ساعدووو بنتي بلييييييييز ...

[اسوووره]

اشلونكم حبايبي عساكم يارب بخير ...

بنات حبيت اسالكم و اتمنى انكم تفيدوني بخبرتكم واللي يسلمكم ...

انا بنتي المفروض تدش اولى روضه السنة اللي طافت وراحت السنه و التسجيل عليها بسبة ابوها الله يسامحه وما دشت الروضه و ماراح ادش بالتفاصيل لانها سالفه طويله :eh_s(14):

و سالت السنه اللي طافت و قالولي سجليها السنه اليايه و تدش ثانيه روضه على طول وتوني عرفت انه موعد التسجيل طافني

الحين اللي بعرفه شسوي وشنو مفروض يصير بهالمواقف يا بنااااااات بلييييييييز فيدوني بنتي من صج معوره قلبي و اهيا قاعده بالبيت و تشوف اخوها بالمدرسه و اتييني تقولي ماما حتى انا درسيني ابي ادرس :0bee2e8d89:

الله يجزاها الخير يااااااااارب اللي تفيدني بهالموضوع ...​

 

[nero]

في تسجيل متاخر اول السنه اليايه لمدة اسبوع لا يطوووووفج هالمره

 

[اسوووره]

حبيبتي يزاج الله الخير كله عالرد ... ويااااااارب تقدرين تفيديني بالتاريخ و اكون شاكرتلج يا الغاليه ...

 

[طيرشلوا]

ياحياتى شوفى المنطقة التعليمية فية ناس سجلت هناك

واذا ماحصلتى بداية السنة تقريبا اول اسبوعين يفتحون التسجيل

 

[عهود الحب]

انا اقترح عليج تروحين للروضة القريبة وتكلمين المديرة يمكن بيدها شي
ووضحي لها موقفج والي صار العام وشلون ابوكم طوف التسجيل عليكم
يمكن تتعاطف مع حالتكم وبعض المديرات ترى مايخافون ويسوون لج استثناء بامر منها وخلاص
يتبقى لج المستوصف والتطعيمات

اقترح عليج ان مانفعت هالطريقة تراكضين شوي بالمنطقة التعليمية
وتشرحين لهم موقفج
وان استلزم الامر تدشين عالمدير او المراقب
مافي مانع
ترى فيهم خير وبركة
وواجد تمر عليهم حالات خاصة
يكون فيها الابو متعاند مع مرته ومايسجل عياله
او يكون في حالات انفصال وطلاق
ومن هالسوالف
عرفتي


واذا الله تم لج باحد هالطريقتين
لاتنسين تاخذين معاج كل اوراق بنتج
ووزعي صدقة عالفقارى فرحة ببنيتج
وعسى ربي يتمم لج وتسجلينها


وان ماحصل كلش


الله يسلم الحضانات الخاصة
والله كريم
وللعلم في اول السنة الدراسية اسبوع تسجيل
لايطوفج اذا الله ماكتب الحين يمكن تتم بعدين
بس حطي مذكرة بالتلفون عشان تذكرج بالموعد قبل لايفوت
واستفسري عنه بالمنطقة

 

[عبق الورد]

انا اقولج روحي اللحين للمنطقه التعليميه وحاولي تسجلينها
لان للاسف شؤون الطلبه بالروضه داجين مايدرون وين الله قاطهم ..
روحي على الاقل اخذي ورقه من المنطقه عشان اذا بتسجلينها بالروضه وقالولج ممنوع او عندنا نشره طلعي لهم اورقه المنطقه
والله يسر امورج .. انا حاسه بمعاناتج .. لانه صار التسجيل ازمه عندي

 

[اسوووره]

يا حياااااااتي والله يزاكم الله خير يارب وربي يسهل عليكم مثل ما سهلتو علي يارب العالمين ماقصرتو يا قلبي ...

و انشالله باجر راح اروح المنطقه التعليميه و اشوف شقولولي و شوركم و هداية الله و ربي يسهلها يارب ...

ربي يجزاكم الخير كله و ينولكم الي في بالكم ياااااااارب العالمين ...