ساعدووووني رئيسة قسم متوهقة

[فاتنة75]

السلام عليكم حبايبي أنا تعينت رئيسة قسم وماني عارفة شنو أسووي أول شي وشنو السجلات ومتى أبدا الشغل مع السجلات ساعدوووووووووووووني والله يجعله ميزان حسناتكم

 

[رزه مرتزه]

شنو تخصصج حبيبتي ..؟؟

 

[فاتنة75]

هلا فيج حبيبتي أنا تخصصي رياضيات ثانوي

 

[Beyond Life]

حبيبتي جيكي عالخاص

مابي منج الا الدعاء

 

[al-7lwaaa]

رد : ساعدووووني رئيسة قسم متوهقة

حبيبتي عادي لا تاخافين انا بعد العام اول سنه لي وتعلمت كل شي هالسنه ثاني سنه لا تحاتين تتعلمين قلبي

 

[فاتنة75]

الله يجزاج كل خير

 

[فاتنة75]

رد: رد : ساعدووووني رئيسة قسم متوهقة

حبيبتي عادي لا تاخافين انا بعد العام اول سنه لي وتعلمت كل شي هالسنه ثاني سنه لا تحاتين تتعلمين قلبي

حبيبتي ياريت تقولين شنو تجربتج خاصة أول يوم ماني عارفة طريقة التعامل مع المدرسات والإدراة ياريت تقولين لي أنا ناطرة ردج يالغالية

 

[سلطانة القحطاني]

رد : ساعدووووني رئيسة قسم متوهقة

حتى انا يا بنات
لغة عربية متوسط
وابي مساعدة باي طريقة
عفيا

 

[قلم حبر]

الله يوفقك انشالله
:nbvppw:​

 

[فطووومة]

الله يوفقكم ان شالله

سووا سجلاتكم اول ما تعرفون مدارسكم

اول ما تدشون القسم تعرفوا على الابلات وخبراتهم وخلوا مجال حق الخبرة اذا اكثر منكم يعطون آراءهم في بعض الموضوعات البسيطة مو كل شي

وخلوا لكم شخصية خاصة فيكم

وتعودي اذا تبين منهم شي تحددينه بجدول ويوقعون عليه في الاجتماع لا تقولين قسموا بينكم ترى ما رح يتحقق شي من المطلوب

والله يوفقكم

 

[@ الرسامة @]

رد : ساعدووووني رئيسة قسم متوهقة

زهبي سجلاتج من الحين يالله يمديج


انا تخصصي فنية يمكن سجلاتنا غير
وبالنسبة للادارة ومعلماتج عادي بس خلج دبلوماسية وبالنص علشان لاتتعبين معاهم

 

[بطة بس حلوة]

رد : ساعدووووني رئيسة قسم متوهقة

وأنا ودي بعد مساعدة علوم ثانوي الله يجزاكم خير

 

[حوراء الكون]

هلالالالالا فيكم خوش موضوع لاني انا بعد يديدة وتخصصي فنيه اختي الرسامه اذا تقدرين اتساعديني جزاج الله خير

 

[فاتنة75]

هلا فيكم كلكم : أنا قالولي إنه في مواقع يكون فيها نماذج جاهزة على الكمبيوتر في أحد يعرفها غير موقع مدرستي هذا دشيته

 

[الورد من له ؟]

رد : ساعدووووني رئيسة قسم متوهقة

الله يوفقكم

 

[Beyond Life]

السجلات يفضل تبدون فيها مبجر حطي كل البيانات على كفر السجل الا اسم المدرسة

شكثر تناقشنا بهالموضوع والله يذكرها بالخير مرايم دلتنا على ابوسليم بحولي للسجلات شغله نظيف واسعاره تهبل

كل المواد تتشابه باغلب السجلات

وهذا ما اعتبره مهم


الاهم اهو الخطط الي بتكون داخل السجلات....

بعطيكم طريقه بما انا قبل الدوامات ومابقى شي طبعا بدايه السنه راح تداومين بمدرستج القديمه لحد مايوصل القرار وتسوين اخلاء طرف

حلو


بهالوقت لا تقعدين تسولفين و تضيعينه استغليه اطلعي على سجلات رئيسة قسمج اليديدة واطلبي منها تصورينهم


واذا اهي حبيبه اطلبي تصورين النشرات الخاصه بالمادة وتوزيع الدرجات خصوصا اذا مادتج ما صار عليها تغيير


عقب ما تظمنين انج صورتي كل خططها

قعدي وياها بروحكم وقوليلها شلون اتعامل مع القسم ابي نصايحج يا ام فلان من القلب للقلب (خصوصا التكليف)

انزين الحين ظبطتي الخطط و صورتيهم حاولي تدخلين النت اهني تطلعين ديزاينات ترتبين فيها شكل اوراقج او تشترين اوراق فيها اطارات ذربه ومرتبه

خزنيهم على الجهاز ولا تتسحبينهم طباعه خصوصا السجلات الفنيه لانه يمكن في توجهات يديدة من توجيهكم وتعديلات كل سنه يمديج تعدلين عليهم بالكمبيوتر


اما السجلات العامه
مثل الاجتماع الاداري - التنميه المهنيه للمعلمات الخ ممكن تزهبينها من الحين


خلج على اتصال مع اكثر من رئيسة قسم ولما تدخلين مدرستج هم خلج على اتصال مع رئيسات اقسام المواد الثانيه لانج راح تحتاجينهم وايد


سوي بحث بالمنتدى راح تلاقين مواضيع تخدمج

والله يوفق الجميع

 

[Beyond Life]

بهالوقت لا تقعدين تسولفين و تضيعينه استغليه اطلعي على سجلات رئيسة قسمج اليديدة واطلبي منها تصورينهم

اقصد القديمه

 

[سـكـر زيـادة]

رد : ساعدووووني رئيسة قسم متوهقة

بيوند لايف

صراحة شرح تشكرين عليه

انتي شنو تخصصج ؟

 

[حوراء الكون]

يعطيييييييييييييييييج الف عافيه بيوند لايف عسى الله يوفقج يا رب

 

[omaseel]

الله يوفقك