ساعدوني مو عارفه اوفر معاشي

[((سعوديه بالكويت))]

بنات المنتدى ابيكم تساعدوني مو عارفه اوفر من معاشي شي ابي طريقه اوفر فيها ساعدوني كل وحده تعطيني فكره وخصوصا ان معاشي محدود

 

[أم بدير]

حبيبتي فتحي حساب ببنك ثاني بدون بطاقه سحب آلي
وسوي استقطاع كل شهر من راتبج على هالحساب
ومع المده بتنسينه لأن الاستقطاع بيكون شهري اول ماينزل معاشج وماعندج له بطاقة سحب آلي فعباله تروحين تدشين البنك تسحبين المبلغ

هذا اقتراحي والراي الأول والأخير لج ​

 

[abla_momaiza]

كثر ما تقدرين دخلي جمعيات وتكونين آخر وحده وبعدين دخليهم بحسابات الدانه او الجوهره بهذي الطلريقه تضربين عصفورين بحجر

 

[طماشه]

شوفي موضوع الرسامه (( قسمي معاشج )) ايهبل


http://q8yat.net/showthread.php?t=3809

 

[مزيونه وشقره]

سبقتني طماشه كنت داشه بقولج عن الموضوع











مع احتراماتي ياحياتي

مزيونه وشقره​

 

[bnt_kwt]

والله انا فاتحه حساب ثاني
وحاطه الكرت عند امي وقاله لها لو شنو ما يصير وايي اقولج ابي الكرت لا تعطيني اياه

والحمدلله على الاستقطاع ماشيه الامور ترا خوش فكره وانا الاستقطاع مو دائم لا انا احوله كل شهر وانا وامكانياتي مره احول 40 ومره 50 ومره 20 وماشيه على هالحال

 

[saro0ona]

انا اقتراحي ..
حطيلج حصالة من الي ما يتبطلون الا اذا كسرتيهم ...
لأن اذا حطيتي بحساب .. ممكن تروحين و تسحبين منه !
و بداية كل شهر سحبي شوية من معاشج جذي يعني لو المعاش 200 دينار مثلا ... سحبي 30 دينار و حطيهم بالحصالة ..
و لا تبطلينها لو شنو كنتي محتاجة ...
شهر عن شهر بتلقين فيها كنوز ان شاء الله

 

[زيـنـه]

فكرة الحساب الثاني ممتازه و سواء في نفس البنك او بنك ثاني .. و طلبي الحساب بدون بطاقه و كل شهر حولي عليه مبلغ سواء انتي تحولين او تسوين استقطاع شهري.
و شي ثاني .. راجعي امورج و شوفي وين تصرفين فلوسج .. اذا اكل بره البيت خففي منه .. اذا ملابس و خرابيط و مكياج واكسسوارات سيطري على عمرج و اشتري اللي تحتاجينه بس .. لا تكثرين روحات السوق و دايما صفي كبتج و هدومج على اساس تشترين اللي تحتاجينه .

 

[na6a6eya]

fikrat el esteg6aa3 eshari 5oosh fekra o bedon el be6aqa ba3d tamaam basaweeha inshallah