ساعدوني مكياج الجااااااااامعه

[!نوناا!]

سلام عليكم ورحمه الله وبركاااته

اخبااااركمم؟؟؟؟

يا كووويتيات اادري والله انكم اللي تساعدوونب وتعلمووووني من قلووووبكم
انا راااايحه لثاااني جااامعه ومقهوووووره حييييييييييل لما ارووووح الجااامعه انا بالعرربي ما اعرف شئ للمكيااااج النااااعم
وانا اكبر خووواتي وامي ما تعررررف حييييييييل للمكيااااج
يعني انا انقهر لما اشووووف البناااات داااايم المكياااج ما يفاااااركهم والبشره ماشاء الله عليهم حلوووه
وانا بس احط وااااقي شمس
واخااااف احط كريم اساااس او بووودره
انااااا ابي تقوولولي شنوووو الكريم الاسااااس والبووودره والكحل والحممممره وكل شئ يخص مكياااج الصبح
وشنوووو ماركاااتهم
وانصحووووني وعلموووني طريقه المكياااج للصبح
:ssssso:للازعااااج وادرررررري طووولت عليكم:ch12:
والله والله ادري انكم راااح تعلمووووني من قللوووووبكم
وللمعلوووميه انا كليتي كلهاااا بنااااات

 

[manooorii]

up up up up up

 

[om-7many]

رد : ساعدوني مكياج الجااااااااامعه

حبيبتي اقولج شي اهوو مكياااج الصبح مايصير تحطين وااايد وموزين حق البشره يعني
حطي مثلاا مسكره وفونديشن خفيف وشوي بلاشر وحمره وبس يطلع حيل حلوو حق الصبح وناااعم
يعني مو حلووو المكيااج الثقيل الصبح وانشالله البنات يفيدونج

 

[مارغريتا]

اول شي لازم تقعدين تتدربين محد راح يعرف بيوم وليله
خلج على الحمايه مالتج ونطري عليها عبال ماتمتصها البشر عقب حطي فاونديشن او كريم اساس اكو شكثررر بس انا افضل مال ماك
انتي روحيلها وخل تشوف بشرتج شنو يناسبها لان يفرق من دهنيه لجافه واللون ,
اخذيلج نايلون هم من ماك حلو واخذي ماسكرا سان لوران تهبل واخذي بلشر او بودرة خدود من بودي شوب اختاري الي يناسبج الي على الورديات او البرونز ,
واخذيلج محدد سمايلنق الي عل وردي انا احبه او قلسوس لانكوم يعني هذي عادي انتي روحي ونقيلج او قلوس ماك الي صوب قلوس ( ثابت حيل حلو حقج كجامعيه ) والصوب الثاني قلوس شفاف
والبنات يمدحون التاتو مال بدي شوب , عن نفسي ماجربته بس شفته على بنات حلو وناعم
وايي لاتنسين الكونسيلر من ماك يكون شكله صغير جنه قلوس حييل حلوو وثابت ما يأذييج يسيح ومادري شنو ويتلبق لا حلو ..

اتمنى اني فدتج
ادعيلي بالتوفيق والستر

 

[zargona99]

شوفي اذا تبين شي حق كل يوم استخدمي مكياج كلينك لاني طبي ومريح للبشره وعندهم سوالف ناااااعمه وحلوووووه بصراحه شغلهم كله يهبببببل ويصلح حق الصبح

جربي مرطباتهم ومنظفاتهم وفاونديشنهم

روحي اخذي فكره عنهم وان شاء الله راح يعجبج

بس انا ما انصحج بفاونديشن ماك حق الصبح صج انه حلو وتغطيته حلوه بس اهو يصلح للمناسبات اكثر يعني لا دمرين بشرتج وانتي بعد عارفه جونا شلون صاير فعشان جذي انصحج بكلينك هالماركه رهييييييبه من كل النواحي وذربه

 

[manooorii]

حبيبتي انا استخدم فاونديشن لوريال السائل ايهبل وايد خفيف عالبشره وينفع حق الصبح
وهذي صورته

 

[manooorii]

وحطي حمر تكوون فاتحه وهاديه تنفع حق الصبح عشان شكلج ايكوون نااعم وعندج بلاشرات ماكس فاكتر وايد حلووين ومسكراتهم حلووه بعد

 

[رنيم q8]

