ساعدوني يامعلمات الروضه

[يارب ارحمني]

السلام عليكم
شلونكم بنات
انا عضوه من زمان اتابع المنتدى واستفدت حيل من مواضيكم وافكاركم

انا مدرسه روضه صار لي بس سنه متعينه وهذي السنه الثانيه انتقلت روضه جديده وتخيلو حطوني مربيه والمدرسه الثانيه اللي معاي متعينه معاي السنه اللي طافت يعني كلنا ماعندنا خبره بالمره ومتوهقين ويبونا نأثث الصف واحنا مو ملزومين نصرف واصلا ماعندنا خبره بتأثيث الصف والله كرهت التدريس وفكرت احول اداريه بسبتهم

وكل اللي سويته اشتريت لوحة الجو والاسماء واسم اليوم ولوحة التواجد حصلتهم جاهزين بالمكتبه وخايفه تزفني المشرفه لما تشوفهم ومايعجبونها
وابي فكره بسيطه وحلوه حق لوحة الاسماء لان اللي شريتها عاديه حيل نفس لوحة الجيوب ودي اسويها بطلريقه حلوه بس ماتكلف

وحق استقبال الاطفال سويت بالونات بعلقهم بالصف واذا عندكم افكار حلوه قولولي

 

[معلمة روضه]

شي حلو تكونين المربيه بس عاد ياليت لمستوى اولى....احسن

شوفي يا قلبي اذا مو عاجبك انج تكونين المربيه ليش ما تكلمتي وقلتي لهم مااااااااااااا ابي اصير مريبه؟

حبيبتي كل الرياض .....السواد الاعظم اهما اللي يأثثون فصلهم يعني الاداره إن كانت زينه راح تعطيج بس عاد مو ذيك المبالغ اللي تسمح لج بالتأثيث ..اوكي

الحين شنو تسوين ؟
روحي للاداره قولي لهم ما عندي فلوس وما اقدر أحط اثاث للفصل ...كم راح تعطوني من ميزانيه الروضه؟
اذا انتم روضه جديده واغلب الفصول مو متأثثه يعني ميزانيتكم زينه فكلمي الناظره تتعاقد مع واحد نجار يعمل لكم ركن البيت والمطبخ لجميع الفصول بالتالي السعر راح يكون مناسب وكلش كلش تدفع الناظره لكم نص المبلغ والباقي عليكم

 

[معلمة روضه]

صج ..النجار يعمل لج ارفف وقواطع للأركان ...يعني اهم شي بالفصل

 

[الحياة]

انتي بالاول سوي الديكورات الاساسية
مثل الطاولات والارفف ولوحة انتاج الطفل.. وطاولة البيت والكبت والفراش والمطبخ وادراجة وكبتاته ويسوي لج المخزن يعني لو اتعرفين روضة متميزة بالصفوف وشايفه صفهم حلو وعاجبج روحي ودي النجار وقوليله ابي نفسه.. وشوفي السعر بس اعتقد انه راح يطول وايد

وموفقه حبوبة ولا تتشائمين وايد كلها هلسنة وبس​

 

[يارب ارحمني]

ياهلا اختي معلمة روضة

ايه حاطيني حق مستوى اول ببتلش فيهم ومشكلتي هاديه وماعرف اعصب ومالي هيبه جدام الاطفال خايفه مو عارفه شلون اتعامل معاهم ؟؟

قلت لهم مابي اصير مربيه قالت المشرفه الموجهه قسمت الجدول ومستحيل تغير والروضه جديده واغلب المدرسات صغار ماعندهم خبره

الناظره زينه ماتبينا نصرف وجابت نجار لنا بس سوى الارفف والقواطع اما المطبخ والمنزل تقول اصبرو لما تجي الميزانيه بس قاعده اشوف المدرسات يحطون ركن المنزل والمطبخ يمكن عندهم من زمان وانا توهقت معقوله بنطر شهر على هالحاله لما تجيهم الميزانيه توهقت



الحياه

المشكله الناظره جابت نجار بس سوى الارفف والقواطع والباقي تقول انطروا الميزانيه يعني بس صفي وباقي المدرسات خلصو لان عندهم اغراض قديمه

 

[معلمة روضه]

سمعي يا قلبي...الموجهه مالها دخل بالتوزيع بس عاد هذا حكي علشان تسكتين
نصيحتي لج دام انج مستوى اول ...فأنتي طايحه على ذهب

يا حلوهم راح تتعبين معاهم اول شهرين بس عقب رااااااااااااااحه على الاخر ومنهج اول احلى من ثانيه خفيف .
دام الناظره قالت لج نطروا خلاص انتي نطري الميزانيه وصدقيني راح تنحرج إذا يت الموجهه ومالقت بصفج هالركنين
بس عاد حطي طاوله بالمطبخ فوقه وجبه وصحون وسوالف المائده <<<<<علشان تصكين حلجهم
وركن البيت اذا عندكم مطارح او مساند ما تبونها بالبيت حطيهم وعلى كم عروسه وعلاق ملابس وخلاص <<يعني قعدي نبشي في زبالة بيتكم وشوفي شنو اللي ماتبونه وحطيه.

