ساعدوني يا بنات محتاجه لكم

[أم الحــارث]

السلام عليكم أخواتي


خواتي أنا صارلي ثلاث سنين من تزوجت ما الله رزقني واليوم سويت تلقيح صناعي لأول مره وبعد حنه زوجي وافق بس أسويه مره

وللأسف كان تحليله مو شي بس 4 ملايين ونشط منهم 10 بالميه يعني تقربا 300الف حيوان منوي

خواتي آنا حيل تعبانه ونفسي ضايقه بنات منو صار معاها جذي وحملت بنفس هالكميه أو أقل

الله يرزقنا يا بنات والله إني تعبت من أخذ الإبر المنشطه نفسي بطفل

وبسألكم بعد آنا سويتها قبل صلاة المغرب ونمت بالعيادة ساعه على ظهري بس الحين لما رحت الحمام وإنتو بكرامه لقيت معاي إفرازات بنيه عادي ولا لأ أنا خايف ساعدوني تكفون محد يدري من أهلي ولا أهل زوجي إنا مسوين تلقيح صناعي ما في إلا إنتو تفيدوني

الله يرزقكم ماراح أنام بنطركم لين ما ألاقي منكم جواب

أنا في انتظاركم

وسامحوني يا أخواتي إذا طولت عليكم لكن والله نفسي أصير أم

 

[كبْرٍيآء]

اسمحيلي ما عندي فكره بس حبيت ادعيلج بالذريه الصالحه ويعوض صبرج خير ياااااااااااااااااااااااااارب

 

[bnt_kwt]

اختي انا سويت تلقيح
ويمكن الافرازات البنيه وصخ زايد بالرحم من عقب الدوره ونزل عادي لا تحاتين

ومافي شي بعيد على قدره رب العالمين

تفائلي خير تجدينه ان شاء الله

وزين سويتي انج ماقلتي حق احد خليها بينج وبينه
واذا الله ما كتب لج الحمل من اول مره لا قدر الله
كرريه مره ثانيه وثالثه ورابعه

وربي ما يضيع تعبج نامي وارتاحي ولا تفكرين اقري سوره البقره ومريم يوميا ومسحي على بطنج
واكثري من الاستغفار

وان شاء الله خير بعد اسبوعين اتبشرينا اهني بالقسم وتقولين لنا يا بنات انا حامل

 

[^^ساره ^^]

الله يرزقج بالذريه الصالحه ويفرح قلبج

و اختي توكلي على الله و لا تحاتين ترى اللي الله كاتبه بيصير و ان شاء الله تبشرينا بحملج يا رب

اختي كثري من الاستغفار واقري المعوذات و آية الكرسي و نامي و ارتاحي ولا تحاتين وااااايد حطي في بالج ان اللي الله كاتبه بيصير

والله يرزقكم و يرزقك كل من يتمني

 

[زنوبة الحلوة]

ليش لا انشالله تكونين حامل يارب


عادي فوظي امرج لله وانشالله تبشرينا بحملج قريب يارب

 

[تمر حنا]

الله يرزقج ويكتب لج الحمال هالشهر يارب ولاتتوترين وتخافين والمكتوب بيصير

 

[بمبرة]

:klhfl:
حياتي تفائلي وادعي ربج ان ما يخسر التعب
ويرزقج الضنى الصالح
اللهم آمين

 

[كويتيه مذهله 87]

حبيبتي حتى لو حيوان واحد ترى تتلقح البويضه
يعني لو ماراح يصير حمل جان الدكتوره اساسا ما سوتها لج

ان شالله تحملين هالشهر

وزين سويتي ما قلتي حق احد

 

[أم الحــارث]

بارك الله فيكم يا بنات

ويرزقني الله وياكم بالذريه الصالحه

طمنتوني الله يطمن قلوبكم ويصلحها ويفرج همومكم يارب

وبإذن الله إذا حملت هالشهر ببشركم وبدعي حق كل وحده فيكم ساعدتني والله إنها بتكون دعوه بظهر الغيب لكم

مشكووررررررررين واجد ما قصرتوا

 

[أم حمـــــودي]

يالله ياااااااااااارب الله يرزقج بالذرية الصالحه وتربينهم وتشوفينهم عرايس ومعاريس انشالله ولا تيئسين يا قلبي اسعي ورب العالمين يسعى معاج

 

[$غــ(ز)ــل$]

الله يرزقج الذريه الصالحه ويفرح قلبج
مافي شي بعيد عن ربج
وان شاااااااءالله حااامل

 

[ام حمد انشالله]

الله يرزقج الذريه الصالحه ويفرح قلبج وان شاااااااءالله حااامل

 

[@@@ام حمووودي@@@]

ياااااااااااااااااااااارب يرزقج بالذرية الصالحة وانا صار معاي سويت انابيب ونزل معاي وانتو بكرامة لون بني والحمدالله صار حمل وباذن الله يكون حمل ياااااااااااااااااااارب