حبيبتي
انا بالجامعه احنا ياين ندرس مو نكشخ
يمكن كلامي يضايقج اهم شي الحمايه بس كافي
شكو ميك اب مو رايحين عرس ولا عزيمه
مكان دراسه حبيبتي
مع العلم حبيبتي انا مو ضد الميك اب بس في المكان المناسب​

 

[eva beach]

طبعا مكياج العين حلاته يكون ناعم ... الا اذا تبين تكشخين تقدرين تحطين شدو بس طبعا مو بشكل يوومي

الفاونديشن استخدمي الكومباكت احسسن اتوقع من السائل .. وطبعا شوفي اي ماركه تناسبج

واذا بشرتج جافه استخدمي قبل الفاونديشن مرطب

واعتمدي عل كحل .. طبعا على حسب خطتج

واذا ماتعرفين تدرررربي لما تضبطين الخطه الي تبينها

انا استخدم كحل ريفلون حييل حلو ومرتاحه عليه الي يكون بالصوب الثاني فيه فرشه

والايلاينر استي لودر >> بس طبعا انا مو خبره بالايلاينرات

واذا عيونج صغيره حطي كحل ابيض داخلها

وتحت الحاجب حطي اضاءه لونها ابيض او ذهبي او صدفي

في واااايد ماركات انا الحين استخدم من كليرز

والماسكرا همن شوفي انتي شنو ترتاحين عليه عندج ماسكرا ماكس فاكتر حلوووة حيييل

وهمن ريميل الحمرا زينه

والبلاشرات عندج بودي شووب حلوووووووووين

وبوبا بعد حلوين

والحمر انا غالبا ما استخدم حمر الهنوود لانهم ثابتييييين وهذا اهم شي

وطبعا بالنسبه للالوان انتي وذووقج والي يناسبج

واذا ماتحبين الهنود حمر جيرلان حلووة بس شوي غاليه

وحمر نيفيا بعد حلوين

والقلوسات ( نيفيا - ريميل - كليرز )

واذا على يوم بتكشخين وبتحطين شدو حطي الوان هاديه وفاتحه

يعني بيج وبني فااتح .. بيج ووردي فاتح .. طبعا كيفج اي الوان 2 تحبينها

وطبعا حلاااته تلبسين عدسات لونهم هازل عشان يصير لوكج حلو

***

طبعا اذا كانت بشرررتج صافيه ومافيها لا اثار ولا حبوب لا تحطين فاونديشن ماله داعي

وبس اذا تذكرت شي بقولج

 

[miss.rosy]

بيييي حتاتي

شوفي عيوني

انا بروح سنه اولى جامعه بس الحمدلله اعرررف

شوفي انا بعلمج وبقولج عن الاشياء الي شريتها وتناسب للصبح اصلا كل الي شريته للصبح والحلو انه كلها اسعارها منااسبه وحليوه


شوفي ياقلبي

بخصوص البيس ( تحطينه قبل الاساس يهيئ البشره للمكياج ويثبته وحيل حلو ومهم )

انا خذت من فور ايفير فيه لكل شي للبشره الدهنيه والمحمره والصفراا والحساسه كل شي شوفي الي يناسبج وخذيه

بالنسبه للآساس

مايبلين منزلين واحد هو كريم تفتيح وواقي شمس

سوري دوورت صورته بالنت وعجزت ماحصصصصلته

بس هو كله ابببيض لونه وصغيروون ومكتوب عليه تفتيح وواقي شمس

والوانه بيج فاتح ، ابيض وردي ، ابيض ثلجي ، طبيعي ، ويمكن بيج غامق

انا خذت بيج فاتح وطلع حلو علي ( انا بيضه ) بس مره ثانيه باخذ طبيعي لانه طبيعي اكثثثر نفس لوني تقريبا

عالعموم حلو حييييييل وطبيعي وزي ماقلت لج ناويه اخذ منه مره ثانيه

او تاخذين فاونديشن روز من برجوا

اخذي الدرجه الي تناسبج انا اخذت رقم 32 وحييييييييييييييل حلوو وريحته تهبل ريحه ورد


