سامحيني يا س . س

[بشري العنزي]

أول تعييني كانت عندنا ناظرة :wqedqw:إسمها يبدأ بحف س و ابوها يبدي إسمه بحرف س من كثر ماكنا نحبها و صدقوني نحترمها و نقدرها لكن بينا و بين بعضنا إناديها سوسو إصغار و شباب الله يذكر بالخير يا سوسو كبيرة بالسن لكن قلبها مثل قلب الأم حنونة :klhfl:و نصوحه من حريم أول بالصيف توصي المراسل يجيب لنا رقية من الجمعية كل يوم مثل القطوة إلي توكل عيالها :001:و تعطي فراشة الإدارة الرقية تقصصها مكعبات وتحط الشوك و توزعها علي كل قسم إتبرد قلبنا الله يبرد قلبها أول شئ كنا نضحك :krkrkr:لما نشوف الرقية و نقول ما في بعد عيش و مرق و خضرا و دقوس بوديج يليت إتغدينا بعد سامحيني :aha: يا سوسو هذة وحدة من ذكراج الحلو إلي ما عرفت قيمتها لما كبرت وتذكرتج اليوم يوم شفت اسمك علي المسجد
ما شفتي مديرات اليوم :lkmnkl:_03BA: تتحسفين تعطينهم :eh_s(17):لكن انت عطيتينا قلبج

 

[قهوه وشاهي]

راحوا الطيبيبن ,,,,,

 

[Om zayd]

عورتي قلبي

 

[نسمه روحى]

ضع الخير ولو فى غير موضعه فلا يضيع جميل اينما كان
بمعنى ان الخير يبقى لالانسان ولو بعد موته

 

[جيتك تعال]

هذي الذكرى الطيبة ... مثل البخور الطيب الي ينتشر ويعطر المكان

وابدا ما تنسين عبقه لو مرت السنوات تذكرينه

عزيزتي أثر كلامج فينا واايد ... واذكريها داايم لانها شخصية طيبة والله سبحانه راضي عنها

بدليل انج للحين تذكرينها

 

[Gifts&Occaions]

الناس الطيبين ذكراهم طيبة ماتنسي

 

[ReD&FoSHia]

الله يوفقها وين ماتروح

 

[بنات حواء2]

هذا الانسان الطيب و الي يكون من داخله نظيف الله يذكرها بالخير

 

[بشري العنزي]

اشحال لو شايفين الموقف بعينكم ....مشاعركم غالية عندي حبايب قلبي و احساسكم الصادق ما في احلي من كلمة ... شكرا علي تعليقاتكم

 

[@الليدي لين@]

يا حلوووها والله نادرين اللي مثلها

الله يوفقها

 

[katalee]

بشرى طرشيلي اسمها بالخاص انا بالجهرا ونفسي,,اعرفها

 

[أبله أريج]

ماشاء لله

 

[بشري العنزي]

حياتي إنت لما قررت أسجل بالمنتدي و أكتب حطيت إسمي الصجي ما حطيت رمز لأني مؤمنة بحرية الرأي بس عاهدة نفسي أكتب كل شئ صارلي خلال 16 سنة خبرة بس ما حط أسامي الناس سامحيني يا قلبي ما أقدر مو خوف إحترام

 

[katalee]

تسلمين بشرى
تعرفين الناظرة فوزية الصالح؟ بما نك خبرة

 

[Om zayd]

اي والله راحواا الطيبين

 

[طموحه بزياده]

الله يرحمها



صراحه سالفتج مؤثره حيل قصه الرقيه مضحكه ومبكيه

 

[هجوره 2009]

راحو الطيبين

 

[بنت حمايل 2]

مرة ثانية
راحوا الطيبين

 

[∫ ∫ ∫ ∫ جــوان ∫ ∫ ∫ ∫]

الله يرحمها

شوفى اهى سوت الطيب ولما راحت تم طيبها والناس تذكرها بالخير

بس ياليت الباقى يتعضون الى ودهم يقطعون المدرسه باسنانهم جنها انسان الى مو ادميه ولا جنهم بيوم كانو مدرسات

مايدرون ان كل شى فانى بهالدنيا

 

[أحلى البشر]

الله يرحمها ويتغمد روحها الجنه
شكثر تعور قلبي كلمة راحوا الطيبين امهاتنا وابهاتنا وجدانا اطيب من قلوبهم وارحم واحن منهم مافي
احنا بزمن لاتامنين فيه لازوج ولاعيال ورفيجه الله يرحم حالنا