سامعه سالفه قديمه؟في سالفه ودج تعرفين عنها وناسيتها؟دشوو بناات

[HeR HiGHNeSs 90]

مرحباا بناااااااات


:gathering::gathering::gathering:





انا شفت موضوع سالفه غبار واطلعت سوالف من العضوات ف حبيت اسوي موضوع
كل الي بخاطركم قولوووه قصص تخرع وسوالف ناس سااالفه قدييييمه سمعتي عنهاا غريبه او تخرع او تثير فضولج
حطي سالفتج وسالي عن الي تبين تعرفينه :ggdw: يلاا بنااااااااااات



بحطلكم بعض السوالف كمثال
مثل ينية الخط السريع
او وحش الروضه
المؤذن الي ذبحته زوجته بالسالميه
البيت المسكون بالسالميه
زوج وزوجته الي كانو يصورون علاقتهم على اشرطه فيديو وانفضحو عقب الغزو بسبة رفيجه

اي شييي اي شيي تعرفونه اي سالفه تخرع الناس تحجو فيها اي شيي قولوووه خنقضي العطله سوالف بدال الملل الي احنا فيه :dddds: وهم بعد نعرف عن ماضي الكويت والاحداث الي صاارت اذا شفت تفاعل انا بقوولكم سوااالف واااااااااااايد ​

 

[نيــلــوفــر]

تصدقين ما اعرف ولا قصة من اللي قايلتهم

متابعه .. اموت على هالموااااضيع لوول

 

[HeR HiGHNeSs 90]

لوووول ايي انا بعد عشان جذي فتحت الموضوع p;

 

[yam_yam]

هههههههههههههههههههههههه

لا و الله ماسمعتهم بس متابعتج لا تذكرت شي بقولج

 

[HeR HiGHNeSs 90]

تدرون مره سمعت لقاء مع باسمه حماده تقول اثناء تصوير مسرحيه مع عبدالعزيز المسلم كانو مادري باي مسرح يمكن كيفان
تقول كانو اثناء البروفات يسمعون اصوات كان المسرح مسكووون

 

[yassoo]

شوقتيني عاد انا احب هالسوالف
حلوة فكرة الموضوع
لو تدكرت شي راح اقولكم ....

 

[إستبرق*]

انا انا عندي سااالفه هههههههههه

لاصج ليش دائماً يقولون للبنت اللي مو متزوجه

قرصي او حكي ساقج بساق اللي المخطوبه علشان تنخطبين

وااااي خرفاااااات لانه مره ولد خالي تزوج وحده مانعرفها غريبه

المهم جان تدخل عمتها علينا جان تقول يالله يالله يابنات اللي مو مخطوبه

تقووم تفرك ساقها بساق فلانه <المخطوبه >طبعاً تقول قبل كنا نسوي جذي

والله كنت بقوووم ههههههههههههههه بس استحيت

ولا قاعده تخز تقول اشوف ولا وحده قامت جان تقول بنت عمي لا خاله تو الناس علينا

ههههههههههههههههههههههه وهي ميته على الزوااج واالحين هي متزوجه بس اكيد

حكت ساقها بساق مرت ولد خالي بس حسافه ماسالتها نسيت لووووووووووووول

شرايكم بالخرفااااات مرت عليكم من قبل

 

[khadooj]

لووووووووووووووووووووووول

 

[HeR HiGHNeSs 90]

هناويي ايييييييي انا اختي لمن تزوجت تقولها باستقبالج لازم البنات المومتزوجات يقرصونج على ريلج مادري ركبج لوووووووووووووول
خرافااااات

 

[HeR HiGHNeSs 90]

بناااااااااااااات يلا صار نص الليييل وبنص الليل السوالف تحلى

عصروو مخكم قولو اي شي سالفه خرافه الي تبووون

 

[إستبرق*]

خراافات الناس ماتخلص

هههههههههههههههههههه

 

[شـ ShOoNa ـونـا]

ل ووووووووووووووووووووووووووو ل

سـالفة يــنيــة الخط الســريع سمعتها من المدرســات ..

يقــوولج هــذا ريــال كــان يلبـس عبــاايه و يوقف النــاس على ابــو يخرعهم يــعني هههههههههههههههههه

و وحــش الروضـه يقوولون هذا وااحد كــان يدش بيــوت بالروضـه بليل و يعتدي على الحـريــم .


على طااري بيــوت مســكونه .. احنـا مدرستنــا مســكونــه و تخــرع

جم مــره سمعت أصوات و على اخر الســنه قاعدين ينـحشوونا من المدرسـه يبونـا نطلع تخيـلوا يطققون على البــيــبان و يفتحونها
واااي اشووه ان مدرستــنـا ازااله خـلاص .

 

[HeR HiGHNeSs 90]

يمااااااااااا عاد انا احس كل المدارس مسكونه لوووول والله ماكنت اقعد بصف بروحي اخااااااااف احس الادراج تتحرك

على طاري المدارس خل اقولكم سالفه صارتلي انا ورفيجتي
كنا بوقت الفرصه طالعين وله نشوف مره لابسه عبايه وحجاب ابيض بس ويهها يخرع لونه رمادي جنها مييته ولابسه نظاره شمسيه المهم احنا نشوفها واقفه بنص الساحه والبنات يمرون يمها مايشوفونها يعني جنها موموجوده المهم مرت رفيجتنا الثالثه جان نقولها تشوفينهااا؟؟ تقول منووو
انقولها هااذي هاذيي تقول شفيكم ينيتو؟
وبعدين وين مانروح نلاقيها جدامنا صج متنا من الخرعه لمن راحت بس

 

[Anastasia]

امبييي ..
.
موزوع غريبن عجيبن يثير المخاوف الانسانية
.
حبوبة قوليلنا السوالف اللي قلتيهم ببداية الموضوع .. اقصد انتي قايلتهم كعناوين بس رؤوس اقلام .. قوليلنا بالتفصيل ..
.
وسالفة الريال ومرته .. شلون وشحقة وليش !!! وشكو رفيجه شسوا وماسوا !

