سبعين الزوجية منو يستحقها..انتي او زوجك؟

[^^السندريلا^^]

مرحبا ..
حبيت اناقش موضوع انا وياكم انطرح الايام الي فاتت..وهو السبعين حقت الزوجية..منو المفروض تنزل بحسابه..بحساب الزوجه او الزوج؟؟
انا بالنسبه لي بحساب الزوجه..لان ازواج الوقت هذا مومتكفلين بشي المره هي الي كل شي تسويها تسوق لنفسها وللبيتها ولعيالها..مايسوا عليها الوظيفه ..واذا جا اخر الشهر وفلست وطلبت من زوجها شي قال ماعندي شي...مادري شيسوي بفلوس الزوجيه وفلوس عيالها..انتو شرايكم؟؟

 

[أم سعودي71]

عقبالنا ف عمان سبعين الزوجية

 

[أبله^زوزو]

والله حبيبتي على حسب ..

في ازواج حريمهم مايشتغلون او طالبات يتروالي اوهو الاولى فيها لان كل الصرف عليه ..

اما اذا كانت موظفه فالريال يفترض ماياخذ منها شي الا برضاها وال70 ايضا من حقه لان لاتنسين الصرف كله عليه ..
ويفترض المره ماتعود ريلها انها تصرف على البيت شرعا اوهو المسؤوول فماله داعي يحط عينه على معاشها ..

ولاتنسين هالسبعين في زمن غلاء الاسعار لاتغني ولاتسمن من جووع
فحلاله

 

[تكووه]

استغفر الله ياربي شهالموضوع

اساسا المره ماتعطي الريال ويه ومحد قالها تسوي كل شي بروحها اهو الملزوم ماغصبها تقط معاه واللي يغصب المره مو ريال اسمحولي

اول مره ادري انه الزوجيه 70 وعليه على الريال يقط سبعينات فوق هال70 عالمره وانتوا حاطين عليه

مادري شنو هذا بصراحه يعني مو معقوله اكو ريال يعطي مرته اقل من هالمصرف اساسا الا اذا كان عوبه هذا غير الاجار ومصروف اليهال والماجلة

 

[نور 55]

حبيبنى نكووه اذا انتى ريلك مو مقصر معاج احمدى ربج واشكريه\ فى حريم مايعلم فيهم غير رب العالمين ما تشوف فلس حمر من ريايلهم شتحجين تقولين عوبه لا والله العوبه اهى اللى اطلع حقها وزياده والا المسيكبنه على الله وعلى معاشها تصرف على البيت والعيال تقولين مو ملزومه ليش اذا السى السيد مايعطى من نفسه ان شاءالله كل ساعه بتقوله عطنى \فى ريايل الله يسامحهم ويهديهم متكلين على المره بكل شى ل بصغيره وكبيره

[/url][/IMG]

 

[^^السندريلا^^]

برد على الي مو عاجبهم الموضوع..
السبعين مو من حقه..لانه لو مطلق ما اخذها..99%من الرجال الحين مايدرون عن حريمهم..واعرف اكثر من وحده عايشه عيشه فقر وزوجها بخير ونعمه وحارمها حتى العشر دنانير..اذا انتوا بخير وتشوفون السبعين شويه فيه غيركم بتمنه العشره دنانير..واذا على صرفه في البيت فيه شي اسمه 120 دينار غلاء معيشي يصرف على بيته منها..والا ماحلت بعينه الا السبعين..بالنسبه لي الحمدلله موظفه وراتبي مكفيني وزايد ..بس الموضوع نقاش فيه الحريم الي مومتوظفات ومو ماخذين حقوقهم الماديه ومحرومين من فلوس الزوجيه.