سبني سبني سب ..

[londoOn]

انا بفترة ملجة وكنت احبه واكلمه سنة ونص قبل الملجه


بس أحس أني طايحه من عينه مادري أمس حسيت بهالشي صار خلاف ع موضوع وانا قمت أستفزه بس

قلتله أشوف الزباله أنته جي

شوي ويسمعني كلااااااااااام فـ حياتي ما سمعته سب وصخ وصخ وانا زين يوم اني خذتج حسيت أني ولاشي أحس بالاهانه والله قلبي يعورني والله رقدت وانا ميته من الصياح الصبح عيوني منفخه خلاص كرهت كل الرياييل وكل الناس محد يتساهل فهالدنيا .

بعد الكلام اللي سمعني أحس ما اقدر اكمل معني أحبه بس قلبي مطعون

ولا راضاني ولا شي معنى مسافره و طرشت له مسج هالكلام كبير ما ينقال

هالسالفه امس بليل

ونحن ع طول بينه خلاف وكل مره انا ارد له عادي ونرجع احسن من اول بس ولا مره وصل الوضع لهدرجه من السب اخخ والله كلام قوي قوي ما تتخيلونه من غير قالي اشيا انا سويتها قبل ملجه عشانه تخيلو يعايرني فيها ترا انا ليش سويت هالاشيا لاني أحبه .

اخ ياقلبي

انا خايفه اطلب الطلاق لأني أحبه واخاف احن له

ونفس الوقت انا اهلي مدلعيني مب متعوده إي ها ويكلمني بهالشكل

مرات افكر ما بي اعيش حياتي ويا شخص ما يحترمني والحب مب كل شي

بس احن له لأنه اول حب فـ حياتي

وبكره هو مسافر أهئ تخيلو يسافر بدون ما يكلمني

وايد قلبي محترق t_t

 

[Mrs_Orchidia]

ليش تسبين الريال الله يهديج؟؟ مو عيب عليج؟


و انتي معترفة انج استفزيتيه بعد؟ و ما تبينه يقول لج شي؟



اسمحيلي حبيبتي الريال اذا عصب ما يحس بنفسه صدقيني .. خاصة اذا صار شي يمس الكرامة .. انتي مو بس اهنتيه . انتي مسحتي فيه الارض

هذا زوجج ابو عيالج مستقبلا تقولين له انت زبالة .. غلطانه حجيه!!!!



حمدي ربج السالفة وصلت لي السب .. ناس بغلطات اقل توصل لي الطلاق ..!!

 

[الجــادل]

رد : سبني سبني سب ..

احقريه لين يتسنع

 

[عطـر الكويـت]

رد : سبني سبني سب ..

الله يهداج بس هذا وانتي تحبينه تقولين له زباله!!!!
وعلي فكره قلبي اللي تقولين له ان زباله هذا اختيارج يعني العن والعن هنتي نفسج قبل لا تهينينه
وفوق هذا تعتنرفين انج استفزتيه << تحملي عيل
خلاصه الحجي تبين تهنين الناس وبنفس الوقت يحترمونج ولا شنوو من زوجي !

لاتزعلين من كلامي يمكن زودتها شوي بس فكري بعقل ومثل ماهنت عليج نفسج وانتي مره فما بالج اهوو الرجال منهان ومن مره

خلي الوضع شوي يطخ وتركيه يومين شوي مع مسج حلووو اعتذار لان الي يعترف بالغلط يكبر بعين اللي جدامه وهذا زوجج

والله يصلح بينكم ويهدي سركم

 

[.،:"$الـعـوبــــة$":،.]

أنتي قايلتله زبالة ؟؟؟؟!!!!!!!!!؟؟؟؟؟؟؟؟؟!!!!!:eh_s(10):
وبعد زعلانة لأنه رد عليك وزفك !؟؟!؟!؟؟؟!؟؟!​

 

[ابـيـض واسـود]

أمـرج غـريـب

تـقـولـين لـه زبـااله تـبينـه يـضـحـك لج مـثـلاً

رجـال بـطـولـه وعـرضه تـشبـهـينه بـزبـااله ؟

شـي اكـيد مـب يـرضى ولا تـزعـلين مـن كـلاامه انتـي الـي بـديتي

والله يـهـديـكم حـق بـعـض ​

 

[~*~الملكة~*~]

حدج قويه سابه الريال وقايلتله زباله !!!!!!!

