ساعدوني وايد متضايقه

[معشوقتي امي]

سلام عليكم بنات شلونكم
حابه اقولكم مشكلتي وابي احد يساعدني:yaaaaaarb:
صارلي 4سنين من تزوجت وللحين ماحملت بسبب انسداد بالانابيب اثنينهم وحاولت الاقي واسطه بالصباح عشان اطفال الانابيب لان موكويتيه ومع ان امي كويتييه بالتاسيس بس مارضو
اخذت موافقه من وكيل الوزاره ومديره المستشفي بس رئيس القسم من شهر 6 عنده اوراقي ولغايه هاليوم ماعطوني رد وانا قاعده علي اعصابي حتي فكرت اتطلق من زوجي لان اهو هم موكويتي اخذته عن حب مادري شنو استفدت
المهم ابي احد يقولي اي شي يريحني اعصابي متوتره دوم مالي خلق حتي نفسي
فكرت اروح خاص بس العمليه نار وظروفي ماتسمح مادري شسوي عمري 34 يعني موصغيره
افكر متي احمل متي يكبر متي ومتي مليت من وسوسه الشيطان اللي تحبط معنوياتي
تكفون يابنات ساعدوني بكلمه بنصيحه تريحني
وبغيت اسالكم اذا بروح لام عايد تهقون تعالج الانسداد لان في ناس خوفتني وناس شجعتني مادري محتاره موعارفه افكر:yaaaaaarb:الله يفرج علي كل مسلم ومسلمه والحمدلله علي كل حال ومشكورين حبايبي

 

[مآيكبرني نك]

كثري استغفار وان شاء الله ماتحتاجين ﻻ لاطفاب اﻻنابيب وﻻ لآم عايده

ويآرب تحملين هالشهر

 

[المزن]

عسا الله يرزقج ويرزقني ويرزقج كل المحرومين

 

[ماي زهر]

السلام عليكم و رحمة الله و بركاته

أسأل الله العلى القدير رب العرش العظيم أن يفرج همج و ييسر أمرج و يرزقج من حيث لا تحتسبين
عزيزتي لا تنسي قول الله عز وجل ((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا. يُرْسِلِ السَّمَاء عَلَيْكُم مِّدْرَارًا. وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))
و أصبري و أحتسبي الأجر و قولي ( إنا لله و إنا إليه لراجعون اللهم أجرني في مصيبتي و أخلف لي خيراً منها )
و قولي الحمدالله على كل حال بنفس مطمئنة راضية بقضاء الله و حكمة و تفائلي بالخير و إن ربي بيرزقج بإذن الله

لا تفكرين بالطلاق يمكن خيرة لج هالإنسان .. و إن شاء الله ربي بيرزقج و غير الأحوال من حال إلى أحسن حال
و حاولي تدخرين مبلغ و أسعي بالصباح و الله بيفرجها عليج ..

 

[ماي زهر]

السلام عليكم و رحمة الله و بركاته

أسأل الله العلى القدير رب العرش العظيم أن يفرج همج و ييسر أمرج و يرزقج من حيث لا تحتسبين
عزيزتي لا تنسي قول الله عز وجل ((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا. يُرْسِلِ السَّمَاء عَلَيْكُم مِّدْرَارًا. وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))
و أصبري و أحتسبي الأجر و قولي ( إنا لله و إنا إليه لراجعون اللهم أجرني في مصيبتي و أخلف لي خيراً منها )
و قولي الحمدالله على كل حال بنفس مطمئنة راضية بقضاء الله و حكمة و تفائلي بالخير و إن ربي بيرزقج بإذن الله

لا تفكرين بالطلاق يمكن خيرة لج هالإنسان .. و إن شاء الله ربي بيرزقج و غير الأحوال من حال إلى أحسن حال
و حاولي تدخرين مبلغ و أسعي بالصباح و الله بيفرجها عليج ..

