لذيذه بشكل مو طبيعي
واذا ادمنتوها انا مو شغلي
تبون الطريقه
حياكم
المكونات :
* صحن صدر دياي
* بصله مفرومه
* طماطه مفرومه
* فصه ثوم صغيره مهروسه
* علبه روب
* عصير ليمونه
* فلفل اسود _ لومي ناعم _ كمون _ ملح
* رشه اوريغانو
الطريقه :
* نغسل الدياي ونقطعه شرايح ضعيفه
* نصب عليه الليمون وشويه ملح وفلفل اسود
* نحط بالجدر شويه زيت زيتون ونحط البصل لين يذوب شوي بدون ما يتحمر
* نحط الدياي فوقه وخليه يستوي بعد بدون ما يتحمر
* ونضيف الطماط
* والبهارات و الملح والاوريغانو
* آخر شي نضيف الروب ونخليه لين ينشف الروب
ويصير بهالطريقه
ندهن التوست بالمايونيز العادي او اللي بالفلفل
ونحشي التوست الدجاج ونحط فوقه شرايح طماط ومخلل وفلفل مخلل
ونحط بالشوايه
واذا ما تبون تحطونه بالشوايه
حشو الدجاج بالصمون... انا من فتره كنت شاريه صمون من bread talk
و طلع لذيذ
نفس هذا
ها اشرايكم .. عشا خفيف ولذيذ وعيالي يحبونه
بالعافيه مقدما
:bye22::bye22:
التعديل الأخير:
