ساعدوني

[آحبه حب هآلكني]

بسم الله الرحمن الرحيم


شلونكم شخباركم ان شاء الله تكونون بخير

انا جديده بالموقع اتمنى انكم تقبلوني بينكم لان المنتدى رائع والي فيه اروع

عمومًا مابي اطول عليكم .. انا بخاطري شغله واتمنى انكم تساعدوني فيها طبعًا بعد الله سبحانه

انا ودي اتثقف بس للاسف اني اكرهه القراءه ما اقدر اقرأ شي اذا بطلت الكتاب وقريته اختنق واعد الصفحات اشوفها شوي ولا واجد وحالتي حاله ومتضايقه من هالموضوع لان قاعد يأثر على دراستي ماني قادره اذاكر اول بـ اول وحتى التعبير ما اعرف اعبر عن الي بداخلي

الي ابيه منكم توجيهكم لي وشنو الكتب الي اقراها كـ بدايه عشان احب القراءه والثقافه ويعطيكم العافيه


:eh_s(17):​

 

[حياتي فراغ]

رد : ساعدوني

ابدي القراية بكتاب عدد صفحاته شوية
و حددي عدد معين من الصفحات لكل يوم
و بتشوفين نفسج بعد ثالث او رابع رواية ... مدمنة كتب

 

[آبدويه يآ لبيه]

رد : ساعدوني

ابدي القرآءة بشي آنتي تحبينه وتهتمين فيه

واهم شي آن اللغة المكتوبة تكون سهلة عليج مو كلها كلمات صعبة وتعابير مبطنة ماتفهمين منها ولا شي

 

[Tom ♥ Jerry]

.


حبيبتي آنتي أول شي اقري بالشي الي انتي تحبينه !
يعني مثلا ميولج روآيات رومآنسيه ؟
أو آدب ؟
أو شعر ؟
أو قصص صغيره ؟
أو قصص خيآليه ؟
أو قصص بوليسيه ؟
أو الطبخ ؟
أو الرسم ؟
أو عن اي شي تحبينه !

مو الا تتثقفين من الـ كتب !
أوكي خلي الكتب على صوب .. عندج النت !
GOOGLE بحثي بآي موضوع انتي تحبين تقرينه !
انا من رايي عشآن تعرفين تعبرين عن الي بدآخلج و تصيرين مآشيه و ممتآزه بالتعبير !
لآزم تقرين خوآطر .. آقري خوآطر من الآنترنت !

و بعدها شوي شوي رآح تشوفين أنه الكتب وآيد آحسن
من النت لأنه النت يعور العين !
مو مريح لا قعدته حلوه و لا شي .. !

بعديها انتقلي ليه الكتب و استمري على الشي الي تحبينه !
يعني لمآ تروحين المكتبه آختاري كتب من ميولج !
اذا تبين تصيرين نآجحه بالمدرسه ! > اختاري كتب عن التفوق و النجآح ! :*

لمآ آتيين تقرين مو تحطين في بآلج تضيعه وقت و بس !
حطي في بآلج أنج رآح تستفيدين من القراءه وآيد بحيآتج و خليها مثل هوآيتج :*

دآيمآ اذا كآن مزآجج رآيق آقري ..
آمآ آذا كنتي معصبه أو زعلانه لا تقرين ! لانه رآح تملين بسرعه ! @
بعدين انتي قسمي الكتاب !
يعني مو الا تخلصينه كله بيوم وآحد !
يعني اقري مثلا نص ساعه أو ساعه > بالبدآيه بعدين لمآ تحبين القراءه رآح تقرين خمس سآعآت مآ تحسين بنفسج مثلي
بعد هالسآعه أو النص سآعه اذا حسيتي آنج مآله على طول هدي الكتاب روحي سوي شي ثآني
لمآ تشتاقين حق القرآءه مره 2 روحي و كملي الكتاب !
و بعدين آنتي لآ تقرين بس عشان تقرين !
وآيد بنآت بس يقرون > ليه ييتي سئلتيهم شنو استفدتوآ أو عن شنو محتوى الكتاب ؟
يقولون مآ ندري :/ !
شي غريب :| ؟ لأنه اهمه قآعد يقرون بس جي !
عشان يضيعون وقت لا آكثر و لا آقل :*


.

 

[Tom ♥ Jerry]

.

واهم شي آن اللغة المكتوبة تكون سهلة عليج مو كلها كلمات صعبة وتعابير مبطنة ماتفهمين منها ولا شي

اي صح هذي النقطه فآتتني !
اقري كتاب يكون كلمآته سهله و سلسه عليج !
مو كلمآت صعبه تحتاج الى ترجمه


.

 

[رحيل المرافيء]

رد : ساعدوني

صح مثل ماقالت توم وجيري اقري من النت اول
اقري مقتطفات لشخصية لموضووع معين وتالي بتلاقين نفسج انتي تدورين المعلومة وتبين تقرين
وانا اقوول ابدي بالروايات والقصص
عندج اغاثا كريستي حلوة كتاباتها
اكوو خولة القزويني بعد حلوة وتشدج وقماشة العليان

 

[miss-fofo]

Up








up

 

[Zozαĺiиaђ]

اقري شي انتي تحبينه عشان لا تملين و تزهقين منه
واذا مليتي هدي الكتاب شوي اخذيلج بريك خمس دقايق ولا عشر
و بعدين ردي اقري
اذا قريتيه كله ورا بعض و انتي تحسين بملل ما راح تستوعبين عدل مثل ليمن تكونين مندمجه بالكتاب