ساعدووني تكفووون صج لاعت جبدي!!

[Zen&7ala]

السلام عليكم يا بنات


انا حامل بشهري الخامس و بدش السادس بعد اسبوع

و لحد الحين ما استقريت على دكتورة :lkmnkl::eh_s(2):

دوخوني والله اسال وحده عن دكتورة تقولي عجيبه و الثانيه تقول لاا وييع مو شي !!

و انا حامل اب بجري و الوالده الله يطول اب عمرها كل يوم لها راي و تقولي كيفج اتختاري دكتورتج:nocommint:


و المشكله اني اكبر خواتي و ما عندي احد اساله و ينصحني و عايشه معاه انه عاش تجربه الولاده غير امي

و اما الي يصيرولي مدحولي جم وحده بس الوالده تقول مو شي او يكونون مولدهم دكتور و انا حابه دكتوره


تكفون ساعدوووني لاعت جبدي و انا ادور بين دكتوره و الثانية


و للعلم انا حاليا افكر اب ثنتين يا عالية الفضلي او خالدة المجيبل

و سؤال ثاني وين احسن مكان اولد فيه ؟ مستشفيات خاصه (المواساة) ولا رويال حياة؟


و لكم مني جزيل الشكر :eh_s(17)::fun:​

 

[ام كوشه منكووشه]

رد : ساعدووني تكفووون صج لاعت جبدي!!

الله يسهل عليج وتوالدين بالسلامه انشالله .. والله الدكتوره ليلى اشكناني ممتازه تابعت اختي بوالادتها مرتين وانا راحت لها مره عشان استفسار عن الحمل وكانت فعلا وايد هاديه ومحترمه. واختي بولاداتها كل برويال حياة الصراحه خوووووش مستشفى وعنايتهم حيييييل راقيه.

 

[Zen&7ala]

تسلمين حبيبتي مشكوورة انشالله يعلقون خواتنا بعد

 

[الليدي فراوله]

بصراحة روحي لشادية عثمان بصراحة عجيبة

 

[أنفاسي دخون]

من تجربة اخت رفيقتي ما انصحش بعاليه الفضلي خلتها تنزف وسكرتها من تحت بشاش لولا الله ورحمته ثم الدكتور محسن طلبه كان البنت بعداد الاموات والمشكله سكرت جهازها ولا ترد على احد

انتي سوي سيرج بقوقل وشوفي اكثر دكتوره يمدحونها وبعدين يا قلبي استخيري وادعي ربش بالسهاله تجي منه سبحانه مو من الدكتوره

 

[tmtmt]

وهذا الي بيصير حتى بموضوعج راح تلقين وحده تمدح والثانيه تذم
كل وحده على تجربتها و ولادتها
استخيري وشوفي ترتاحين حق منو
وامج الله يطول بعمرها صججج شدراها الدكاتره تغيروا وكل شي تغير
واكيد تخاف تقول ولا صار شي لا سمح الله تلومونها

سمعت ناس امدحوا
بو خضور شي جذي جنه اسمها ناديه
وهم خالده المجيبل يمدحونها

انتي نفسي ما بقى احد ما افتريت عليه علي بو اني ابي دكتوره
مارده ريلي بوم شاف الحريم شلون قايلين رصا بدكتور
حتى الدكتور يوم شاف ملفي انصدم قال كل هذول فريتي عليهم بقى احد

وبالنسبه للمستسفى
انصحج بالمواساة
رويال حياة ما يمدحونها جم وحده ماتوا وجم وحده صار فيهم نزيف
طبعا على الي نسمعه

الله يسهل عليج وين ما رحتي
واسفه على الاطاله

 

[mrs.perfect]

وانا اقرا موضوعج قاعده اقول شنو انا كتبت موضوع وانا مادري
مثل مشكلتي
بالخير قررت اراجع بالمستشفى اللي بولد فيه ولي صارت الصجيه بروح واللي موجود يولدني
متوكله على الله واهو سبحانه اللي بيلطف فيني

 

[احلى مريومه]

والله عندج ناهده العلي زينه ونجيبه القطان ونداء بوخضور هذيل اللي مجربين اب عايلتنا وعندج ايفا اللي بالراشد يمدحونها والافضل بصراحة الدكاتره الريايل

 

[^مرايم^]

انا اراجع عند نداء بو خضور برويال حياة .. هذي ثاني ولادة لي عندها ..

انا جربت قيصريتها و خواتي جربوا الطبيعي و كله تمام التمام ..

نفسيتها قمة .. و شاطرة ((استشارية))

و انتي روحي للي ترتاحين لها

ولا تفترين وايد خلي الطبيبه تعرف حالتج عدل ترى اكبر غلط انج توصلين هالمرحله و ما تستقرين على طبيب معين ..

لأني مجربة هالشي بأول ولادة لي و تعذبت لاني مادري شالسالفه ..

المواساة طبعاً افضل المستشفيات .. ورويال ايي وراه ..

استخيري و توكلي على الله لا تشتتين نفسج وايد و التساهيل من رب العالمين ..

 

[غنوة ستايل]

ياقلبي لو تبين طبيبه عندج نزهت في السلام
واذا تبين دكتور عندج ( عمرو عصام ) انا اراجع عنده والحمد الله مرتاااحه وبعد مستشفى السلام

 

[احب المنتدى]

رد : ساعدووني تكفووون صج لاعت جبدي!!

استخيري و الله يسهل عليج ان شاء الله

 

[ام بوحنة +]

رد : ساعدووني تكفووون صج لاعت جبدي!!

انا مستعدة اذكر لج كل الاسامي

بس التساهيل من ربج
وكل الدكاتره لهم اخطاء واهم حسنات

وانصحج تراجعين عند الكتور اللي بالمستشفى اللي تولدين فيه

يعني رويال حياة عندج نداء بوخضور او خالدة المجيبل

 

[_Pure_]

مالج غير صلاة الاستخاره بعد ما تقررين عالدكتوره

و انا انصحج بمستشفي رويال حياة عن تجربه في ولادتي البجر و الحين بعد ان شاءالله راح اولد فيه فخامه و دلع و رعايه طبيه

و انصحج بدل اللف و الدوران بدكاتره المستشفى خالده المجيبل او نداء بوخضور عجيبين و ان شاء الله سهالات

انا بس مولدتني د. سلوى الرفاعي لاني ارتحتلها لانها ملتزمه

 

[شوق شوقى]

رد: رد : ساعدووني تكفووون صج لاعت جبدي!!

الله يسهل عليج ان شاء الله

 

[om yassor]

حبيبتي أنا مثلج لفييييت ودرت على مليون مستشفى ودكاترة وآخر شي رديت حق طيبه كلينك لان ولادتي الاولى فيها وراحتي هنااك انتي شوفي وين مرتاحه وروحي والله يسهل عليج وعلينا كلنا