ترى التعب عليج بس هالسنه وعقب خلاص كل شغلج موجود واحسن من المكمله اللي كل سنه يحطونها بصف.

 

[زلابيا]

انا كنت مثلج توني يديده لا معاش ولا خبره بالتأثيث وعطوني أولى وبروحي تخيلي !!!!!

بس صج الحين انا وايد مرتاحه تعبت اول سنه كل يوم اطلع اروح أدور بهالأغراض وكل داعوس دشيته بس الحمدالله الحين كل شي عندي

حمدي ربج الناظره يابتلكم نجار سوالكم الارفف والفواصل .. غيرج >> آنا ولا شي

ومدام ان الناظره زينه معاكم وقالت لكم نطروا الميزانيه عيل نطري .. واذا احد قالج شي قوليله الناظره قالتلي نطري الميزانيه..

وليش خايفه ان ما تعجبهم اللوحات اللي شاريتهم؟

بعد هذا اللي موجود بالمكتبات من وين نشتري عيل!!

اذا ناويه تشترين شي حق الصف اخذي الفاتوره عشان يعطونج فلوسج الاداره عقب .. بس قبل قولي حق الناظره تقبلون فواتيري

لأن وايد ناظرات يقولولج مو مجبوره تشترين او احنا ما نعترف بهالفاتوره

يعني استفسري منهم احسن ..

وترى اولى روضه وااااااااااااااااايد احسن صدقيني .. تتعبين شوي معاهم بس بعدين يصيرون سيده معاج وفرضي سيطرتج عليهم والله يعينج حبوبه

 

[ام-بدر]

:االسلام عليكم ورحمة الله وبركاته حبيبتى لاتخافين الحين المربية و المكملة صاروا واحد والكل لازم يتعاون المهم انك تحطين الأساسيات مثلا في ركن البيت ممكن تحطين سرير صغيرمال الألعاب موضروري يكون قد الطفل:eh_s(15): اما ركن الفنية فالمواعين الوانهم حلوة عند بو 100 حتى الخامات الفنية اختاري اشياء مثل شباصات قطعيها وحطيها في الطوس :eh_s(8):

 

[الضاميه]

حبيبتي مومن صالحج ترفضين تكونين مربيه وانتي اول سنه لازم يكون عندج استجابه عشان يرضون عليج ويكون تقريرج حلو

والمطبخ كل اغراضه نشتريها من بو100 فلس روحي تلاقين شغلات تهبل

 

[لوميه]

طيورالجنه و رامز بشويخ ... حث المطبخ رخيص وزين

وحقلوحة الحضور انا عندي تحطين ورد و شجر والاطفال فراشات و لونين علشان تخلين لون على كل ميل ....

 

[الحياة]

بنات انا بروح لاند مارك لانه مسوي تنزيلات حلوة ورهيبة على قولتهم
وشحلات اغراض المطبخ عندهم شي مو طبيعي انا بروح اليوم او باجر ...​

 

[يارب ارحمني]

معلمة روضه
زلابيا
الضاميه
ام بدر
لوميه
الحياه


يعطيكم الف عافيه على ردودكم .. والله رفعتو معنوياتي وتفاؤلت

ان شالله ببدا اجهز شوى شوي اللي اقدر عليه لما تنزل المعاشات عقبها ان شاللله يكتمل الصف

ومشكوووووووووووورين

 

[أوركيد]

معلمه روضة..

ترى كونج ماسكة اولى ومربية شي حلوو..تتعبين هالسنة وبعدين خلاص هذا صفج ..مايقدرون ينوقلون فيج من صف لي الثاني ..

اهم شي مثل ماقالوا البنات الارفف والاركان ..المطبخ ..المنزل ..

اما اغراض والعاب الاركان فهذي سهلة تحصلينها عند بو 100 ورامز ولاندمارك والاسواق الشعبية ..

هالاشياء ماتاخذ وقت ,,,المهم اساسيات الصف ..اللوحات والاركان

سوي لج دزاين معين للفصل ..وطبقيه ,,من حيث الالوان والشكل ..

يعني تحبين يكون فراشات ولا نحل ولا طيور وعصافير ....الخ يعطي حياة للصف ..

