ساعدووني في صلاله

[shosho26]

هلا بنات ممكن تساعدوني افكر نروح صلاله كان ودي بشاليهات بس مالقة شفت فندق ماريوت وهيلتون بس ما ادري اذا قراب وايد من البحر اللي. نقدر نسبح فيه لانه محيط اذا في دول او شي خطر وشلون الجو والأماكن الحلوه هناك. بليييييز احتاج مساعدتكم:yaaaaaarb:

 

[أم دانـــه]

حبيبتي اذا وصلتي هناك اكيد راح يدلونج
وبالنسبه حق الجو يقولون روعه عكس عندنا بالضبط
بصراحه احسنتي الاختيار
صلاله جنه والله

 

[الجورى 2007]

يالغلا انا رحت صلالة رووعه الطبيعة فيها حلاتها بنص شهر سبعة يبدا الجبل عندهم يخضر والافضل ما تسكنى عند البحر لانه هالفترة بيكون شوى متقلب يعنى ما ينصح بالسباحة بس تشوفينه من بعيد واى استفسار انا حاضرة واحسن اخذى شقة فندقية اذا انتو عايلة مع اطفال احسن من فنادق وتكون فيها بلكونه لانه بعد المغرب ينزل مطر خفيف منعش

 

[عيون الشيخ جابر]

انا رحت لها والحين بذن الله بروح لهاااااااا رووووعه بس بسرعه تملين ماكو غير الطبيعه لاتفكرين باماكن العاب وسوقه بس طبيعه

حدج 5 ايااااااام

 

[بنت النوخذا]

http://www.booking.com/country/om.a..._ss=1;origin=disamb;srhash=3745834425;srpos=4

 

[بنت النوخذا]

هذا موقع بوكنك

علي طول دشي و دوري فيه كل الفنادق

بس طلبي علي جهه اليمين
الفنتدق الشاطئيه
و يطلعون لج كلهم مع السعر و حجم الغرف
و ممميزات المكان و أراء الناس
و الاماكن القريبه منه
وكل التفااااااااااااصيل الدقيقه

 

[ام مبارك الافدع]

حلو صلاله تهبل بس لاتسكنين بالفنادق اخذيلج شقه فندقيه احسن حيييل اسالي مجرب وصلاله نظام كشتات وشب فحم وقعده عرفتي وفندق حمدان حلو لان فيه جبل وراه موووووطبيعي اسمه جبل ايتين اصعدي فوق فوق وتمتعي بالجو الخيال بس ديري بالج علي عيالج اذا بتاخذينهم لان في هاويات والله الساتر يااااااقلبي

 

[dob106]

احنا خذينا شاليه فى صلاله بس ما اذكر اسمه بس كان البحر هائج وممنوع السباحه فكان طول الوقت فى الاحواض السباحه بس صلاله خريفها يبدء نهايه 7 الى 8

 

[*راقيه بذوقي*]

ياحلات عمان والله يابنات جنه
كنت اقول اخر ديره افكر فيها بس سبحان الله والله عشقتها
انا رحت مسقط والجبل الاخضر طبيعه
وان شاء الله هالصيف ابي اشوف صلاله