ساعدووووني وربي نفسيتي تعبت الله يخليلكم عيالكم

[ام ريتال 4]

كيفكم كويتيات سووووري بطرح موضوعي وابي منكم تساعدوني وربي نفسيتي زفت اولا لاني توني نفاس واحس بضيقه من ولدي الكبير عمره الله يحفظه سنتين واربع اشهر صار يسوي تصرفات مو من عادته :eh_s(16):يضرب اخته المولوده يسوي خراب بالبيت يضربني صيااااح 24 ساعه:eh_s(11):ماكان كذا تغير لابعد درجه وماني عارفه شنو اتصرف معاه حاولت ادلعه اتفاهم بسلوب حلو مافي فايده الا يزيد العناد وربي تعبت صرت اضربه والحين نايم قلبي يقطعني عليه فديتكم ربي يخليلكم عيالكم ادعوله بالهدايه ويحفظ بنتي من كل سوء عندكم حل:yaaaaaarb:

 

[ماركة انثى]

شوفي يالغاليه اولا الحمدلله على السلامه ​

وترى الجاهل اذا جا بعده مولود يغير حيل من المولود الجديد ​

انتي حاولي ما تمسكين بنتج قدامه واذا مسكتيها خليه يلاعبها او يلمسه عشاان يحبها اكثر بس لا تطقينه تحملين ​

ترى الغيره قشرى ​

 

[0oR0R0 honeyo0]

الله يعينك خليه عند اهلك لما تطلعين من النفاس عشان ترتاحين وتتفرغي حق بنتك ونفسك
واذا ماتبي تخليه عند احد حاولي تفهمينه انها هذي اختك لوكبرت بتلعب معاك وتحبك اهم نقطه عشان تحببينه فأخته لاشريتيله اي شي او اعطيتيه اي شي قوليله هذي من اختك ان شاءالله فتره وتعدي بس لاتطقينه بعدين بيكره اخته يفكر لما جبتيها خلاص ماعاد تحبينه وحاولي تقعدي معاه لاتهمليه اذا كان بشقتك والحمدلله على سلامتك وتتربى بعزكم ان شاءالله ..

 

[انوثة من حرير]

شوفي اختي انا انصحج ماتشيلين بنتج قدامة ولدج تعبان من الغيرة لاتخلينة ضمية لعبية خلي ابوة يونسة يبي منج اكثر عناية نصيحة ترى غيرة اليهال تتعبهم لا تعتنين بنتج قدامة شوفي اهو يسوي كل ها الشطانة علشان طالعينة يبي منج حنان لا تخلينة انتي اعتني فية حسسية انة دادة وانة اهو تحبينة اكثر من بنتج

 

[m6181]

اختي نصيحه لاتطقين ولدج ترى الطق يزيد العنف والعناد عنده
بوسيه ولميه ولعبيه احتويه اكثر وعطيه حنان
عشان مايغار من اخته خليه يلعب معاها يبوسها يمسكها وانتي عنده
ولله يخليه لج ويصلحه انشالله

 

[دآنة آلرشآيده]

الحمدلله علي سلامتج
مبروك ماجبتي

عآدي شي طبيعي يغار
لانه يحس ان احد بياخذ مكانه

بس انتي حاول ماتهتمين بالبيبي الجديد
جدامه وحسسين انه اهو الغالي وان شاء الله شوي شوي
يتعود علي اخته​

 

[ȚσҒғЇҒҼҽ]

وانا معاهم

هذي غيرة الاطفال جذي

بس الا الطق لا تطقينه أبد ترا بيزيد ماا يقل بشي

وحاول تلعبينه تهتميين فيه اكثر واكثرر لين ما يتاأقلم مع الجووو ويصير الوضع عادي

ربي يحفظهم لج يالغلاآ.

 

[توتاتوتا]

انت متضايقه منه ضربتيه
هو متضايق من أخته ضربها
بس الفرق هو بزر وانتي أم شكبرش
غيرة الاطفال نفس غيرة النسوان واشد انا اعتبره نفس الطبان
ادري ان الوضع صعب وتحتاجين مساعده من طرف ثالث

 

[ام ريتال 4]

فديتكم ربي يحفظكم ويخليلكم عيالكم وان شاء الله اتبع نصيحتكم الحلوه

 

[om Firas]

ياعمري البنات ماقصروا عسى الله يهدي ويعينج على تربيتهم

 

[om al ghaleen]

الحمدالله ع السلامه ومبروك مايبتي
حبيبتي ولدج الغيره ماكله قلبه
ويسوي هالحركات علشان يلفت الانتبااه لا اكثر
خلي اهتماماتج له والمولوده ماتفهم بالسن هذا خليها عند امج
الله يعينح*

 

[حظ من عنده انا]

الحمد لله على سلامتج

ومبروك ماجبتي.

