ساعدوني ياحبايبي

[abla_momaiza]

ساعدوني عندي درس نموذجي علي مستوي المنطقه ابي منبه قوي لخبرة بلدي الكويت وانا في خدمتكم متي ما احتجتوني وعندي افكار منبهات قويه خصوصا لخبرات متنوعه لكن مو قادره اركز علي درسي لاني محتاره

 

[دكتوراة بالذوق]

مشاركة: ساعدوني ياحبايبي

حبيبتي بلدي الكويت فيه اكثر من 26 هدف عقلي ؟؟


انتي حددي بالاول واحنا بالخدمة ..

 

[abla_momaiza]

مشاركة: ساعدوني ياحبايبي

واااااااو هذى اول مره ادخل بالمنتدى وهذى اول مشاركة في حياتى يا حللللللوه اما عن الهدف فهو يتعرف على العدد12

 

[سبائك]

مشاركة: ساعدوني ياحبايبي

موفقــــه يا أبلـــه وبناتنا يبردون القلب ماشاءالله عليهم بيساعدونج وما يصير خاطرج الا طيب

 

[شادية]

مشاركة: ساعدوني ياحبايبي

ممكن ربطه بعلم الكويت القديم والحديث عن طريق منبه خامه حمره وطبشوره عود خشم اطفال ماذا ممكن ان نفعل ليمن ييتوصلون لعلم الكويت ومن خلال اطفال يله نعد

 

[abla_momaiza]

مشاركة: ساعدوني ياحبايبي

مشكوره على الرد ممكن يكون هالمنبه لدرس يومى بس انا محتاجه لدرس نموذجى على العموم مشكورة وايد

 

[شادية]

مشاركة: ساعدوني ياحبايبي

حسافه تعرفين ثاني سنه لي وماعندي خبره

بليز ( طلبتك ) انك تفيدينا من خبرتك مبين عليج شطوره


<<<<<<<<<<<< متوهقه بالتدريس مااعرف بوعي من كوعي لوووووووووو

 

[abla_momaiza]

مشاركة: ساعدوني ياحبايبي

حياج الله انا بالخدمه

 

[دكتوراة بالذوق]

مشاركة: ساعدوني ياحبايبي

اوكي العدد 12 بس شنو تبين بالضبط بالعدد 12 اقصد لازم تربطين الهدف في شئ اخر يخص التصنيف ؟؟

وهل هدفج يربط او يتعرف على مدلول العدد 12؟؟


اتمنى تحددين اكثر



بانتظارج

 

[abla_momaiza]

مشاركة: ساعدوني ياحبايبي

حبيبتى بنت الأحمدى مشكولره على الآهتمام بالضبط انا هدفي يتعرف على العدد وأبي أصنف أعلام حديثة وأعلام قديمة ودرسي كامل بس محتاجه لمنبه قوى

 

[معلمة رياض اطفال]

مشاركة: ساعدوني ياحبايبي

انى ستوى اول ولا ثاني ؟

 

[دكتوراة بالذوق]

مشاركة: ساعدوني ياحبايبي

غطي درايش الصف بغطاء اسود عشان الصف يصير ظلما..وعلق النجوم اللامعة بالسقف وقمر ..

وقولي لهم يا اطفال امس بالليل ضاعت ابرتي (( وتكونين حاطة ابرة نايلون بالصف بوسطة )).

وحفظي الاطفال اغنية شدورين يا ام احمد؟؟؟


بس غيريهااا ؟؟؟


مثلا : شدورين يا ابلتي ؟؟

: ادور ابرتي ..؟؟



المهم تلقون الابرة..

وتكونين مجهزة خيط في ركن العلوم تكون عندج اربع بكرات حمراء وسوداء وبيضاء وخضراء؟؟

وتقولين كم بكرة وكم لون ؟؟؟؟ المهم لما تتوصلين لعلم الكويت ؟؟




بس عاد انتي وشطارتج في الاضاءة ؟؟؟

مو ظلما على طول عقب ما تطفين الاضاءة سوي زوم من خلال جهاز العرض لما الطفل يدور على الابرة بحيث يمشي ورى الزوم وبعدين يلقى الابرة لما تكون الاضاءة عليها؟؟؟














ها اشرايج بهالمنبة ؟؟

 

[abla_momaiza]

مشاركة: ساعدوني ياحبايبي

ا عمرى يا بنت الأحمدي توني اشوف الرد اثاري انا ادخل غلط على الصفحه وما أشوف الرد توني كنت ناويه اتشره على الكل ان محد قدم مساعده واشوف رسالتج الصراحه انا فرحانه بالرد اكثر من المنبه وخصوصا انه عجيب بس للأسف جهزت الدرس وانا بالآنتظار ........... تصدقين كنت وايد منحبطه بس عقب ردج ارتحت مشكووووووووووووره عمرى

 

[دكتوراة بالذوق]

مشاركة: ساعدوني ياحبايبي

افا عليج انعين وانعاون


ممكن طلب منج ؟؟؟



تكفين ابي تكتبين لي درسج بالتفصيل الملل برسالة خاصة ..


واذا عندكم ابلات مسوين دروس نموذجية كتبي لي والله راح اكون شااااكرة لج



لان ودي وبخاطري درس نموذجي متكامل ..



واذا تبين اي شئ انا حاضرةة

 

[abla_momaiza]

مشاركة: ساعدوني ياحبايبي

ان شاء الله راح اكتبه لج عقب التقديم وهذا خامس درس اقدمه على مستوى الرياض ان شاء الله ادزهم لج عقب الانتهاء من درسي ويكون مخي فاضي ما يشغلني شى بس عطيني اميلج وانا بالخدمه (ملاحظه) انتي باى منطقه تعليميه

 

[دكتوراة بالذوق]

مشاركة: ساعدوني ياحبايبي

هلا وغلا فيج ياقلبي

اكتبيهم على الرسايل الخاصة افضل من الايميل مليون مرة ..


وانا من معلمات محافظة الاحمدي وبعدين انا راح اسوي ادرس على مستوى الابلات مو مستوى منطقة


تكفين لا تصرين وياي لان المشرفة ازعجتنا تبي درس نموذجي



انا بانتظارج ؟؟ متى راح تقدمين درسج


واي شئ محتاجة قولينااا

 

[abla_momaiza]

مشاركة: ساعدوني ياحبايبي

ان شاء الله بس قولي حابه اي خبره تقدمين الدرس *******وانا ان شاء الله الشهر الياي الدرس اذا الله عطانا عمر وياكم عندي خبره الماء والهواء* الناس يعملون * صحتي وسلامتي *

 

[دكتوراة بالذوق]

مشاركة: ساعدوني ياحبايبي

هلا والله ابلة مميزة

بس ودي من خبرات الكورس الثاني <<<<<<<<<<<<طرارة وتتشرط


ومتى راح تقدمين درسج تقصدين شهر 4 ؟؟؟

 

[abla_momaiza]

مشاركة: ساعدوني ياحبايبي

ان شاء الله شهر 4عندي لخبره النفط بس نشاط لاصفي ( المطبخ) وايد حلووووووو اذا حابه ادزلج اياهوتقدرين تختارين اى خبره طالما نشاط نوذجي مو شرط خبرات الكورس الثاني الكورس الثاني

 

[دكتوراة بالذوق]

مشاركة: ساعدوني ياحبايبي

خلاص دزي لي ...واي درس نموذجي حلو هم دزي لي حتى لو من الكورس الاول


وتسلمين وماقصرتي