سالفة خدامتي ....رايكم بنات ؟؟؟

[خبيرة اعشاب]

هاي

تونا نتكلم عن الخدم ...المهم طلعت بوكي و قعدت احسب الفلوس الباقيه لاني توني راده من الجمعيه ..الموهيييييييييييييييم اكتشفت ان في ناقص 5 دنانير

قلت يماااا الخدامه باقتهم ...لان حسبتي جدا صحيحه و ما شرت اي شي ..
جان اعطيها فلوس و قلت روحي الفرع جيبي لي عصير برتقال ..

يوم راحت و انا ادش غرفتها و اسوي عمليه تفتيش ...هههههه
و ادور اغراضها بس ما لقيت ال 5 ..قلت يمكن خاشتها بمكان ثاني ..
الموهيييييييييييم جان اتذكر اني عبيت بنزين ب 5 و سبحان الله طارت عن بالي ...

بس الي صدمني اني يوم قعدت ادور بشنطتها لقيت شباصات بنتي حوالي 5 الى 7 شباصات و سلسله مع علاقها ملوت فله ...صدج شغلات عاديه بس ليش تاخذهم ...؟؟ و خصوصا السلسه مالت فله لاني سالتها عنها و قالت ما ادري ..؟؟ و الشباصات في وحده شاريتها بدينارين و نص على فرو ...

المهم سكتت ...و شربت العصير ابرد على قلبي ..يوم جا زوجي قلت له السالفه قال لي هذولي الخدامات يجمعون الشغيلات هاذي عشان يدونهم على اهلهم...بس ليييش ما لقت الا شباصاتنا ...؟؟
انا الله فكرت اوديها المكتب بس انا بسافر بعد 15 يوم و طلعت لها فيزا للمغرب ...على اساس ابيها وياي ...
يعني هل عادي اغمض عيني على السالفه
و لا اوديها للمكتب
او نسافر و لا ردينا اوديها المكتب او اشلون ؟؟؟؟

رايكم

 

[nero]

على ما تسافرين وتردين الا السالفه بردت
والي يمد ايده على شغله صغيره يمد ايده على شي اكبر
انتي قوليلها اذا محتاجه شي او شفتي شي وتبين مثله قوليلي

والله بنت خالتي كان عندها خدامه تهبل بس قبل ما تسافر قالت خل اشوف شنو بجنطتها والا تلقى بجفسات الهدوم خاشه ذهب بايقته من بنت خالتي
شوفي المكان الي خاشتهم فيه عشان محد يفكر .. والله الخدم يخرعوون
ديري بالج بس لا تنحاش هناك اذا وديتيها المكتب قبل السفر

 

[جروح تبتسم]

رأيي من راي اختي نيرووو...

 

[وسن 11]

والله ما انصحج تودينها المكتب اذا هي زينه وحليوه معاكم وشغلها تسويه علي اكمل وجه ليييييييييييش تسفرينها بس علشان شبصات وشغلات مالها اهميه عندنا ..............
ادري بتقولين اللي يمد ايده علي شي صغير يمد ايده علي شي اكبر ...صح

بس انتي الحين يوم بتردينها المكتب مو راح تجيبين غيرها وشدراج عن الثانيه ماراح تسوي شي اكبر من جذي ............................
امسكي مجنونج لاي يجيج اجن منه
.........

يا بنت الحلال تعوذي من ابليس دامها زينه معاج والخدم مساكين اي شي يشوفونه ودهم ياخذونه حتي لو انه ثوب قديم قاطته بزباله ..........

وبالنهايه حافظي علي شغلاتج الغاليه ولا تخلينها هدد او انج متأمنه لها
انا والله لما اطلع بره غرفه نومي اقفلها بالمفتاح علشان ما اتهمها بشي



ودمتم:eh_s(17):

 

[bnt q8 in usa]

الي تمد ايده علي الصغيره تمد علي الكبيره وهذا رايي قلعيها ولا باجر بتاخذ منج اكبر ماعندج

 

[7abebat elq8]

و الله حبيبتي انا اقول ان لا تسفرينها ححرام بس لنتي شوفي الاشياء لي خذتها و خذيها يوم و قوليلها اليوم باخذج تشترين اغراض لج و لاهلج و دايم عوديها ان بين فترة و فترة تاخذينها تتبضع اشياء رخيصة بس اهي تحس انج مهتمه فيها وما راح تسرق شي ابدا دامها بالاصل شغلها زين

حرام و الله الخدم مساكين و اتذكري دايما انها انسان مثلها مثلج و اهم شي تكون زوينه بشغلها و تعامل اليهال زين

 

[خبيرة اعشاب]

مشكورين بنات على اهتمامكم

خلاص ابطنشها الحين مع اني سالتها اليوم عن الشباصه ام فرو ..اتسوي لي بايدينها جذي يعني ما فهمت ...؟؟

عاد انا حدي منبطه جبدي ما ابي فلبينيه ما ابي فلبينيه ..باجراتقول معاشي 100 دينار

انا ان شاء الله ابوديها المكتب و اقدم علىسيلانيه او نيباليه

 

[hasooosa]

اغلب الخدم يبوقون لا تعورين قلبك معاهم
دوريلي احسن وحدة فيهم ودوري في شنطتها راح تلاقين شي مو لها وحاطته بشنطتها
غصي البصر بس اذا لقيتي شي بجنطتها لج اخذيه وخشيه عنها

 

[@ الرسامة @]

عادي

الخدم اكثرهم جذيه

انا خدامتي تمشي وتلقط باغراض البيت يقول مكنسة كهربائية

بس اعيالي يموتون فيها وهذا اهم شي

انتي نبشي اغراضها من وقت لي وقت بدون لا تحس

واذا لقيتي شي ساليها عنه

واهي بتفهم