وزعلانه بعد

ترا المفروض انتي ادورين رضاه مو اهو

وهذي ردة فعل طبيعية منه انه يسبج

 

[مشموشته]

انتي استفزيتيه .................... عادي عمري انا ما بقى كلمه ريلي ما قالها الي يشفعله عارفه انه عصبي و عارفه الي بقلبه صوبي

شيلي سالفه الطلاق من بالج توكم باول الطريق

اخذي على خاطرج لين يكلمج قوليله زعلانه من كلامك و انشاء الله بيبررلج

 

[3emya_Berry]

انا لو اقول حق رييلي زباله يطلقني وياخذ عيالي ويرفسني برا البيت بعد الله يهديج هذي كلمه تنقال حق ريال الله يعينج على روحج مو على بو مدلعه تسبين وما ترضين تنسبين

 

[غلاي عزوزي]

انتي غلطانه مهما يكون جرحتيه دزيله مسج تأسفي وقوليله مرات اتكرر هالسالفه وينقطع الساني اذا جرحت بنص كلمة مره ثانية

 

[غلاي عزوزي]

الملكه شهالمزيون الي حاطه صورته ------------------------- داشه عرض هههههههههههههههههه

 

[نوور]

انتي اللي بديتي ومتوقعة انه مايرد عليج بأسوء من كلامج ؟؟!
مثل ما كرامتج عزيزة عليج هو بعد عنده كرامة
سمعي الكلام انقال بوقت عصبية ونرفزة واكيد قالها نكاية فيج
نصيحتي لج انطري عليه خلي السالفة تبرد واذا ما تحسنت الامور خل احد من اهلج تكونين واثقة منه يصلح الامور بينكم
الله يوفقج ويهديه لج

 

[al-musk]

أساس علاقتكم كله غلط والإحترام واجب بكل علاقة طبيعية ولا تفقد جمالها ..انتي الوحيدةا لي تقدرين تقررين انج تقدرين تكملين حياتج وتعيشينها مع واحد يحبج بس مايحترمج وطايحة من عينه..( طبعا هالكلام بغض النظر انج غلطانة بس هم قلتي انه يعايرج وهالشي يهدم اي أساس)

 

[eman84]

ليش تغلطين على الريال

تحملي اللي ياج

 

[عيش و مرق]

قايله حق الريال زباله


؟؟؟؟؟؟؟؟؟؟؟!!!!!!!!!!!

صج لى قالو الحريم ماينعطون ويهه ؟؟///////

 

[lailosh]

زوجج وتقولين له زباله

شخليتي حق الغريب ؟

 

[بنت عطا]

انتي اللي بديتي

تحملي المفروض انتي تعتذرين

المهم اللي هذا اوله ينعاف تاليه

 

[cat^q8]

حدج قوية

 

[ســكره ورديه]

ستووووووووووووووووب طيب ليش مالها هي عذر

مو قارين اش كاتبه تقول جالس يعايرها بأشياء سوته له ايام الملكه >>وهي زووووجته مو خطبه
الحين غلط وسب وعااااير اش خلا بالله

المفروووض هو اللي يكون عاقل ولازم اموووره البنت عاطفيه وهي اذا عصبت يطلع منها كلام مو قاصدته

وفوق كذا تطلع هي غلطانه

حبيبتي خليه لحد مايرجع ويتعدل مااقول تطلقووو لا

بس حسسيه انه غلط بذات بشغلت المعايره خليه يفهم ان من حبك له تسوين المستحيل مو شغله عاديه وماله حق اصلا يعيايرك لانه زوجك ولانك حلاله

مع احترامي اللي يسوي زي كذا مو رجال اللي يعاير زوجته بأشياء هي سوتها وهي على ذمته وربي مو رجال خليه يثمن الكلام اللي قاله
خليه يقدرك وبعد انتي اعتذري قولي غلط بس مااتوقع ان كلمتي مقارنه بسبك لي وبس

 

[Dreams Of a girL]

أساس علاقتكم كله غلط والإحترام واجب بكل علاقة طبيعية ولا تفقد جمالها ..انتي الوحيدةا لي تقدرين تقررين انج تقدرين تكملين حياتج وتعيشينها مع واحد يحبج بس مايحترمج وطايحة من عينه..( طبعا هالكلام بغض النظر انج غلطانة بس هم قلتي انه يعايرج وهالشي يهدم اي أساس)

عجبني ردج
وانا اقول كلامها كله صحيح