والبودره

انا عن نفسي ماحب المضغوووطه ، احسها غبار وماتطلع لوك طبيعي

فـ احب اللوز باودر

بودره سايبه يعني

من بودي شووب

وتوزعينها بفرشاه الكابوكي من بودي شوب شكلها زي كذا

حييييييل حلوه البودره وتعطيج لوك ناتشورال ، مو غبار زي البودرات الثانيه

حتى تقدرين تحطينها بروحها والفرشاه تجنن نااااعمه


اما بالنسبه للعين

تونا صغار يعني لاتقيدين عمرج بكحل اسود

لا حطي بني اخضر ازرق بنفسجييي واسوود

نووعي واخذي من الماركات الي تبين : مكياجي ، برجوا ، نيكس كلهم حلوووين

والرسمات شوفي الي يلبق ويا عيييينج

والشدو ماله داعييي بس اذا تبين اخذي شدو صدفي كريمي من نيكس حييل حلو تحسفت ماخذته ينور وحلو وطبيعي

والمسكرا خذي الصفرا من مايبلين


http://makeupandbeauty.com/wp-*******/uploads/2010/08/may.jpg


حلووووووه وتطوووول وتعطي لوك فريش وحلوو واحلى مافيها انها طبيه يعني ماتقطع الرموش لو تحطين كل يوم ولا تآثر عليهم


والبلشرات ، خذي من نيكس ، مايبلين ، مكياجي ، بودي شوب ، الي تحبين اهم شي الالوان : برونز ، وردي فاتح ، مشمشي

والارواج خذي درجات النيود الي هي البيج الفاتح الوري الفااااتح يعني الوانهم طبيعيه وخذي مشمشي واورنج

كلهم حلوين ويعطون لوك صباحي والماركات الي تحبين انا خذت من نيكس ومايبلين يجننووووووووووووون

بس حتى مكياجي عندهم حلو ريميل كثيييييير يحبونهم انا مماحبهم كثيير

وللحواجب خذي بودره الحواجب من بودي شوب اللون البني الفاتح والغامق

والفرش اخذي الضروريه بس

وحده للبلاشر ووحده مشطوفه عشان لوبتحطين شدو تحت عينج ووحده للشدو

وووبسس

لو تبين شي بعد او تبين رسمات للعين قولي لي ،، وانا برسم لج على ورقه عشان اعلمج


تشاااااو

​

 

[لليميـــن در .!]

حطي كريم خفيف ومسكره وحمره وبس نقطه .

 

[Zen&7ala]

رد : ساعدوني مكياج الجااااااااامعه

حياتي

جامعه حطي مكياج و مالج شغل اب احد ندري رايحين نددرس عيل ليش رايحين الجامعه مثلا


انا انصحج لا تحطين فاونديشن

روحي الصيدليه

و اخذي سن بلوك (واقي للشمس) ماركه Aven في لون

حده عجيب اهوا واقي للشمس و اهوا نفس الوقت يصلح فاونديشن لان فيه لون و سعره روعه

و قبلها حطي مرطب مثل الماركه دائري من الصيدلية حده خيال والله

و حطي بليشر من نارس الوردي او من بادي شوب لونه برتقالي على وردي فاتح يعني حيل طبيعي

و حطي شدو اف وايت او صدفي و كحل eye liner خفيف مو وايد يعني مو ترسمين عينج و مسكره

و حمره هاديه يعني وردي او بيجي او لحمي و بس و شوفي شحلااتج بتصيرين

 

[حقوقيه زوغه]

لووووووووول فديتج كنت نفسج عادي كلنا جذي

روحي سنتر بوينت .. اخذيلج حمر ريفلون وميبلين يهبلووون ورخاص وزينين حق الجامعه والوانهم ذربه
والفونديشن طبيعي وخفيف حق الصبح .. فونديشن بورجوا اللي على فواكه اليديد حده طبيعي وحلووو .. وعندج فونديشن ميبلين السائل اينن وطبيعي واخذي الالوان البيجيه .. والبودره مالت لوريال (( انفيلبل )) صج عجيبه اخذي رقم 140 اذا بشرتج حنطاويه
ورقم 120 اذا كنتي بيضه .. ودرجتها على بيج واصفر يعني يخلي لونج جنه طبيعي هذي البودره صج اتيييييييينن واذا بشرتج صافيه تقدرين تحطين منها بدون فونديشن لانها تعتبر بودره فونديشن ..
والماسكرا اخذيها من سنتر بوينت بعد
واذا تبين لمعه والا شدو حلو .. سنتر بوينت .. ماركه برستيج .. لمعه الويه اتيينننننن وذربه شحلاتها بس حطي منها شوي تعطي اضاءه حق الخدود والحنج حدها حلوووة بس حطي منها نتتفه نتتتتفه لانها تصير وايد على الوي
والماسكرا يوميه عندج ميبلين الصفرا حلووة ورخيصه



وميكب الصبح اول شي ..

