي ازيد وزني يعني ابيه يصير 46​

والله حتى عظام جسمي من نحفي يبان شكلها :eh_s(16):​

تعبت والله تعبت​

مع العلم اني ما اقدر اروح دكتورة تغذيه اهلي يعتبرون هذا مو لازم​

رااح ادعي لكل وحده تساعدني :eh_s(2):​

 

[عقدلولو]

خلطه تسمن بسرعه البرق وتكبرالصدر ومجربه


خلطه تسمن بسرعه البرق وتكبرالصدر

رحت وجبت طحينيه بدون مكسرات ساده يعني ونوتيلا وزبده الفول السوداني وكاسين حليب اذا بغيتي حطي حليب السعوديه او حليب سايل او نيدو الي تحبين المهم تجبين الخلاط وتحطين فيه علبه نوتيلا الوسط مع كاس زبده فول سوداني مع نص علبه الطحينيه الكبيره مع كاسين حليب وتخلطينه وتحطينها بعلبه وتشربين منها 3 كاسات باليوم كاس اول ماتصحين وهذا فايده انه يكبر الصدر وبيوضح عليك من اول اسبوع وكاس بأي وقت تحبين العصر او الظهر وكاس قبل تنامين وهذا حلو لتكبير الارداف ومعروف عن الطحينيه انها تكبر الارداف هذي وصفتي الي استخدمتها بس من الاسبوع الاول والكل لاحظ علي السمنه تسمن بطريقه مو طبيعيه انا اللحين لي عليها اسبوعين والمتن واضح علي مره كل من شافني قال لي وش مسويه بس فيه كم ملاحضه على الوصفه تراها تطلع حبوب للي بشرتهم دهنيه بس عشان السمنه كل شي يهون لانها مليانه سعرات حراريه
وعلى فكره اخذت مع الوصفه حبوب ميكسافيت تلاقينها في الصيدليه وبالمستشفيات الحكوميه كنت اكلها 3 مرات باليوم

للامانه منقووووووووووووووله لعيونك ​

 

[عقدلولو]

هاذي بعد منقوله عشان خاطرك ولاني احب لك الخير فارجوك اختي لاتنسيني من دعائك ان الله يسعدني ويوفقني اقطع ايدي ان مازاد وزنك 10 كيلوا في الشهر ​

