ستاربكسات .. StaRbuXaT !! .. الـQ8 ! ..

[يآملحيّ]

السلام عليكم ..

هذا أول موضوع لي بهالقسم و أتمنى تتقبلوني ..

الموضوع صج ان غريب لكن الصراحة اهم شريحة كبيرة من الكويتيين الي يتكلمون عنه .. الموضوع هو عن كافيه أو مقهى Starbucks المتواجد بكثرة بالكويت .. لا يخفى عليكم ان الكل ( تقريبا ) احب هالمقهى أولا لكثرة وجوده في الكويت و لأكلاته و قهوته الرائعة و الخدمة السريعة الغريبة ! ..

بنتكلم انا عن التساربكسات المتواجدة بالكويت و شنو الي يحصل فيها .. و هذا من خبرتنا البسيطة و شنو شفنه لما تواجدنا هناك .. و سامحونا عاللغة العامية ..

نبدأ بـ Starbucks Marina ..

ستاربكس مارينا المتواجد في وسط الساحة في مجمع المارينا بالسالمية عالبحر .. من أكثر الستاربكسات ازدحاما و صعبة تلاقي مكان .. ما أروحله وايد كوني ما أروح لمارينا بهالكثرة .. لكن كل ما أروح هالمجمع لازم أروحله لأن متواجد بوسط الخبصة و تحس انك في قلب الحدث و تتطمش كأنك بسينما ..

الطابور الي فيه الله لا يوريكم شلون قايل .. طوييل الى درجة ان الواحد امل وهوا ناطر دوره .. واذا نطر اكون ناطره طابور أطول اكون في استلام الطلب .. ! صج ان الحصول على مكان و طلب صعب .. لكن القعدة فيه ممتعى لأبعد درجة .. !!

5\10 ..

Starbucks Marina Crecent ..

ستاربكس مارينا كرسنت اهو بنفس المجمع لكن بالجهة المقابلة .. هادي جدا جدا .. و أحلا مافيه سرعة الخدمة .. اعيبه ان بعيد عن الخبصه لكن في ناس اتحب هالخاصية ! ..

ما أروحله الى مره بالشهر .. لكن قعدته الصبح من أحلا ما يمكن .. و عالبحر و مجابل الناس و طماشه علي رايح والياي ..

! متعة عند البعض ..

..

3\10 ..

Starbucks العديلية ..

من أحلا الستاربكسات بالكويت .. جميل جدا و خصوصا السياراة الكشخة الي جدام ..

!



7\10 ..

Starbucks مشرف ..

برايي .. أحلى ستاربكس بالكويت .. !! هادي جدا و القعدة فيه كأنك في البيت .. تقدر تشبك اذا تبي و بالليل يتحول الى مكان زحمة مره ثانية ! .. وايد من الي أعرفهم ادرسوا هناك من كثر الهداوة ( النهار ) .. لكنه عندي أفضل واحد بالكويت ..

اهوا أقرب واحد لبيتنا .. فاهوا اكثر واحد أروحله ! ..

9\10 ..

Starbucks سوق شرق ..

اليوم رحتله ..

.. جميييل جدا .. و هادي .. القعدة بره هم حلوه .. و داخل اتحس انك في قرية صغيره .. يعيبه ان في ناس وايد و ضيج ! .. لكن يبقة حلو ..

5\10 ..

Starbucks دبنهامز ( سوق شرق ) ..

يمكن أكثر ستاربكس فاضي بالكويت .. مافي أحد و صغيير .. ! يمكن الي يشتغلون بس 3 .. بس يبقى حلو و يطل عالبحر ..


3\10 ..

Starbucks الكوت ..

رحتله مره .. الحقيقة حلو و وسييع .. القعدة فيه حلوه بعد .. لكن اعيبه الزحمة رغم وسعة .. تلقة 4 قاعدين على طاولة و كلهم على طلبية بطل ماي ..

! ..

أحلى مافيه الخدمة الجميلة جدا .. و وسعه ..

3/10 ..


Starbucks المطار ..

ثالث أحلى واحد .. بنظري ! ..