وموفقه ان شاالله

 

[mooomooo]

الله يوفقج ان شاء الله ومثل ماقالوا البنات

ومدام اللي معاج زينه قطو عالصف المهم ترتاحون طول السنه

وترى الحين تحصلين شغلات وايد من بو 100 ورخاص

 

[يارب ارحمني]

ياهلا اوركيد

تسلمين على الرد بس ودي اعرف وين مكان سوق رامز بالضبط ؟؟
وانا ادل لاند مارك اللي بالسالميه بس اللي بالشويخ وين مكانه ؟؟

ومشكوووووووووووره
___________________
مووووو موووووو

تسلمين ياحياتي والله يوفق الجميع ان شالله

 

[معلمة رياض اطفال]

وابي فكره بسيطه وحلوه حق لوحة الاسماء لان اللي شريتها عاديه حيل نفس لوحة الجيوب ودي اسويها بطلريقه حلوه بس ماتكلف
*******
الفكره
اشتري شرشف مال اطفال يعنى ب 1,500 دينار عليه رسومات وهالسوالف
وعلقيه على اللوحة الاساسية بعدين يبي مشمع ودسية فوقه بدباسه الخشب بيصير عندك لوك حاو ورخيص ومبهر
وعلقي تحت الجيوب وحطى بطاقات حلوه باسماء الاطفال انا جذي مسويه ويهبل واقتصادي

 

[معلمة رياض اطفال]

وابي فكره بسيطه وحلوه حق لوحة الاسماء لان اللي شريتها عاديه حيل نفس لوحة الجيوب ودي اسويها بطلريقه حلوه بس ماتكلف
*******
الفكره
اشتري شرشف مال اطفال يعنى ب 1,500 دينار عليه رسومات وهالسوالف
وعلقيه على اللوحة الاساسية بعدين يبي مشمع ودسية فوقه بدباسه الخشب بيصير عندك لوك حاو ورخيص ومبهر
وعلقي تحت الجيوب وحطى بطاقات حلوه باسماء الاطفال انا جذي مسويه ويهبل واقتصادي

 

[معلمة رياض اطفال]

المطبخ :
حطى طاولة صغيره بالاسواق السعبيه سعرها دينارين مع كراسي بو 750 فلس بلون صفك ومواعين بوميه وعالطوفه جيبي لك صماط اكل اللي يصير مرسوم عليه مربعات جنة سيراميك ولزقيه عالطوفه جنه سيراميك يعنى ويصير عليه صور فواكه تلقينه بالجمعيات مع رول السماطات اشتري متر كافي وقصيه مستطيل بيعطى لوك حلو انا مسويته
وحطيلك رف من ايكا بالطوفه انا شاريته رخاص بدينار و200 وصففى عليه هالمواعين
وبيصير جو ويبي لك سله اللى فوق بعض وترسيها فواكه من بو ميه وحطيها على جنب
جذي خلص المطبخ

وعندك طيور الجنه بالفروانيه يم مغل محل
نزلى تحت بتلقين علاقه ملابس حلوه على زرافه ورخيصه الشماعه اللي يحطون عليها الهدوم اخذي وحده وعلقي عليها ملابس
وفيه واحد بالجهراء يسوى طقم للبيت قنفات ب 17 ويوصلها لك لقيت رقمه بالوسيط اسمه بيت الخيزران وايد حلو
وحطى لك سله غسيل شكلها حلو وترسيها ملابس منوعه وستاند جواتي وحطي عليه جواتي منوعه جذي خلصتى المنزل
وكله من الاسواق الشعبيه

وتبين شى انا حاضره

 

[يارب ارحمني]

معلمة رياض اطفال

الله يجزاج كل خير على مساعدتج افكارج حلوه ومومكلفه ان شالله ببدي اطبقهم بصفي
بس ماعليج امر ياحياتي طرشيلي رقم اللي بالجهرا يسوي قنفات

 

[أوركيد]

سوق رامز بالشويخ جباال سوق لندن الشعبي ...

ولاندمارك الري جباال السطرة اللي فيها فانتسي وورلد ..ان شاالله عرفتيهم

آنا بقوولج راايي ...اذا انتي ناوية تتمين بالروضة وماتنتقلين ..واللي معاج بالصف زينة ...تعبي على صفج شوية >>>راااح ترتاحين السنين اليايه ..

سويلج سرير وكبت للبيت وتسريحة صغيرة ..

حطي عالكرفاية كفر حق اليهال ..والكنب اي نداف يسويلج طقم كنب حلوو ..

نصيحة ..قماااشج لا تاخذين فيه صور واايد يطلع الصف لوية وزحمة وجنه مو مرتب >>>>آنا احب المقلو او السادة ولا كاروهات ..يطلع الصف حلو ومرتب ..

الستاير ...روحي سيرز اللي بالضجيج تحصلين عنده ستاير امريكية سادة على 4 دنانير ...يهبلون بس ان شاالله تحصلين اللون اللي تبينه ..

واي شي تبينه لايردج الا الكي بورد :eh_s(8):