ستايلي بعد الزواج

[fruity]

السلام عليكم بنات
في سالفة محيرتني وكليوم اقول اليوم راح اغير واسوي واسوي
لكن سبحان الله كل يوم يعدي بلمح البصر وما اسوي شي من اللي مفكره فيه
طبعا تتسائلون شنو هالشي
انا اقولكم
اولا: انا زوجة
ثانيا:موظفه
ثالثا:عندي بيبي صغير
رابعا: امي الله يخليها ويحفظها نوعها اذا مر يوم واحد ما طليت عليها تزعل مني

ابي بعد هالمعلومات المختصره عني ممكن اعرف متى يكون عندي وقت اهتم بنفسي وبجمالي ولبسي وكشختي
احس لما ادخل البيت ابي بس اقط هدوم الدوام والبس بجامه او ليقنز اوشورت وتي شيرت
هذي حد الكشخه عندي ماقدر البس نفانيف وحركات لاني هم انا اشتغل بالشقه مو حاطه خدامه من كثر ما صارلي مشاكل مع الخدم
زوجي ما اشتكى من شي بس انا احس اكيد لو بيمل ولا ما يعجبه اني مو قاعده اكشخ ما راح يقولي اكيييييييد لان يشوفني قاعده احوس واشتغل بالبيت ومع البيبي فاكيد مراعاة لنفسيتي ما راح يقول
بس انا ابي من نفسي اسوي هالشي وحق نفسي هم بعد لان ابي ارجع نفس قبل الزواج كنت زقطه بنقطه:eh_s(11):

فاتمنى من المتزوجات المشغولات واااااايد مثلي يفيدوني بافكارهم

 

[Patcholli]

حبيبتي في ملابس مريحه و شكلها مغري نفس النفانيف القطن لو تاخذين شي ضيج شوي وقصير بيكون مغري وبنفس الوقت مريح
انا اخذ مالوت فيكتوريا سيكريت وايد مريحين ويعجبون ريلي
والكشخه خليها كل ويك اند روحي الصالون تسمنعي سوي اظافر وتمسجي وسوي شعرج حمام زيت وسشوار و لبسيله قميص نوم حلو الي بخاطرج
وحق كليوم وخصوصا ماعندج خدامه مو شرط شي كشخه
اهم شي يكون حلو ومتنوع يعني لاتعلقين على ستايل واحد يوم قصير ويوم طويل
واهم شي يكون في لمحة اغراء
الصدر مبطل
او قصير او شورت

وهالحركات يعني
وعلى امج مادري اذا بيتج قريب يمها روحيلها
واذا لا عالاقل كلميها بالتلفون كل يوم انا بيتي بعيد عن اهلي اروحلهم كل ويك اند اقعد عندهم من الظهر لي الليل وساعات نطلع افرغ روحي حق اهلي بالويك اند وبس لان ريلي يكون لاهي ويا اهله هم طول الويك اند

 

[امـ خــزامـى]

الله يكون بعونك

 

[M!SS.LOBY]

نظمي جدولج

حطي لج خادمة نص دوام فتره مسائية من * ظهراا للغاية 9بالليل تنظف وتغسل الملابس مراعاة للحياتج الزوجية لاتخرب بسبب اهمال للنفسج

الزوج يبي بدكير ومنيكير ما تمسكين شى تهتمين بعمرج ضروري استشوار للشعرج ما يصير كل ملابسج ريحة طباخ وغسيل ومبلله ماي

ومن غير الاهتمام بالبيبي

من ناحيتي اقولج حطي خادمة نص دوام وارتاحي

 

[M!SS.LOBY]

الله يكون بعونج

حاسه بالمعاناه قبل كنت مثلج مو قادرة اضبط نفسي وحياتي

 

[نونه المنكوشه]

مستحيل تقدرين لانه الانسان طاقه واكيد بتتعبين يبيلج خدامه ع الاقل اللي باليوم وخليها اتنظفلج وانتي اهتمي بنفسج اما بتكونين سوبر ومن ماتوقع في مرا تقدر واذا اقدرت راح اتعيز بسرعه لانها استهلكت نفسها وايد يبيلج خدامه ولادققين عليها ع الاقل خليها حق التنظيف

 

[أم ســـجى]

شوفي حبيبتي انا اسم الله علي عندي ٣ اطفال وبشقه وماعندي خدامه مثل حالتج بسبب المشاكل والحمدالله قايمه بواجبي بس هالشي يبيله تعود يعني وقت ماترجعين من الدوام لبسي اللي يريحج وبعد الشغل لماتريحين العصاري لبسي اللي يلبأ لزوجج وكشخي وبعد المغرب عالراحه كملي شغلج من اوتي وملابس ومطبخ وباجي الشغل اجليه لي باجر لما تردين من الدوام عالسريع اذا نظمتي هالشي راح تلقين وقت كافي حق كشختج وبالتوفيق قلبي

 

[ام اريج 22]

الله يعينج اختي رجلج لاتقصرين معاه لايهمج حاس ولا موحاس فيج الرجل اهم شي عنده يشوفج مرتبه ومتزينه وريحتج تفووووح عطور ولا طبخ وكرف هذا اخر شي يهمهم واهم شي لايبيج لاتعذرين انج منهد حيلج من الكرف بالبيت