مراااااحب لكل للحبوبات وخاصه الهياكل العظميه أخخخخخخخخ والله وحشتوني من زمان مادخلت هالقسم كنت أول
ادخله كل يوم عشان امتن والحين الحمد لله بعد ماتربربت شوي تكبرت عليكم حبتين ......... امزح معاكم بس حبيت أسوي لكم نيوا للوك في العيد للجادات فقط يعني الي كسوله وتتدلع ما احب هذ ولا هذا ومدري ايه من الحين تتشرف قدامي وتوريني عرض اكتافها يالله برىااااااااا؟ صدقت نفسي
المهم تعالواا معاي بهدوووووووووؤ وتخيلو معاي بس تخيلواوحده وزنها(38_43_ 46كيلو )وطولها 165؟ كيف يكون شكلها ؟؟؟؟؟ هاه تخيلتوا؟أنا اقولها وبكل اسف (فزااااااعه ) .......موصح والا لأ؟ والله لوحده عصلى تلبس اكشخ ماعندها بس تلبس تقولون كأنها باقي الملابس معلقه؟؟ ولوتجيك وحده مليانه وتلبس شي عااادي والله انها تغطي عليها..............صح كلامي ولا...........انا مجربه وكنت كذى وكل مأمر من طريق الا وتعليقااااااااات بالهبل بس الحمد لله جاااهدت من46.الى 57 والحين ابي اطلع 7 كيلو
قلت يالله نسوي برنامج مع بعض تو رمضان داخل والله ان ماسمنت راح انحف عشان الصيام وباقي على العيد شهر وها البرنامج سهل مررررره واذا التزمتوا بالبرنامج راح تسمنوا 10 كيلو وراح ينصدم منشافكم هاه شو قلتوا؟ بس نهاية كل اسبوع توزنو وتخبرونا كم طلعتو ؟؟
البرنامج
1-تروحو للصيدليه تاخذو فاتح شهيه (بيرياكتين_مسيجور)الي ترتاحين له اختاري واحد منهم تاخذينه حبه واحده قبل كل وجبه رئيسيه
2_وتاخذين من الصيدليه حبوب كبد الحوت حبتين 3مرات في اليوم وهي عباره عن فيتامينات مكمله والمفروض نستخدمها على طوووول عشان البشره والشعر والاظافر
3_تروحين للمحلات الي يبوعون مكسرات وتاخذين مجموعة مكسرات كيلو وكثري من اللوز _وتتطحنيهم وتحطينهم في برطمان وتظيفي لهم كاسين سكر .هالخلطه تسستخدمينها مرتين قبل النوم وقبل الفطور طريقتها تاخذين 4 ملاعق منها مع نصف كأس حليب نيدو وتشربيها ثم تتبعيه بكأس حليب
4_تشترين من السوبر طحينيه وتاخذين تمر وتغمسيها في الطحينيه وتاكلينها حاولي تاكلينها كل مادخلتي المطبخ وفي الفطور والغدى ةفي العشا وقبل ماتنامين ولو تمرتين كل مره هاذي وحده في المنتدى اسمنت عليها 3 ك في الاسبوع
5_تسلقين لك حبه بطاطس كبيره وبعدين تحطي المقلى على النار ةتحطين شوية زيت وتحطين البطاطس فيا وتقلبيها مع الزيت وتاخذين حبة ماجي ذوبيها بكاس ماء وقلبيها مع البطاطس وبل هنا والشفا
6_حاولي تشربين في الوقت بدل الضائع ..حلوه هاذي ..كأس حليب بالموز
وبس قصو ايدي من فوق اذاما سمنتوا 10 كيلو
هاه من ترفع ايدها ؟؟
((ونهاية الشهر الي تسمن10ك ترسلي رساله خاصه تخبرني وتدعيلي ان ربي يوفقني في حياتي))
الحين ابي اشوف من تنضم معاي ولو وحده عشان اتنافس انا وياها ؟؟؟؟؟؟؟
وفي حاجه بعد انا جالسه اسوي لي برنامج لتفتيح البشره هذا طبعا خلطة كريمات واقنعه طبيعيه لنفخ الخدود ولتفتيح الجسم عشان احلو اكثر على العيد الي تبيه تقولي ياانزله هنا او في قسم البشره براحتكم
هااااااااااااااااااااااااه وششششششششش قللتووووووووا ترى بديت اعصصصصصصب

 

[مبتسمة للابد]

عقد لولو مشكوره من كل قلبي الله يوفقك وييسر لك امورك ويسعدك في دنياااااااااااك يااااااارب

 

[كويتيه واقعيه]

مشكوره ياعقد اللولو ماقصرتي صراحه محتاجين هالشي شي صعب الضعف طبعا في ضعف حلو لكن في ضعف اعوذبالله انا حييل حييل ضعفت ان شاءالله بحاول اجرب وربي ييسر امري وامري كل خواتي

 

[بـآربيـآ]

بصراحه كلام عقد لولو صح فديتها . .

انا كان وزني 44 والحين 53 والسبب حبوب سيبروفيتا ثلاث مرات باليوم قبل كل وجبه بربع او نص ساعه غير هذا كنت كل ماحس بطني فاضي ادعس فيه شي حبز آيس كريم مووز حليب كامل الدسسم عييش معكروونيه كنت اكل اااكل حلجي مايرتاح بس الحمدالله بعد شهر النتيجه جداا مرضيه اذا انتي تبين تسمنين صدقيني اولا ثم اولا ثم اولا الاصرار والعزيمه لاتتكسلين وتقولين بس شبعانه لا خلي عندج اراده واكلي واكلي واهم شي الحبوب ترا حيييييييييييييييل حلووواااات وخلي عندج ميزان بين كل اسبوع قيسي وووزنج صدقيني هالشغله مهمه للحماااس . ..

لان اذا بين كل اسبوع قستي وزنج وشفتي انج زدتي كم كيلو راح تحمسسسيين وتجتهديين اكثرر والله يوفقج وعقبال مانقولج يالبطبوطه هههه