 

[ماي زهر]

يقولون د. ناهض حمادية يراعي بالأسعار شوفي دكتور شاطر و أسعارة مناسبة

 

[M!SS.LOBY]

الله يكون بعونج

 

[نبض السعاده]

الله يرزقج بالطفل السليم

 

[Smchoocha]

الله يرزقج الطفل المعافي يارب

 

[# غنوجة بيبي #]

الله يرزقج يا رب

 

[أأأميرة الورد]

الله يرزقج بالحمل ويفرح قلبج


الله يعينج بصراحه

انا مره سمعت ان الدكتور منصور العرف اذا رحتي له شخصيا وعالجتي عنده يساعدج بالمصاريف يعني اقساط تدفيعنهم

والله مو مجربته بس سمعت من وحده تعالج عنده والله رزقها بتوأم

 

[طيبه قلبي]

السلام عليكم
اول شي المشكله فيج وكل مشكله لها حل وسالفه انا شنو استفدت من زواجي وابي اتطلق جذي حليت المشكله برايج بالعكس لقب مطلقه وفقجتي زوجج اللي يمكن باخلاقه ابرك من اي شخص ثاني
وتالي/العمر توج اصغيره لاتحطينها عذر في اصغر منج وماحملوا ويمكن عندهم موانع ويمكن لا
الله موقادر يرزقج ويغير حالج استغفر الله بتقولين ونعم بالله قادر لاتعترضين علي حكمه ربج راح يعطيج ربج بس بوقته
ربج يقدم الرزق ويأخره بأمره شتسوين وضايق صدرج وتفكرين بالطلاق اقول لج بالحمد تدوم النعم امور الحمل ماتجي بالغصب والقوه وضيقه البال وقله الصبر
قطي حملج علي الله واستخيري وماتدرين يمكن الله خاشه لج بمكان ثاني وعلي ايد شخص ثاني ويفكج من العمليه
بس لازم تاخذين بالاسباب وتقوين نفسج ترا مونهايه العالم كل شي يتدبر بس حطي عينج بالله وابدئي بالاسباب مع التوكل علي الله
ولاتحطين هالموضوع محور حياتج ويكون تعاسه في زواجج بالعكس اسعي للامر بنفس راضيه مقتنعه بنصيبها
والله يشوفج ويسمعج اذا طلبتيه ومراح يردج بس دايما فكري بالزين وتفائلي وشوفي للناس اللي اخس من وضعج شوفي للي حملت وحابت طفل معاق اوجابت وتطلقت اوحملت واجهضت كرري الحمدلله
تحمدين ربج تزيد نعمتج والله يرزقج ياقلبي بس لاتطرين الطلاق

 

[طيبه قلبي]

السلام عليكم
اول شي المشكله فيج وكل مشكله لها حل وسالفه انا شنو استفدت من زواجي وابي اتطلق جذي حليت المشكله برايج بالعكس لقب مطلقه وفقجتي زوجج اللي يمكن باخلاقه ابرك من اي شخص ثاني
وتالي/العمر توج اصغيره لاتحطينها عذر في اصغر منج وماحملوا ويمكن عندهم موانع ويمكن لا
الله موقادر يرزقج ويغير حالج استغفر الله بتقولين ونعم بالله قادر لاتعترضين علي حكمه ربج راح يعطيج ربج بس بوقته
ربج يقدم الرزق ويأخره بأمره شتسوين وضايق صدرج وتفكرين بالطلاق اقول لج بالحمد تدوم النعم امور الحمل ماتجي بالغصب والقوه وضيقه البال وقله الصبر
قطي حملج علي الله واستخيري وماتدرين يمكن الله خاشه لج بمكان ثاني وعلي ايد شخص ثاني ويفكج من العمليه
بس لازم تاخذين بالاسباب وتقوين نفسج ترا مونهايه العالم كل شي يتدبر بس حطي عينج بالله وابدئي بالاسباب مع التوكل علي الله
ولاتحطين هالموضوع محور حياتج ويكون تعاسه في زواجج بالعكس اسعي للامر بنفس راضيه مقتنعه بنصيبها
والله يشوفج ويسمعج اذا طلبتيه ومراح يردج بس دايما فكري بالزين وتفائلي وشوفي للناس اللي اخس من وضعج شوفي للي حملت وحابت طفل معاق اوجابت وتطلقت اوحملت واجهضت كرري الحمدلله
تحمدين ربج تزيد نعمتج والله يرزقج ياقلبي بس لاتطرين الطلاق

 

[ام شيخه وتامي]