 

[مالك صاحب]

شوفي حياتي خلي عندج مخطط

قبل النوم انوم وادي وعلا طول السبوح ما اخلي ماخذه مجموعة من مزيونة وشقر وافصل علا روحي منها ريحة وة ونعومة وبياض وبشعري حمام زيت يعني اخذي راحتج خلصتي سشوري شعرج نامي ردي من دوامج اشتريلج من باث اند بدي سبريه الجسم انواع كل يوم حطيلج نوع فراواة فنبليا تواي لابت اللي اهو بجامات ياحلوهم بأشو وحتة ستي تنانير قصيره وشورتات بس مو ديلات شوي تغري واولردي شعرج مستشور يا عنقوص يا تفلينه وتحطين في شبااصة صغيﻻه وعندج التراجي اشكال الوان وتشوق وحزة النوم الستات اينن ومقطط بكل مكان خفيف وخلو وناعم وخصصيلج يوم لالاسبوع صالون مالج خلق في خدمه منازل وسوياج مساج استرخاء عشان تطلعين طاقتج السللبية وهم اييون البيت لانه انتي مثلي ماكو خدامه وسلامتج حبوبة ح

 

[انت مناي]

جيبي خدامه مره بالاسبوع خليها تنظف البيت كله وتغسل ملابس البيبي وتكويهم وتسوي كم طبخه تقدري تفرزنيهم انا كيذا ومرتاحه مع اني ما اداوم بس شغل البيت مايخلص

 

[д7βk βşķάť]

الله يكون بعونج ياروحي ​

 

[Pinky -cat]

امبيه نفس حالتي ، انا موظفة وماعندي خدامة وريلي ماشاله جنه بيبي يمشي ويقط وما يسوي ولا شي وياي والطباخ علي بعد
انا قاعدة احاول اسوي كل شي

والحل : حطي لج جدول يومي شنو بتسوي كل يوم

مثلا اليوم : مثل : تلبسين شي حلو وعملي ، تطلعين شنو بتسوين اكل ، وتحطين الاكل على النار
تسوين اي شي ناقص بالبيت ترتيب وغيره

وطبعا حسب حياتج وظروفج ووقت ريلج العزيز وديري بالج تروح طاقتج بشغل البيت ترا الريال ما يهمه شغل البيت
يهمه يشوف نمبر 1 علطول

 

[eshraqaaa]

انا عندي خدامه بس اهملت نفسي بشكل غير طبيعي ودي اتغير وايد انصح بنات بالتغيير و تلقيني اول وحده اعلق بس اذا ييت حق نفسي نبي تثبتون موضوع اسمه كل يوم لوك و موضوع اخر كل يوم طبخه يكون مو للعامه لا يكون للمتزوجات العاملات ايون يبطلون هالموضوع و يستفيدون

 

[Tom ♥ Jerry]

,


لو عندج 4 عيال شتسوين !!!!!!!


حبيبتي أول شي ييبيلج خدآمه ,, مو كلهم مو زينين ييبي سيلانيه زينين .،
آمج طلي عليها بعد مآ تطلعين من الدوام ربع ساعه أو نص ساعه و امشي
لمآ تردين البيت قعدي ويا بنتج ارتاحي ليه المغرب نآمي اذا تبين

و لمآ تقعدين بس تكونين فاضيه مآ عندج شي غير بنتج و ريلج
سبحي و كشخي و حطي ميكب و قعدي ويا ريلج و بنتج استانسي و عالساعه 11 أو 12 انتوآ نآيمين
لا تقولين انا موظفه أو عندي بنت أو مآعندي خدآمه
شكثررررررر بنات نفس ظروووفج و يكشخون و يلبسون
بس عارفين شلون يرتبون وقتهم

 

[نـعـومـه]

والله نفس مشكلتي

كنت احسب بس اتزوج كل يوم مكياج ولبس ونفانيف!!!

صج ان لبسي مرتب بس قليل مااتمكيج وسوالف تنورع وكعب وكشخه كشخه

 

[برق السحاب]

اغلب الازواج مايقعدون كثير بالبيت يمديك ترتبين وتخلصين شغلك وهو طالع وبعده تسبحين وتعطرين وترتبين حالك وبين فتره وفتره تغيرين بستايلك

 

[مشتطـه]

والله ما الوووووووووووووووووووووووووووووووووووووووومج كلششش


انتي بيني له انج مضغوطة

قوليي انج مضغوطة وزهقانه و ودج تتغيرين وهني بتعرفين ردة فعله


مو شرط ان الريال يبي شغلات اغرائية قمصان وحركات


يكفي نظافتج وترتيبج لشكلج


ومثل ما قالو بالويكند تسنعي وخلي كل ويكند كشخه نزلي البيبي لخالتج او خدامتها

بعد المرا تحتاج تجابل زوجها


انا عندي بيبي عمره سنة وخدامة


بصراحه حيل فايدتني الخدامة عالاقل تمسك ولدي شوي عني

لان زوجي يتأذى منه تدرين ياهل يحن ويحوس ويخليج دايم عينج ععليه بهالعمر

لازم خدامة لاااااااازم اذا تبين حل هذا الحل