ساعدوني وين اولد؟؟ وايد محتارة

[chama510]

السلام عليكم , انا عندي مشكلة مشكلتي اني سويت طفل انابيب والحمد لله نجحت العملية من اول مرة اي نعم عانيت وايد بحمالي من نوم في المستشفيات لاني صار فيني انتفاخ في البطن وصار فيني نزيف في الخامس لان المشيمة نازلة على الرحم المهم الحين أهل ريلي يقولولي تولدين بمستشفى الولادة بالصباح لانهم شطار وهدولة على طول يسوولك قيصري ووووو ..... وصراحة انا وايد خايفة من المستشفيات الحكزمية مع ان عندي واسطة في المستشفى الحكومي بس هم اخاف لا مايكون اهتمام انا وايد تعدبت من بداية حمالي للحين انا بس نايمة على ظهري فاخاف اروح مايكون اهتمام مثل المستشفى اللي انا فيه الحين (مستشفى المواساة) الله يخليكم نصحوني شسوي هل افضل في المواساة او اهد دكتوري واروح الصباح مع العلم اني بجر وجزاكم الله خير لاتبخلوا علي بنصايحكم

 

[ام الشوامس]

وعليكم السلام
الله يسهل عليج ،، ويقر عينج بشوفت ضناج يارب ..
بالنسبه لي والده بخااص واايد اهتمامهم اوكي (دار الشفا) بس عيب الخاص اي شي يصير فيج (الله لا يقول ) يخلون مسؤوليتهم و يقطونج على الحكومه ، اقول دام عندج واسطه بالحكومه توكلي على الله و اولدي هناك ..
بس استخيري بالاول و الاخير ..
والله يكتب لج اللي فيه الخير يارب ..

 

[ام أحمدووه]

بصراحة انا لو شنو ما اولد بالحكومة
اذا عالاهتمام ماكو على اهتمام الخاص وعنايتهم ونظافتهم،،،
بصراحة انا دخلت مرة وحدة بحياتي مستشفى الولادة حق زيارة وحدة والدة وانصدمت من اللوية والازعاج واليهال رايحين رادين لاااااا امبيييييه مستحيل

بصراحة اسمع دكاترتهم شطاااار بس ولوووووووو مستحيل نفس عناية الخاص ودلعهم



بالنهاية انتي ورغبتج وراحتج

 

[chama510]

اهو صح انا نمت بالخاص لان كان عندي وايد مشاكل بس المشكلة يبون ياخدون فلوس على الفاضي تحاليل ب 20 كل يوم قعدت 7 ايام في المرة الاولى 1000 دينار بس جذي والمرة الثانية قعدت يومين 200 دينار بس نايمة والسسترات زينين الرعاية زينة النظافة اوكي بس خايفة أروح الصباح وأهد دكتوري وأتوهق لان دكتوري شاطر وايد ودارس ببريطانيا وولد وايد ناس بس انا أحاتي الحكومة حتى لو فيه واسطات

 

[فراشة البيت]

انا جربت المواساة احسن من دار الشفاء وما اغامر واولد بالحكومه

 

[chama510]

مشكورين حبايبي انشاء الله رح افتح ملف بالحكومة و اعاين بالخاص والحكومة اشوف اذا كانوا زينين معاي الحكومة وكانو مهتمين فيني اوكي اذا لاء ما اهد الخاص لان صج خوفتوني من الحكومة

 

[ام دليار]

رد : ساعدوني وين اولد؟؟ وايد محتارة

مشفى الصباح أحسن نصيحة وأذا ماهتمو كلها يومين وبتتطلعي

 

[بناااوي]

نصيحه اولدي بالحكووومه اضمن لج وانتي براحتج
ومنو دكتوورج???

 

[MissChoco]

عسى الله يهون عليج وتولدين بالسلامه

شوفي من ناحية الاهتمام والغرف اكيد الخاص ... بس اذا حالتج جذي لا والله نصيحه اولدي بالصباح
وكلها يومين وتطلعين اهم شي سلامتج وسلامة البيبي وانتي حالتج خاصه لا اجازفين
ونفس ماقلتي عندج وااسطه خلاص توكلي على الله وروحيلهم


وعسى الله يسهلها عليج ياارب

 

[chama510]

مشكورين حبيباتي انشاء الله رح اروح مستشفى الولادة واشوف الوضع هناك وافكر صج محتارة ومشكورين ما قصرتو

 

[كويتيه مول]

الحال من بعضو هم انا طفل انابيب عند الدكتور ناهض بالمواساه
بس الحين زوجي رافض فكرة دكتور يولدني ومحتاره وين اروح الله يهونها علينا ياااااارب

 

[أحـلام * ورديـة]

حبيبتي اذا عندج مشاكل من بداية الحمل فنصيحه روحي حكومه لانه لا سمح الله صار لج شي

بالخاص راح يقطونج على الحكومه على طول

 

[سموره 87]

الخاص وبس

 

[بيرلا ستور]

الله يهون عليج وتقومين بالسلامة
انا بعد اراجع بالمواساة والكل يمدح المستشفى
مفكرة ابقى واولد عندهم باذن الله

مين دكتورج؟؟

 

[ايامنا الحلوة]

اذ كنتي تعبانه وحاله خاصه


مالج غير الصباح

انا والده عندهم وكنت حيل تعبانه بس اهتموا وماقصرررررررررررو



نصيحه الصباح حلو

وعندهم دكاترها ممتازين

 

[أم شيــ@وخة]

رد : ساعدوني وين اولد؟؟ وايد محتارة

حبيبتي انا اختي مثل حالتج طفل انابيب ولا مستشفى خاص رضى يستقبلها كلهم اخلو مسؤليتهم فمالها الا الصباح الحمد لله اولدت اهناك ومافيها الا العافية

 

[المكسيكيه]

الخاص حبيبتي

 

[MONANI]

وعليكم السلام واللة انا افضل الخاص طبعا على الحكومة لعدة اسباب وعندج مستشفبات وايد طبي وتخيري بالنسبة لي انا احب السلام ورويال حياة

 

[@ام يوسف@]

رد : رد: ساعدوني وين اولد؟؟ وايد محتارة

حبيبتي انتي حاله خاصه والصباح راح يهتمون فيج وبولدج لانه الخاص اذا اتعبت الام او البيبي يحولونه الصباح فحرام اتضيعون التعب والله يهون عليج وتولدين بالسلامه

 

[chama510]

نصيحه اولدي بالحكووومه اضمن لج وانتي براحتج
ومنو دكتوورج???

انا الحين عند الدكتور ناهض بالمواساة ومشكورة حبيبتي على النصيحة