سجلي حضورج بآسم دكتورج !

[Ԏỡґἰᾷ]

السلام عليكم ~

قوة حوآمل وآمهات ... !

سجلي حضورج بآسم دكتورج/تج ~

حبيبآتي كل وحدة تكتب شنو عجبها بدكتورها/تها --,

وكل وحدة تشآرك تذكر اسم العيآدة وتوصف مكآنها "

نبي الكل يشآرك ويستفيد ))

نآطرتكم

:ggdw:

 

[mannawy]

دكتوره شاديه عثمان بالمواساة خبره وجربوها امي واختي وجد قمه بالاحترام بس مشكلتها انج انتي لازم تجهزين اسئلتج يعني البجر تحي جنه الدكتوره مو فايدتها بمعلومه لانها ماتقرق وايد وكلامها محدود بس حيل حبوبه

 

[هذا مزاجي]

انا دكتوري ماجد الشمري
اللي عجبني فيه سمعت انه حييييييييييل شاطر وذكي
وغير هذا انسان يخاف الله وملتزم
مثلا عندج السونار الداخلي تسويه لج الممرضه
يعني اهو مايشوفج كلش ولا يلمسج وسبحان الله
من تشوفينه تحسين الله موفقه لان وجهه كله نور
وعيادته بالجهراء واسعاره زينه مو غالي

 

[virgo88]

دكتور محمد دسوقي ب عياده بوشهري
ممتااااااااز جدا جدا وذو خبره ممتازه


 

[ام عزووووووز]

د.روبينا - مستشفى السيف
اختي ورفيجاتي ولدو عنها والتعامل معاها حيل مريح
​

 

[عطر الدوحه]

دكتورتي

:aha: نــآهـده العلي :aha:


رووووعه تسمعلج وتنتظرج تسألين كل اسألتج ولا تستعجل

تهببببل

 

[حبيبة عز]

دكتورتي نزهت اللي بمستشفى السلام ..

هادية ورايقه وأحسها فاهمه .. وتعطيج وقتج ..

وتجاوب على كل أسئلتج .. وما سمعت أحد ذمها ..

الكل يمدحها ..

 

[بولندية]

انا ان شاءالله بدش الخامس وللحين ضايعة بين الدكاترة كلمة توديني وكلمة تيبني =(

 

[H&M love]

دكتورتي ليلى اشكناني
اللي حببني فيها وايد هاديه و بالها طويل تسألين كل اسألتج و نفسيتها عسل تضحك وياج
و تتغشمر

مكانها قبال نادي اليخوت عمارة باب هاني مالت الأسنان

 

[عطر الأنوثة]

دكتورة معصومة

دار الشفا

وايد امحوها لي

و اختي توها والد عندها و تقول وايد تهتم و نفسيتها حلوة

 

[انثى الكويت]

دكتور مصطفى تومسو
بدار الشفا

الي خلاني اروح عنده حماة اختي اولدت عنده واختي مرتين عنده ومرت اخوي
واخيرا رفيجتي اولدت عنده فاكيد بروح له وانا مغمضه

غير انه كلهم امدحو خياطه شاااااااااطر فيه ووصيه واهو ما يقصر معاج

وفعلا اهو شاطر ويفهمج كل شي بس ساليه في اشياء احنا نسويها ونقول مو زينه اخر شي تطلع عاديه

وريلي ارتاح له لان يقولي هالريال محترم واهو فعلا جذي

بس بالنسبه لي كل من جربه حوالي بعد ليش اتردد

 

[ام الحوراء زينب]

دكتور نصر هيبه
يهبللللللل اهو الوحيد اللي طمني بحملي وبحالتي وبالبلاوي اللي صارتلي وحيل محتررررررم وخبره ماشاءالله عليه

 

[auoma]

دكتور حيان الاحمد مستشفى مواساة بصراحه دقيق سوناره
وشاطر ويطمن الحامل ومحترم لألعد الحدود وانصح فيه
جربت ولادته وان شاءالله بولد هالمره عنده الله يسهل

 

[shoshowoo]

دكتور مصطفى تومسو واذا مو موجود اروح حق حيان بالمواساة

 

[لينوفر]

ناااااهدة العلي

خوش دكتورة وتسمع لج وكلامها واسلوبها عسسسسسسسسسسسسسسسل وتقرا عليج بوقت الولادة وتقولج يالله رددي وراي ولدت عندها مرتين ورفيجتي وخواتها كلهم عندها

وتجيج حتى لولدتي بحكومه مره قالي زوجي كل المستشفى مولدتهم دكتورج لان كاتبين اسم الوالدة ودكتورتها 0

تمرج اليوم الثاني وتنصحج ان شاء الله كل ولاداتي عندها باذن الله يكفي انها تمسح عليج وقت الولادة وتسمي عليج


واب لعيونج

 

[مس ^_^ تكانه]

انا كل مراجعه لي دكتور مااستقريت على احد

 

[La t7atini]

د.منال سيد

طيبة كلنك

تسمعلي وكلا طمني
وتهديني وتسولف وتبتسسم
ناوية ان شاء الله اولد عندهاا


جربت
د. برتني
د. عاليه الفضلي
د. داليا
د. نهى
^ طبعاً الي جيتها طوارئ كنت تعبانه
والي رحتلها مراجعه وحده بس ماعدتها

عاديين مارتحتلهم
برتني زحمه عندها هي وبهواني << بالهادي
دلياا نفسية ومالها خلق اسئلة
نهي حبوبة بس موشاطرة ذاك الزود
كل ماسالتها دقت تسال استشاري
وعالية طبعا كلا مستعجلة ونفسيه



بنات ناهدة العلي " سودانية" ؟!

اذا إي هي ف صج صج اتفق معاكم حبووبه
دشيت مره عندها طوارئ بطيبة

*

 

[janoona]

دلال السالم عيادتها بالجابريه

تصبر عليج وفاهمه شغلها وكلش موماديه

 

[فراوله زوجي]

دكتورتي معصومه الرضاا بدار الشفاا
صراحه مو مفكره اروحلها بحمالتي اليايه
بس اللي خلاني اروحلها هو المستشفى رعايه ولاا احلاا

 

[om_saaleem]

انا دكتوري ماجد الشمري بصراحه واااااااااااايد زين لان بحملي الثالث كان ولدي تعبان ومافي ماي والكلى متحجره عند الياهل طبعا كنت اراجع طيبه كلينك الله يسامحهم ماقالولي ان البيبي مريض ولما سويت السونا الملون عندهم اكتشفوا ان البيبي مريض وعقبها حولوني مستشفى الصباح وطبعا دخلوني مستشفى الصباح علشان يسوولي تحاليل ويابولي الدكتور ماجد الشمري طبعا اهوا استشاري نساء وولاده واجنه بعد وايد شاطر قالي شنو فيني بالضبط وقالي شنو المشاكل اللي راح اواجها وقت والولاده وبعد الولاده وصار اللي قالي بالضبط وانا بصراحه انصح كل البنات اللي يعانون من مشاكل بالحمل يروحون له اهوا وايد زين ووايد ملتزم والحين انا اراجع عنده