حاولي انج ماتهتمين بالصغيره جدامه

لان كل اللي يسويه من باب الغيره


والله يصلحه يارب

 

[om zeinab]

غيرة الطفل من المولود الجديد من أكثر الأسئلة التي تثار بذهن الأم أثناء حملها الثاني، فتفكر المرأة الحامل في كيفية استقبال الابن الأكبر للمولود الجديد وكيف يتعامل معه؛ لذلك يقع على عاتق الأم مسئولية تقوية العلاقة بين الطفل الأكبر والمولود الجديد حتى تعيش الأطفال في جو يملأه الدفء والحب والحنان..

لتجنب غيرة الطفل من المولود الجديد، يرجى إتباع النصائح التالية:

- الاقتراب من الطفل: يجب على الأم الاهتمام بالطفل بشكل زائد، وتعمد التقرب منه دائما مع محاولة توصيل شعور بعدم القدرة على الاستغناء عنه في أي وقت من الأوقات. كما يجب تجنب إهمال الحاجات النفسية للطفل لأنه بذلك يشعر بحالة من الضيق والقلق والغيرة تجاه المولود الجديد مما قد يسبب له بعض المشاكل النفسية.

- الأخذ برأي الطفل: مشاركة الطفل الأكبر في تحضير وتجهيز ملابس المولود الجديد والأخذ برأيه؛ وإشعاره بأن رأيه هام وضروري، ويفضل شراء للطفل ملابس جديدة مثله مثل المولود الجديد حتى لا يشعر بالغيرة والتفرقة.

- سرد ذكريات الطفولة للطفل: إخبار الطفل بذكريات طفولته؛ ومحاولة سرد أحاديث عن طفولته وكيف كان يقضيها، فذلك يعزز من ثقة الطفل بنفسه ويشعر بحب وحنان الأم تجاهه، ومن ثم تبعد الأم أي شعور بالغيرة من الممكن أن تتكون داخل الطفل تجاه المولود.

- إخفاء موعد الولادة عن الطفل: من الأفضل أن لا يعلم الطفل بموعد ولادة الطفل الجديد، وينصح بأن تشتري الأم هدية تقدمها للطفل وتحتضنه بعد ولادتها؛ حتى يشعر باهتمامها به.

- احتضان الطفل عقب رضاعة المولود: قيام الأم باحتضان الطفل عقب إرضاع الطفل الصغير؛ ليشعر بالحنان والدفء ولتجنب غيرة الطفل من المولود.

- فصل مكان النوم: محاولة الأم أن تعود الطفل على النوم في سريره الخاص حتى لا تفصله وقت ولادة المولود الجديد فيشعر الطفل بالحزن لبعد أمه عنه.

- عدم ضرب الطفل إذا أذى المولود: أمر شائع أن تجد الأم تضرب الطفل عن محاولته لإيذاء المولود أو ضربه، فعلى الأم أن تتعامل مع هذا الأمر بشكل حكيم من خلال أن تقوم بتنبيه الطفل باللين وبدون توبيخ؛ بتوضيح أنه من الخطأ أن يضرب المولود.

- التقريب بين الطفلين: محاولة الأم بالتقريب بين الطفلين؛ وإشعار الطفل بأنه صاحب مسئولية تجاه المولود، ومن هنا سوف يشعر الطفل بأنه مسئول عن أخيه فتتكون علاقة حب وود بينهم من عيادة د ليلى حجازى على facebook http://www.facebook.com/?ref=home#!/home.php?sk=group_178836145497068&ap=1

 

[استغفر الله%]

عطيه هديه وقوليله هذي اخته جابتها له حطيها يمج مو بحضنج إذا هو موجود وحاولي ماتطقينه هالفتره حتى لو غلط سايسيه واستغفري وايد والله يعينج انا كنت نفسج بس البنت طبعها اسهل احس من الولد