السلام عليكم
بدون مقدمات،، عندي مشكله ومحتاجه لنصايحكم وحلولكم
انا متزوجه صارلي سنتين تقريبا، وعندي ولد،،
اول ما تزوجت او بالتحديد ايام الملجه، زوجي طبعا مثل كل الرياييل كان من اروع ما يمكن ومثالي لدرجه ما تتصورونها ومدللني آخر دلال،
بعد الزواج بجم شهر تغير شوي وبدت تبين عصبيته شوي شوي، وبدا يسويلي افلام لا تطلعين بروحج ولا تلبسين جذي ولا تسوين جذي، ويتدخل باشياء شخصيه وايد ماله علاقه فيها..،، طبعا في اشياء عطيته طاف فيها وفي اشياء ليلحين نتناجر عليها..
الحين، زوجي صار شخص ثاني، عصبي جدا خاصه مع الناس بره البيت (لأن انا اتجنب انرفزه عشان ما نتهاوش) وطبعا لمه يعصب لسانه يقط حجي ××× ،، وعلى اتفه الاسباب يبدي يغلط على الناس ويسب ويشهر فيهم..
والاهم من هذا كله والي خلاني اتغير عليه حتى ان- فالبدايه كان لمه يشوفني اشتغل على الكمبيوتر يسوي روحه بيقعد يمي عشان يشوف شقاعده اسوي!!! طبعا كنت اطوف اقول يمكن مجرد لقافه (لان ادري اهو ملقوف ويحب يعرف كل شي)،، لكن الوضع تطور الى ان قام ايي يطل بالجهاز يشوفني شقاعده اسوي!! وحتى مع التلفون يسوي نفس الحركه،، والي اكبر من هذا ان ذاك اليوم كنت لاهيه مع ولدي وتلفوني يمي، يي قالي بلعب "جيمز" بتلفونج؛ انا استغربت بس قلت له اوكي وسكت،، بعد شوي مادري شلون عيني يت على التلفون ولا اشوفه قاعد يتعبث بالارقام!! طبعا انا فوّرت لمه شفت جذي بس ولدي كان توه بنام فسكت...
صج صج ما توقعت ولا تخيلت توصل فيه الوقاحه لي هالدرجه!! صدمني!!!
والحين مر جم يوم على هالسالفه وانا متغيره عليه اهو حاس بس كل ما يسألني اقوله ماكو شي..
ماني عارفه شسوي،، اكلمه ولا اسكت! اخاف ان تكلمت تصير سالفه عوده وانا مليت من المشاكل والهواش والنجره معاه،، وان سكت اخاف يمصخها ويسوي اشياء اكبر من جذي..
انا بصراحه من قبل هالسالفه مو مرتاحه بحياتي معاه كلش وهالشي كرهني فيه وبحياتي معاه اكثر..
ماني عارفه شسوي..؟؟
خصوصا ان طبعه دايما يشوف نفسه اهوه الصح واذا طحت عليه بشي يلف ويدور ويطلع نفسه من الموضوع باي طريقه..
ساعدوني..!!
بدون مقدمات،، عندي مشكله ومحتاجه لنصايحكم وحلولكم
انا متزوجه صارلي سنتين تقريبا، وعندي ولد،،
اول ما تزوجت او بالتحديد ايام الملجه، زوجي طبعا مثل كل الرياييل كان من اروع ما يمكن ومثالي لدرجه ما تتصورونها ومدللني آخر دلال،
بعد الزواج بجم شهر تغير شوي وبدت تبين عصبيته شوي شوي، وبدا يسويلي افلام لا تطلعين بروحج ولا تلبسين جذي ولا تسوين جذي، ويتدخل باشياء شخصيه وايد ماله علاقه فيها..،، طبعا في اشياء عطيته طاف فيها وفي اشياء ليلحين نتناجر عليها..
الحين، زوجي صار شخص ثاني، عصبي جدا خاصه مع الناس بره البيت (لأن انا اتجنب انرفزه عشان ما نتهاوش) وطبعا لمه يعصب لسانه يقط حجي ××× ،، وعلى اتفه الاسباب يبدي يغلط على الناس ويسب ويشهر فيهم..
والاهم من هذا كله والي خلاني اتغير عليه حتى ان- فالبدايه كان لمه يشوفني اشتغل على الكمبيوتر يسوي روحه بيقعد يمي عشان يشوف شقاعده اسوي!!! طبعا كنت اطوف اقول يمكن مجرد لقافه (لان ادري اهو ملقوف ويحب يعرف كل شي)،، لكن الوضع تطور الى ان قام ايي يطل بالجهاز يشوفني شقاعده اسوي!! وحتى مع التلفون يسوي نفس الحركه،، والي اكبر من هذا ان ذاك اليوم كنت لاهيه مع ولدي وتلفوني يمي، يي قالي بلعب "جيمز" بتلفونج؛ انا استغربت بس قلت له اوكي وسكت،، بعد شوي مادري شلون عيني يت على التلفون ولا اشوفه قاعد يتعبث بالارقام!! طبعا انا فوّرت لمه شفت جذي بس ولدي كان توه بنام فسكت...
صج صج ما توقعت ولا تخيلت توصل فيه الوقاحه لي هالدرجه!! صدمني!!!
والحين مر جم يوم على هالسالفه وانا متغيره عليه اهو حاس بس كل ما يسألني اقوله ماكو شي..
ماني عارفه شسوي،، اكلمه ولا اسكت! اخاف ان تكلمت تصير سالفه عوده وانا مليت من المشاكل والهواش والنجره معاه،، وان سكت اخاف يمصخها ويسوي اشياء اكبر من جذي..
انا بصراحه من قبل هالسالفه مو مرتاحه بحياتي معاه كلش وهالشي كرهني فيه وبحياتي معاه اكثر..
ماني عارفه شسوي..؟؟
خصوصا ان طبعه دايما يشوف نفسه اهوه الصح واذا طحت عليه بشي يلف ويدور ويطلع نفسه من الموضوع باي طريقه..
ساعدوني..!!
