سبحانك ربي مااعدلك هذي حوبه البنات

[mouzza]

عارفه انا دايم اتشكى هني

بس موضوعي هذا اتمنى ينشره كل من يقراه <<صدقيني بتسوين خير لو نشرتيه
انا غلطت ومعترفه بذنبي بس مو غلطه كبيره لا

انسان لعب علي بوقت كنت محتاجه احد معاي وتركني لي الحين بكل لحظه افكر فيه مع العلم انا تركته لاني كنت عارفه النهايه تركته وقلبي متقطع وليلحين ماغاب عن بالي لحظه لاني طيبه واشوف الناس كلهم مثلي

انا مادري شاللي غيرني انا كنت وحده اصلي الليل واقرا قران والله اني اكتب وقلبي متقطع وابجي

الكل كان يضرب المثل فيني بالدين لكن هذي حوبه البنات اللي كان يقص عليهم اخوي ويتركهم اذكر اخر وحده دش علي وكلمني يقول شلون اقنعها اني بتركها قاعده تبجي وتترجاني تقول ماقدر اعيش من دونك

ماكان يدري اني بيوم من الايام بصير مثل هالبنت الي تبجي ع فراقه

انا مابي كلام جارح انا تعبانه من الدنيا انا ابي اموت ارتاح


حرام عليكم مثل ماتطقون البنات وتحرمونهم طقو عيالكم الصبيان ولايلعبون ببنات الناس حسبي الله ونعم الوكيل ع كل ام واب يدرون ان ولدهم يخربط ويكلم بنات وساكتين له

صدقوني بتصير في بناتكم ولو كانو داعيات

انا مابي ردود ابي الكل ينشر موضوعي

 

[Reham 84]

الله يعين

 

[جلكسيه اس 3]

حبيبتي كلنا غلطنا و صدقيني ماكو احد معصووم عن الغلط و حتى لو انه غلط او كبيره من الكبائر الله سبحانه و تعالى
يسامح لاكن الي ما يسامح او نا يغفر ذنوبه او الكافر او الي يرتد عن الاسلام
و سالفتج مو غريبه مريت فيها و سبحان الله كنت اقول فقلبي اشلون يكلم بنات الناس و ينسا خواته
بس مو حلوه انج تدعين عليهم قولي الله يهديهم بس
انا دايما انصدم من تفكير اهلنا عادي الولد يسوي كل شي اما البنت لا
وانا دايما من داخل قلبي اقول نفس العقاب بنتعاقب مافبه ريال ما راح يتعاقب عشان اهوا ريال
لاكن مانقدر انغير تفكيرهم. الي علينا انه ندعي الله يهديهم. و قولي الحمدلله هذا بلاء من الله و توبي له

 

[لمى الهاجري]

الله كريم

 

[بطوووطة$بيضة]

الله يستر علينا وعلى بنات المسلمين

 

[الهنوؤوفـ]

خلاااااااص اختي اللي صار صار وحاولي تنسي

تقربي من ربج قد ما تقدرين هذا ابتلاء من الله..........ان الله اذا احب قوما ابتلاهم

ادعي ان الله يهدي اهلج ويقربهم لج

اختي دامج عرفتي انج غلطانة خلاص انتبهي ترى ربج نبهج ولا تتمادي فالطريق الخطأ

عسى هاي الغلطة تكون فاتحة خير............ما تدري اختي..........((وعسى ان تكرهوا شيئا وهو خيرا لكم))

صدق ان من ضحك على بنات الناس ربي يبتليه فاهله

صلي القيام واندعي عشان ترتاحي

لا اله الا الله محمد رسول الله

 

[HaAaDoOol]

الله كريم ..~

 

[دلوعة أبوهآ]

آلله يستر ع بنآت آلنآس

 

[ترانيم القصيم]

صح كلامك كل الناس معرّضين للفتنة و الفساد حتى لو كانوا مطاوعة و دعاة إلى الله

فلازم الواحد يبتعد عن مواطن الفتنة و يأخذ بأسباب الحماية حتّى ما يطيح بالغلط !