 

[HeR HiGHNeSs 90]

انااا مو كلهم اعرف شسالفتهم
بس الريال ومرته يقولوون انه كان يحب يصور مرته وقت الهاذا
وكان يخش الاشرطه بالتجوري وقت الغزو كان خايف لا العراقيين يبطلون التجوري ويشوفون الاشرطه
عاد قال حق رفيج عمره انه في اشرطه عائليه بالتجوري ابيك تيبلي ياهم
عاد رفيييجه خون فيه وشاف الاشرطه وفضحهم
عاد اهما من عاايله معروووووفه
عاد يقولون المره للحين بلندن مادري ردت الكويت قبل جم سنه
والريال صب قاز على رفيجه بغا يحرقه مادري حرقه
هاذا الي اعرفه الي تبي تصلحلي بليز تقول السالفه

 

[HeR HiGHNeSs 90]

بنااات تدرون ليش يسمون منطقة المهبوله بهل اسم

لانه كان في مره مينونه تخرع الاوادم تسكن هناااك

 

[إستبرق*]

يماااا شنو يني اعوذ بالله من الشيطان الرجيم

الله يعينج شلون كنتي تدرسين فيها

بنااات تدرون ليش يسمون منطقة المهبوله بهل اسم

لانه كان في مره مينونه تخرع الاوادم تسكن هناااك

توني ادري:eh_s(6):

 

[قهوة عربية]

سمعوا هالسالفة ....والظاهر أغلبكم صغار مالحقتوا عليها

مرة أنا وأخوي كنا نلعب بالبيت لعبة ماأدري شيسمونها بالكويت

هي عبارة عن خمس صخرات صغيرة كل صخرة أكبر من حجم طعامة التمر ....وتحطين بايدج صخرة وحدة وتحذفينها فوق وبسرعة تحاولين تلقطين صخرة ثانية من الأرض قبل لاتطيح الصخرة اللي فوق >>>>> فهموتا شي ....!!!!!

والمرحلة الثانية تحاولين تلقطين صخرتين ....

والمرحلة الثالثة تحاولين تلقطين ثلاث صخرات ....ليما تخلصين كل الصخرات الصغار

لما كنا ندرس بمصر ونلعب هالعبة بالمدرسة الداخلية >>>>> انفضحنا ...ترا طفولتي كلها بمصر وبالداخلية بعد

كانوا الفراشات يشوفونا نلعبها احنا اليهال ...يصرخون علينا لاتلعبون هاللعبة تييب الفقر !!واحنا نضحك عليهم

المهم ماأطول عليكم ....وقتها كنا بالصيف وبدأت العطلة ....طبعا بالكويت

قعدت أنا وأخوي نلعبها ...جان أذكر أخوي وأقوله ...تذكر بالداخلية يوم يقول لنا الفراشات لاتلعبون هاللعبة تيييييييب الفقر ...يقول ايه ....مالت عليهم سليمة صكتهم شهالخرافات !!!!


والله يابنات ماكملنا حجوتنا إلا ...............


7
7
7
7
7
7
7






طفت الكهرباء بالبيت كله ....!!!!!!!

يوم طلعنا بره السكة ...بنشوف بيتنا بس اللي طفت فيه الكهربا وإلا كل الفريج

طلعت الشامية كلها طافية ......!!!!!!!

بعدين عرفنا الخبر ........الكويت كلها طفت فيها الكهرباء !!!!!!!!!!!!!!!!!!!!!!!!!!!!!!!!!!!!!!!!!!

هذه كانت بآخر السبعينات ....بداية الثمانينات يمكن .......!!!!!!

يوم احترقت 3 أو 4 محطات الكهرباء بالكويت ....وقعدت الكويت بدون كهرباء تقريبا سنة ....كل شوي يفتحون الكهرباء على مناطق معينة بالدور .....ليما اشتروا محطات يديدة !!!!


يعني احنا السبب في قطع الكهرباء على الكويت كلها خخخخخخخخخخخخخخخخخخخخخخخخخ

 

[سبائك]

لوووووووووووووووووووول قهاوي اثرج انتي السبب لا يدرون عنج الحكومه هههههههههههههههه

يا معودة لا تلعبونها بهالصيف القيض مووووووت حر مو وقته تطفى الكهربا خخخخ:ggdw:
لا لا هاللعبه((اسمها مقصي اذا ماني غلطانه)) عادي كله نلعبها واحنا صغار ما طفت علينا الكهربا هههههههههههههه

 

[إستبرق*]

اييييي قهوه عرفت اللعبه كانا نلعبها قبل لوووووول

بس الحمدلله مااصارلنا شي بس اللي ايمانه قوي ماتهمه الخرافات

ولا يوسوس فيها والحمدلله ماحد يلعبها الحين