الله يرزقج وتتيسر امورج ما عندكم ضمان للي مو كويتي سوي تامين وبعدين عالجي فيه عندكم شركات تامين صحي المهم الله يسر امورج ويفتح عليج ويرزقج بالضنى ولو تقدمين على اكثر من مستشفى حكومي وكم تكلفه خلي امج تساعدج سيري الديوان اقري صوره البقراء ان شاءالله بتتيسر الامور

 

[Katkoota85]

الله يفك عوقج يارب

الطلاق مو حل .. انا اعاني من نفس المشكله سويت انابيب مرتين بس مانجح لان اساسا عندي البطانه المهاجره واللي اعرفه ان حتى الانابيب ماتنجح بسهوله مع هالمرض بس مافي شي بعيد على الله . انا كانت انابيبي مفتوحه بس سويت اشعة الصبغه وانتلفت الانابيب لانهم ماسوولي فحص الحساسيه من اليود .. المهم الانابيب انسدوا وبطانه مهاجره والحمدالله على كل حال .. اذا ماربي كتبلي الحمل الله يقدرني يارب واكفلي يتيم .. لا يضيق خلقج الله سبحانه هو مسبب الاسباب ومايختارلنا الا الشي اللي في صالحنا والحمدالله ملئ السماوات والارض .. وصدقيني عدم الانجاب مواكبر مشكله بالعالم .. الحمدالله دام اهلج وحبايبج حولج والله بخليهم لج هذا اهم شي بالدنيا والصحه والعافيه والستر
اقري سورة البقره يوميا وكثري استغفار وتصدقي بنية الحمل والله يوفقج يارب ويسهل امرج

 

[om_ibrahim]

اللهم لك الحمد اختي روحي عند رائده الفضلي

 

[cramela]

الطلاق مو حل ما تدرين حكمه ربج شني اهي استخيري بكل شي وصدقني ربج راح يفتح عليج كل امر انا ما امشي بحياتي اللا بالاستخاره الحمدلله والشكر

 

[برنسيسة2007]

تدرين اختي اناوزرجي لما وصلنا لمرحلة فقر مادي من سبب العلاج انا استانست عكسج تماما تدرين ليش
لان انا عارفه ان الوحيد اللي يقدر يعالجني هو الله سبحانه وكان الكل يقولي حتى لو تلجئين لله لازم تاخذين بالاسباب وتعالجين
ولما الميزانيه صارت صفر ارتحت من التوتر وتأنيب الضمير من كلام اللي حولي لازم تعالجين ومن هالكلام وبالفعل لجأت لله ورزقني من حيث لا احتسب
اختي الله هو اللي خلق الدكتاره وهو اللي علمهم مالايعلمون اذا الدكتور يعالجج فقط فالله الشافي الخالق المصور يزرع الجنين في بطنج

طهري نفسج من الذنوب واتركيها نهائيا بركعتين توبه ثم ادعي الله باوقات الاجابه باخلاص
راح تشعرين براحه وسعاده وامل كبييييييييييير واتحسينه قريب وباذن الله يرزقج بالحمل السليم

اقري عن الدعاء المستجاب-آداب الدعاء-اوقات الاجابه

والاستغفار لاتنسينه

 

[Roozlin]

الله يفرجها عليج حبيبتي ويرزقج من حيث لاتحتسبين يارب تسهلج كل صعب وتقر عينج بشوفه ضناج....

 

[يستفزني غلاك]

السلام عليكم اختي


كل تاخيره فيهاااا خييره لج و ربج كاتبلج كل خير بس الصبر
شوفي مافيها شي لو تروحين لام عايد شوفي شنو تقولج و همن روحي لام فيصل اللي بجابر العلي مااافيها ضرر ان شاءالله
الانسداد سمعت حل تسوووين اشعه الصبغه هي همن علاج تفتح الانسداد
اختي الغاليه السجوووود و الدعااء بالسجوووود ركعتين باخر الليل ربج بيكون اقررررب لج من عباده
خلي عندج يقين انج بتحملين باذن الله
لااله الا انت سبحانك اني كنت من الظالممممين
لو تداومين ع هالكلمات البسيطه بتشووووفين المعجزاااات
لاتقولين 34 وراح عليج العمر لا في حريييييم يحملوون باخر الثلاثينات
بس انتي اصبري و استغفري و ان شاءالله ربج بيفرررح قلبج قررررريب ​