حطي حمايه وخليها 3 دقايق تنشف .. عقب حطي الفونديشن ووزعيه بطريقه الطبطبه على كل الويه وحطي كونسلير تحت العيوون بس شووووووووووووووووي مو وايد بس الهدف من الكونسيلر نعطي اضاءه ونخفف التعب تحت العيوون
وعقب وزعي البودره بالفرشاه عشان تبين طبيعيه
وعقب حطي شدو خفيف لونه بيج وعلى كسره العيون حطي شوي بني او بيج غامج وتحت الحاجب حطي لمعه الحواجب (( ماركه برستيج اللي بسنتر بوينت عندهم ست كامل فيه اربع الوان بيج ولمعه تحت الحاجب وبني وذهبي )) حدهم حلوين يصلحون حق الجامعه والوانهم هاديه
وعقب اذا ودج تزيدين سوي بوز بسيط عند مدخل العين واذا ماتعرفين اكتفي بالكحل داخل العيون ويا ماسكرا
والحمره يفضل تكون طبيعيه لحميه او ورديه او مشمشيه وحمر ريفلون وبرستيج وميبلين حلوين حق الصبح والوانهم هاديه وحلوة اخذيلج جم وحده حق الصبح واحلى شي ان سعرهم مناسب
وعقب حطي بلاشر وردي خفيف ومشطي حواجبج وضبطيهم وبس



شكلي قرقت وايد بس ان شاءالله فهمتيني ( :

 

[miss.rosy]

الجزء الثاني من الرد

لووووووول نسيت اكتبه مع الاول ، ولا حطيته مع الاول بيصير زحمه الرد فـ كتبته بروحه

شوفي حبيبتي

طبعا مو كل يووم تحطين ميك اب

حطي كم مره بالاسبوع مكياج طبيعي ومفيد لبشرتج

بدل كريم الاساس حطي كريم اولاي او غارنيه للتفتيح يعطونج تفتيح طبيعي وحلو وينور الوجه

بدل المسكرا وبودره الحواجب حطي فازلين

يجننن يعطيهم لوك رطب ، خذي فرشاه مسكرا نظيفه او تشترين فرشاه للمسكرا

وحطي بهم على رموشج وحواجبج

بتشوفينهم حلووين يصيرون

ولشفايفج حطي لابيلو بالكرز او فراوله

بس اذا تبين تحددين عينج بدل الكحل حطي شدو على اطراف عينج

والبلاش لمسه خفيييييييييييييييفه بس او ممكن تحطين السائل الملون من بنفنت او بودي شوب روحي وقولي لهم ويطلعوونه لج يجننن تحطينه عالخدود والشفايف

ووبس

 

[كريستينا*كويتية]

اصراااحه كلش مايحتاي غير حمايه وبس --->هذا للويه !! شكو وليش اساس وكومبكت !! بشرتج راح تتعب حيييل واتصير بااهته وتطلع بلاوي اكثر! وبعدين بتتوهقين وبتحطين كل يوم اساس وكومبكت

كلش مو شي لوووول
وبالنسبه للعين كثري مسكرا وبس وبعض المرات احط كحل فوق واكثر من المسكرا و مسكرا للرموش التحتيه --- حلوة التحتيه

any way
وبالنسبه للشفايف بس lip gloss يكون ناااااعم ,, وردي حداا فاتح او بس glow lip gloss

o my makeup like this :-

and this wia eye liner

o Hatha our make up FOR COLLEGE!!

 

[المـــــها]

الفاونديشن :
ميبيلين \ نيفيا
هذول توب ما يسيحون و لا يخططون و لا شي روووووووعه


المسكرا :
ريميل الحمرا القديمه


البلاشر :
بورجوا بدون لمعه


ما أنصحج بالبودره



طبعا قبل كل هذا تحطين حمايتج لأن الشمس خطيييييييييييييييره ههههههههههههههه
و ع الشفايف حطي لابيلو الكرز أو الأفوكادو يعطونج لون حلو و طبيعي

 

[Smarties]

البنات ما قصروا معاج بس حبيت افيدج بطريقة حق الفاونديشن
الاخت FOZQ8 حطتها بالمنتدى وايد حلوة الطريقة انا جربتها و حسيت بالفرق
هذا الرابط
http://q8yat.net/showthread.php?t=687989

 

[درة أهل الطولات]

رد : ساعدوني مكياج الجااااااااامعه

اخذيهااا مني

لو شنو ماراح تتعلمين جذي

الا لمااا


تشترين وتلعبين بويهج

اسأأل مجرررررب

 

[!نوناا!]

