ستراسبورغ الفرنسية ........... ضروري

[معلمة انجليزي]

السلام عليكم
حبيباتي كويتيات منو تقدر تفيدني عن ستراسبورغ شلون جوها؟
وشنو القرى او المناطق الفرنسية القريبة منها اللي اقدر اطلع لها من ستراسبورغ؟
حست بكل المنتديات ادور احد يجيبلي الخبر اليقين عنها ما لقيت!!!!!
و استغربت ان اقرب منطقة قريبة منها هي نانسي اللي تبعد ساعتين بالسيارة!!!!!
اللي بتساعدني الله يسهل عليها و يوفقها بأمورها

 

[معلمة انجليزي]

بنات بليز اللي ما تعرف ترفع الموضوع

 

[Samurai]

ستراسبورغ حلوه واعجبتني مع اني ما حست فيها عدل لاني مريتها زياره
ومنها تقدرين تروحين زياره لبادن بادن ساعه تقريبا
ومنطقة تودناو اللي فيها اطول زحليقه صيفيه في اوروبا وفيها شلال تبعد ساعه ونص
وطبعا يورب بارك تبعد ٤٥ دقيقه
وفي قرية ترايبرغ تبعد ساعه ونص خليها بنفس الرحله مع تودناو

وفي بحيرة تتسي حلوه وعندها فعاليات

واهي بين تودناو وترايبرغ

وتقدرين تطلعين لباريس من ستراسبورغ بالقطار tgv بساعتين وتقضين يوم كامل وتردين بنفس اليوم

واتمنى افدتج *

 

[Samurai]

المناطق اللي كتبتها كلها بالمانيا بالغابات السوداء

 

[Samurai]

اي صج في منطقه فرنسيه قريت عنها يمدحونها بس ما مريتها كولمار Colmar
تبعد تقريبا ساعه

 

[درة المكنونة]

اي صج في منطقه فرنسيه قريت عنها يمدحونها بس ما مريتها كولمار colmar
تبعد تقريبا ساعه

هلا ساموراي انا كولمار كل سنه لازم اروحلها عشقت هاذي القريه البدائيه اللي حبيته فيها ان مافيها ولا عربي السموحه للكل بس اهيه منطق للراحه والاستجمام

 

[درة المكنونة]

وكل سنه اروح كولمار مااشوف ولا خليجي ماعدا ب2008 شفت عايله اماراتيه ماره بالقطار ....وكولمار بينها وبين ستالزبوغ الفرنسيه نص ساعه

 

[درة المكنونة]

مدينه كولمار الفرنسيه مافيها انشطه وايد ورحلات مثل ستالزبورغ الفرنسيه يعني من وجهه نظري ستالزبورغ تونس اكثر بس في كولمارفيها الهدووووء التام ,, وسبحان الله كل واحد وذوقه ...تعتبر مدينه كولمار مدينه اثريه قديمه من الاف السنين عندهم مخبز بسكوت وااااو كل سنه انطر اروح هناك عشان اكله مادري وايد حبيته

 

[Samurai]

دره مكنونه

والله خوش معلوومه
يعطيج العافيه انا يعجبني هالجو

واذا عندج اماكن جديده فيدنا

الله يجزاج خير

 

[عبير-الشرق]

حبوبه تقدرين تلروحين لجيينيف من ستراسبورغ بس مادري بالضبط شكثر بس العام كنت بروحلها بس مارحنا لان غيرنا الرحله سوي سيرج بالنت بتلاقين ان شاء الله