الطلب اكون بسرعة .. و تشوف وايد جنسيات مختلفة فيه .. !! القعدة فوق ولا أروع .. اتطمش عالرايح و الياي .. المغادر و الحاضر .. ! و خدمة الانترنت اتزيدها حلاوه ! ..

7\10 ..

Starbucks السالمية ..

الي قبال الفنار .. زحمة زحمة زحمة !! .. ماتلاقي مكان .. و اذا حصلت يم الدريشة انت محظوووووووظ !!

طابقين .. و يطل على أكثر شارع حيويتا بالكويت .. الستاف تقريبا كله عربي ..

6\10 ..


وبعد اللي عندهاا اماكن ستاار بكس تفيدنآ


:eh_s(8):

 

[الإسراء]

ستاربكس الدعية خواتي وبنات خالاتي يمدحونه بس آنا أساسا ً ما أحبه ..

 

[محاميـــة]

ستاربكس النزهــــــة :eh_s(15):

واللي يحليييه في خدمة تطلبين وانتي بالسيارة


ستاربكس منتجع النخيــــل :eh_s(15):
عجييييب جنج مسافرة خصوصا الصبح

ستاربكس البدع مش ولا بد ومادري ليش اسعاره اعلى من ستاربكسات الثانيه !!!

 

[الفرفوشهـ]

الافنيو فيه 2 او3
جمعية السالميه
جمعية الشاميه
وشارع واحد بابوحليفه في فرعين
واصلا بين كل ستاربكس وستاربكس تلقين ستاربكس لوووووووول

اكثر كافيه له فروع بالكويت بكل مكان تلاقينه

 

[MissChoco]

احلا ستاربكس حق التطمش مال افنيوز

 

[SecretGirl]

انا احب مال النخيل وفي بابراج العوضي بعد القعده جدا هاديه

 

[بنوتة باباها]

ستااربكس وسااربكس

 

[يآملحيّ]

بنات يمدحوووون ستار بكس اللي ورا الكنيسه
في احد يدلهاااااا ؟ تكفووون وصفولي عند شنو هي ؟

 

[خاب ظن الشوق بك]

ستاربكس بالجابريه وستاربكس النزهه وستاربكس العديليه وستاربكس مشرف

 

[خاب ظن الشوق بك]

ستاربكس جمعية شرق

 

[vogue grl]

ستاربكس النخيل والجابريه و ستاربكسات الي تكون بمجمعات سكنيه الانه تكون هاديه ومافي ضغط

 

[الحورية الصغيرة]

ستار بكس الإدارية

ستار بكس الشامية عجيييييييييييييييييب


ستار بكس الزهراء حييلو


هذول إلي عبالي و نا أنذكروا بالموضوع

 

[๓ίşś зśŏłả..!]

وناسه ستار بكس كيفآن الي يم نادي بلاتينيوم
كل مااخلص من محاضرتي امره واخذ موكآ فرابتشينو
وانا احب ستار بكس الي بمرينآ كرسنت هآدي ومافيه ناس وايد

 

[غلا-زوجي]

ستار بكس حق عيال الشايع
اسمحيلي عالاضافه

 

[Zozowa j]

ستآر بكس الدعيه عشـقي الابدي
كـله طلبة منآك و كله يدرسون فأروح ادرس منآك الجو يسآعد
تسلمين خوش موضوع

 

[oyoon al maha]

أنا اذا شفت ستار بكس يفز قلبي الصراحة

مشكوووورة لصاحبة الموضوع على هالسؤال الحلووو

تبون الصراحة احلى ستار بكس عندي

( ستار بكس الفري زون - المنطقة الحرة) لكن مع الأسف

تم اغلاقه بالاضافة الى المطاعم والكافيهات الاخرى المجاورة

 

[انسآنه لن تتكرر]

ستــآربوكس الدعيهـ والجــآبرية روعهــ وخدمتهم مآشآءالله حلوة

 

[M!SS EV!L]

في ستاربكس بشارع البلاجات حده هااااااي الصبح

بالليل ما عندي فكره اذا فاضي او زحمة

 

[احب المدرسة]

ستار بكس الشامية

 

[حناينq8]

بكل زاويه بالكويت اكو ستار بكس

انا احب النزهه قريب على بيتنا
واللي بدبنهامز قعدته حلوه وهاديه