ساعدوني واختباراتي قربت

[كرزة لندن]

صباح الخير
كيف حالكم ان شاء الله
من فتره نزلت موضوع بنسحب من الجامعه والقهر انها اخر سنه لي
الحمدالله بعد الله سبحانه وقراءة سورة البقره والاستغفار والاذكار مع اني قبل كنت مهملتهم هم دراستي وبس
والله لايحرمني من نصائحكم وكلامكم الخفف عني ضيقتي وكأبتي الله يخليكم لي يارب ...



مالي غير كم افضفض الكل لاهي بشغاله جد انا خايفه من الاختبارات يمكن مخترعه منهااا وشايـــله هممم كبير
انا انسانه ماعرف النووووووم وقت الاختبارات تخيلوا اكون مواصله من امس تعبانه اكمل لليوم الثاني مواصله وقت اختبارات واضطر اكل حبوب نايت ومع ذلك تعبني نايت احس بدوخه وكبدي تحرق ودقات قلبي سريعه بس مالي غيرها فالاخير انوم بعد صعوبه ساعدوني ابي حبووب غيرها تنومني وتبعد الارق او اي شي ثاني تكفووووون ؟؟؟

 

[*وايليه*]

رد : ساعدوني واختباراتي قربت

ياااقلبي انسي شي اسمه حبووووب انا كنت 24 ساعه نايمه ومو قادره ادررس

وبالصيف كنت اخذ بندول نايت عشان اناام طول النهار وبالاخييير صرت مااعرف انام كلش الا بعد مااخذهم

يعني راح تتعودين علييهم..... واول شي تسوينه لاتشربين قهووه ومنبهااات لانها السبب الرئيسي للارق

وبعد ماتدرسين وتخلصييين اخذي لج احلى شوور بماي داافي وحطي زيت اللفندر لانه يساعد على النووووم

واشربي يانسوون وحطي راسج على المخده واستغفري كثر ماتقدرين لما تنعسييين وتعوذي من الشيطاااان

وانشاءالله تنامين احلى نوومه ولاتاخفيين ياقلبي من الامتحانات انشاءالله سهالات وتوكلي على الله وبالتوفيق انشاءالله

 

[o0سارآo0]

رد : ساعدوني واختباراتي قربت

اشوفي هذا شي طبيعي اذا كنتي اتفكرين وايد بالااختبارات يعني انتي هونيها ان شاءالله ونظمي وقتج حق
المذاكره وصدقيني راح ترتاحين وفكرت انج تاكلين حبوب هاذي موزين مضارها اكثر من نفعها بعدين انتي
جذي تدمنين عليها والله يوفقج ان شاءالله

 

[مدام زيزو]

رد : ساعدوني واختباراتي قربت

انشالله فتره وتعدي هونيها وتهون

 

[واثقة بجمالها]

رد : ساعدوني واختباراتي قربت

الله يسهل عليج وهونيهاا وهي تهوون

 

[عذآب إلـ أنآ]

حبيبتي هذول الاختبارات وقاعده تفكرين جذي ؟
عيل باجر لي تزوجتي وحملتي انشاءالله شلون راح تفكرين !
آنا يذبحني التفكير ومآ أنآم وقت اللي يكون عندي امتحانات أو مراجعات طبيب أو أمور ذات اهميه ..

كل الموضوع انج تكلمين علا قراءة سورة البقره وتقولين يارب سخرلي وقتي بما فيه راحتي وفهمي وحفظي لدراستي
ولي رحتي بتنامين تاخذين قبلها شور .. وكثر ماتقدرين تدعين وتقرين سورة البقره ، دشي علا قوقل حطي اذكار ماقبل النوم

وانتي حاولي كثر ماتقدرين تلهين نفسج عن التفكير، تدرسين وتبذلين المجهود الكافي وعقبها تكلمين نفسج ( يلا الحين وقت النوم الحمدلله آنا سويت كل شي ودرست وحفظت وفهمت مو باقيلي إلآ أنام وارتاح واريّح جسمي )

وعسى يارب يسهل عليج والله اني حآسه بمعاناتج بس شنو نسوي التفكير ذابحنا واهذا اكبر غلط ،
لآتاخذين بندول وحبوب أو اي شي ثاني أنتي توج صغيره بالعمر لاتدمنين هالاشياء لهم آثآر جآنبيه

يارب تكونين بصحه وعآفيه ..

 

[Pearl Qatar]

رد : ساعدوني واختباراتي قربت

عأد تصدقين


وقت الامتحان حتي لو كنتي راقده يوم كامل بعد بتنامين .. مادري شلون هالمخ نحيس خخخخخخخخ

انا كنت نفسج .. وكل مره افكر اطلع من الجامعه .. مع اني تبارك الرحمن شاطره ومتفوقه لكن ! لكن ! عقدتي شي اسمه امتحانات وكان حظي كلش مب حلو لؤؤؤؤل يصادفني ف اليوم امتحانييييييييييييييييييييييين .. تعب وارهاق لكن كنت دايماً اوكل أمري للخالق .. سبحان الله كل الخوف يروح عني .. وكنت اخصص وقت من يومي أقرا فيه الاذكار وأصلي ركعتين علشان يرتاح قلبي وفعلاً ارتاح وأيد =) .. وماكنت أكل حبوب ولله الحمد .. بس سمعي حبوبه .. انا وقت الامتحان علشان أنام أشرب حليب ساخن او دافي .. او شربي لبن والله يجييب لج نوم .. وحاولي تنامين من وقت يعني لاتسهرين حطي راسج الساعه 10 ونأمي على الاقل 3 ساعات وقعدي الفجر درسي .. ترا ف الوقت الي بتدرسينه الفجر بتخلصين كميه وأيد .. سبحان الله هالوقت مبروك ..


بس لازم اختي لازم لازم لازم تريحين وتنامين علشان المخ يخزن المعلومات .. وتقومين مصحصحه وتذاكرين ع السريع


وعسي ربي يوفقج حبيبتي ونشوفج كاتبه موضوع تبشرينا بتخرجج


=)