رد : ساعدوني مكياج الجااااااااامعه

مااااقصرتوووو كفيتووو وووفيتوو
الله يعطيكم الف عاااافيه
والله من قبل لا اكتب المووووضوع وانا ووواثقه انكم تردوووون وتعلموووني من قلوووبكم
تسلموووووووووووووون

 

[مكاييل]

اهم شي التغطيه تكون خفيفه وروعه بنفس الوقت يعني مو حلو تروحين للجامعه ووجهك مخبط وفيه مية لون او شاحب مافيك ولا لون الله واكبر الحين البنات اذا طلعوا السوق حطوا ميك اب وش عاد الجامعه وانتي قلتي الكليه كلها بنات اجل بتصير الدعوه كلها كشخه شوفي حبيبتي

عندك خيارات كثيرة وانا برتبها لك من واحد لعشرة وانتي براحتك امشي عليها اوكي قلبي

1/ تنظيف البشرة وترطيبها وحمايتها وبعدها انصحك تستخدمي فيكس من ماك وهو عندهم لون واحد شفاف وعندك ماك فور ايفر فيه كذا لون على حسب نوعية البشرة تحطينه وهذا شغلته يسوي ترطيب وانتعاش للبشرة.

2/ تغطية البشرة وتوحيد لونها وعندك كذا خيار بالنسبة للكونسيلر انصحك بكورلاين او ماك فور ايفر وبالنسبه للاساس احلى شي الكريمي وما انصحك بالبودرة المضغوطه عشان جونا حار وتتكتل مع الحرارة والعرق وتتقطع يعني ماتنفع ابد وعندك ماركات كثيرة منها مبيلين وماك وفور ايفر اما بودي شوب ابعدي عنه تغطيته مو شي وزيادة تعطي لون غير لون بشرتك

3/ونجي الحين للضلال العيون احلى شي الطبيعي يعني اذا كانت عيونك بعيدة عن بعض اكتفي بتحديد العيون بضل بني بشكل خفيف وعلى حدود الرموش وسوي بوز من قدام بس صغيرون يصير واذا كانت صغير حطي كحل لون البيج من داخل العين ومن الممكن تسوين هالحركه مع بعض يعني الظلال والكحل

4/وبعدين حطي المسكرة ونعميها ماتحطين اكثر من طبقتين وهناك كذا ماركة احلها بالنسبه لي ميبلين الصفر واكس اكس ال وعندك مسكرة نيفيا وميزة هالمسكرات انها خفيفه على الرموش وتزال بسرعه يعني ماتقطعها او تطيها وتعطيك مظهر طبيعي

5/ والحين البلشر احلى شي عندك من انجلوت بلشر برونزي وردي روعه بمعنى الكلمة يعطيك اشراقه وشكل خيال وتكتفين فيه هو سائل بس تحطينه على الوجنات وتمدينه الى نهاية عينك وبس وان حبيتي حطي شي بسيط مرة على راس الخشم وشوفي شكلك كيف تطلعين خياليه بشكل وجربي او خوذي اضاءة لؤلؤيه من نارس وتكون كريميه ابسطيها على الوجن لحد نهاية العين وبعدين حطي بلشر درجة مشمشية او وردي فاتح وعندك بلشر بودي شوب او انجلوت خفيفه وناعمه وماتعطيك درجه قويه وماتكوني اوفر

6/والحين نجي للحمر عندك خيارات كثيرة واهم شي حطي الالوان الطبيعيه درجات اللحمي الوردي المشمشي وابعدي عن الالوان القويه ومهما كانت الموضه فما انصحك تجارين البنات اللي يحطون حمرة حمراء او فوشيا بالنهار لان كل حمرة ولها وقتها

7/ واخر شي وهي اهم شي البشرة المخمليه عشان تحصلين عليها انصحك ببودرة من ماك فور ايفر هي بودرة بيضاء شفافه تحطينها اخر شي بعد ماتخلصين من كل شي وشوفي كي راح تطلعين