و أيضًا نقطة أحب أضيفها على كلامك ,, الشمااااتة يا بنات الشماااتة ديرن بالكن منها ,, لا تتشمّتون بأي أحد ,,

إذا شفتن إنسان مُبتلى في بدنه أو أخلاقه أو ماله أو عرضه رددوا الدعاء التالي :

الحمد لله الذي عافانا مما ابتلاهـ و فضّلنا على كثيرٍ من الخلق تفضيلاً ,,

بارك الله فيكن ,,

 

[توكلت على الله 22]

آلله يستر ع بنآت آلنآس​

 

[عادت ذكرياتي]

الله يستر عالجميع ....

 

[!! دلوعته !!]

اب اب

 

[AL-DMERA]

كما تدين تدان صح هالكلام ,,
والله يستر على بنآت المسلمين يارب ,,

 

[αησмα]

لا حول ولا قوة الا بالله

الله يمسح على قلبج

 

[عسل سل]

شكوووو حوبة البنات الي يكلمهم اخوج انتي ماتشمتي بالبنات عشان تصير حوبتهم عليج هالشي ماله شغل بالموضووع
تصير باحسن العوايل على قولتهم انا قبل كنت نفسج وتنااسيت ليين نسيت مع الوقت لا تذكرين محاسنه تذكري داايم عيوبه


والله لو بغيتي تنسينه والله تنسينه بس انتي قاعده تسوين طريقه معينه مثال((لو تبين تدشين امتحان وتقعدين كل شوي تراجعين المعلومات كل مانسيتي كلمه رديتي بطلتي الكتاب عشان تذكرين نفسج وتتذكرينها وماتنسينها ))جذي قاعده تسوييين
لاتفكرين وتجلدين نفسج بنفسج انتي الي ماكلتها انتي دااشه اهني تبين حل البنات مايقدرون ينسوونج الا اذا انتي نسيتي نفسج محد راح يمسك الخيزرانه عليج هالشي من داخلج انتي ارحمي نفسج وتناسي ومع الوقت تنسين نهااءيا

 

[عسل سل]

نسيت اقولج شي استنتجته من كلامج انتي شكلج تاثرتي بسالفه ان وحده تبجي عشان اخوج ف عجبتج الحبكه والسالفه وطبقتيها على نفسج وعلى بالج هذي حوبتهم فكري بكلامي عدل

 

[ToOoF]

أنا بفهم الأهل يعتقدون أنه الولد مايب الفشله ةالفضايح حق أهله يمكن توهقه بشعله شدعوه بس البنت الي ينخاف منها من هالطريج بس مو بس البنت الي تيب المشاكل حتا الولد خاصه أذا شاف نفسه غير عن البنت والله يوفقج حبيبتي

 

[ربي رجوتك]

ربك يحب التوابين المستغفرين واحمدي ربك انها جات على المكالمات شوفي هذا القسم ومشاكل لبنات اللى تشيب الشعر واحمدي بك , والله يهديك ويثبتك

 

[فطوم 84]

اكيد حبيبتي اللي يلعب ببنات الناس ينلعب باهله ليش البنات تتوقعون مالهم حووبه كل بنت يضحك عليها اذا تدعي عليه بتقوله تشوفها بخواتك ((من زنا يزني. به. ولو بجدارن. داره)))تزني ببنات الناس يرد لك بخواتك )))حتي في قصص كثيره بالاسلام توضح انه اللي يلعب ويزني ترجع له بالدنيا هذا شي معروف في حديث للنبي عليه الصلاة والسلام انه جا شاب وكان. يطلب انه يزني وويوضح للنبي انه يبي يقوم هالمعصيه اللي من الكباير فقال عليه الصلاة والسلام اترضاه لاختك اوخالتك اوعمتك فقال الشاب لا وانه الشاب كره هالشي وندم لانه النبي عليه الصلاة والسلام وضحله اللي ماترضاه لاهلك لاترضاه للغير صدقوني اي شاب يلعب ينلعب باهله واللهم استرنا فوق الارض وتحت الارض ويوم العرض وابدي يااختي صفحه يديده وتوبي وانسيه واعتبري ماضي ومات هالماضي من ترك شييا لله عوضه الله خيرا منه وتذكري انه وراج موت وقبر وخلي بقلبج الله وطاعته وبس

 

[ديمــــــــــه]

لاحول ولا قوة الا بالله
اللهم انا استودعناك عقول وقلوب ابنائنا ان لايسكنها الا انت
الله يفرج همك يارب ويهديك ويرضى عليك