ستوديو تصوير منزلي

[فراولة^فوشيا]

هااي بنات شلونكم

اليوم حبيت اصور واشاركم خطوات التصوير في البيت

عندي طبق الحلو هذا وبصوره

استخدمت مثل ماهو مبين هني بالصوره

- خيمة التصوير (اللي تكلمنا عنها في هذا الموضوع http://www.q8yat.net/showthread.php?t=75986)

- اضاءه قويه على الجنبين ،، ممكن ابجورات ولمبات نيون البيضه (اللي تكون ملتفه)

- سطح بلاستيك عاكس (أو اي سطح لتثبيت الشيء)

- أوراق ملونه للخلفية​

أخذت لقطات وايد،، وبوضعيات مختلفه،، وتجربة الفوكس والاضاءه
واشوفهم على الكمبيوتر اللي ما يعجبوني امسحهم

هذي بعض اللقطات اللي عجبتني

وهذي لقطه ضفت عليها بعض التأثيرات بالفوتوشوب



مثل عزل الخلفيه وتنعيمها
عمل sharp للآيس كريم نفسه
اضافة فلتر اضاءه Filter>Render>Lighting Effects
وطبعا تحسين الألوان

اتمنى ان يعجبكم الموضووع

 

[bnt_7waa]

يعطيج العافيه فش فش


خوووش تصوير دوم مبدعه السويت شكله يشوق ودي اكله بعد التصوير :×

انا صارلي فتره ادور مثل هلخيمه ومو لاقيه

 

[supermarket]

يعطيج العافية فش فش

بس من وين الخيمة؟

 

[معبوده الجماهير]

خوووش لقطه
مشكوره عالشرح والتطبيق صج روعه
يسلمووو حبيبتي

 

[Pink GirL]

يعطيج العافية فشفووووش

بنات الخيمة من عالم التصوير مكانه يم جاشنمال (برج حمود) بس من صوب الباركينج مو صوب الشارع العام

 

[زيـنـه]

تسلمين فراوله .. و كثري الطلات لا تقطعين

 

[princess_lolo]

تسلم ايدج على هالفناتق
شي شي حركات حلوه

 

[Artist81]

أسمحي لي اختي (خيمة التصوير) اللي مسويتها جدا فاشله!

الاضاءه ضعيفه و الخلفيه سيئه و برغم جمال الطبق و شكله الشهي
الا ان الصوره بخست من حقه كثير!

تحياااتي

 

[ســتارز]

تسلم ايدج تصوير احترافي مذهل

تمنيت لو تجربين خلفية بيضاء باعتقادي بتكون منورة اكثر

وحبيت اسألك ماجربتي اضاءة طبيعية على الخيمة ؟ بدل الفلاشات

 

[فراولة^فوشيا]

bnt_7waa
supermarket


الخيمه موجوده في عالم التصوير مثل ما قالت بنوووكه
او تقدرون تسوون خيمه بنفسج مثل هني بالصور

مشكورين الله يعافيكم


معبوده الجماهير

الله يسلمج حبيبتي ما قصرتي


Pink GirL

ميرسي بنووكتي الله يعافيج ومشكوره على التوضيح


زيـنـه

الله يسلمج زيونه انشالله ما اقطع


princess_lolo

الله يسلمج لولو ،، الحمدلله انه عجبكم


سارة العبدلي

مشكوره ساره على نقدج
بس ما قلتي لي ليش فاشله عشان استفيد
ملاحظة الكل كانت على الاضاءه وانشالله المره اليايه يكون التطبيق افضل
ما قصرتي


ستارز

الله يسلمج ستارز مشكوره
بالنسبة حق تصوير الأكل يفضل يكون باضاءه طبيعيه خارجيه مثل اضاءة الشمس
بس حبيت اوضح طريقة استخدام الخيمة
واذا بالغرفه ما ينفع اصور بضاءة الغرفه العاديه لأنها صفره ويفضل تكون بيضه وقوية


مشكورين بنات وننتظر مزيد من النقد

 

[كوب قهوة]

بصراحة موضوع حلو ورائع بل اكثر من رائع مشكورة اختي فراولة فوشيا ،، والبنات اللي شاركوا بهالموضوع كلكم // بما اني تاجرة وعندي بضائع فالتصوير وايد مهم لعرض منتجاتي وفكرة الخيمة وايد بتفيدني ،، بس جم سعرها ،، مشكورين ما قصرتوا

والدليل على سوء تصويري ،، الصورة الموجودة بالتوقيع ،، انا مصورتها بس للاسف لا الاضاءة ولا التفاصيل واضحين

وبالنسبة للاضاءة تنفع الاضاءة الليت العادي الاصفر مو الابيض النيون ،، السبوتلات العادي ما ينفع
ارجو من البنات اللي يردون على استفساري يبعثون رسالة عالخاص لاني ما افتر بالمنتدى وايد ،، مشكورريييييييييييييييييييييييييييين

 

[Bnota 56era]

واااااووو شوقتوني حيل عالتصوير

عاد انا مينونة تصوير


يسلمووو

 

[Raveena]

حلو التصوير


احلى شي الآيس كريم

 

[Artya 【ツ】●]

رووووووووووووووعه


الله يعطيج العافيه

 

[QT]

اشلون سويتي الايس كريم ؟

كككك



تسلمين التصوير طيب

 

[^^نـــواره^^]

ماشاء الله تصويرج وااااااااااااااااااااااايد حلو

 

[*بيوتي*]

ما شاء الله فنانه

بس ممكن اسالك صورتي بكاميرا نوعها ايه؟

 

[جاي وحليب]

مشالله عليج فراوله فوشيا .. نشاطج حلو بالقسم ومميز
فكرة حلوه حيل اشجعج عليها...

ونتايجج حلوه.. بس ليش ما فكرتي بزاويا مبتكره اكثر
او دخلتي كلوس اب وطلعتي نص العنصر مثلا...
او تضيفين توت بالتكوين.. او يعني لمسات واضافات غير عاديه
ترى وايد تميز العمل مثل هالحركات البسيطه

بحثي اكثر بتصوير الاكل بفلكر.. كتبي sweets
وراح تشوفين شغلات تعور القلب

افكر اسوي ورشه تصوير الاكل.. بس اجمع المعلومات اذا قدرت
واذا ضبطت معاي راح تكون ورشه ممتعه ان شالله..

تصوير حلو .. ولون الخلفيه حلو بعد..
يعطيج العافيه على هالمشاركه الحلوه

 

[May81]

ماشاءالله عليج فراوله فناااااااااااااااااااااااااااااااااااااااااااااااااااااااااااانه

 

[ChOcoLaTe 'n MarShMaLlOw]

يمي شكلها لذييييذ خخخخخ

يعطيج العافيه على اللقطات الروعه ..