سحبت اورااقي من الجامعه احس ضياع ابي مساعدتكم

[RO0O7Y KUWAITYA]

السلام عليكم يااحلى كويتيات
احبكم في الله :eh_s(7):

اول شي من العنوان وااااضح انا سحبت اورااقي من الجامعه وخصوصا من كليتي اللي اهي علوم اداريه ادري بعض البنات يقووول ليش يااحضي في بنات يتمنوون انهم يقبلووونهم انا مااقول شي ادري انها كليه راقيه وحلوووه بس سبحاان الله مااارتحت والله يابنات مااارتحت يعني شنو اسوي اضغط على نفسي انا توني هذا اول كورس لس مستجده مااقدرت اكمل فسحبت اوراااقي:eh_s(2):
بس ان شاءالله على الكورس الثاني بقدم

ادري هذرت عليكم واااايد بس انتو خووواتي حبيتم تسااعدوني
الزبده وخلاصه الموضوع اني ماادري اقدم على شنو
مع ان للعلم راح اقدم على شهاده الثانويه العامه وانا نسبتي 92
والله والله والله لو مو محتاااره واحس اني بضيع جان ماكتبت شي
ابي نصيحه اخت لاختها شنو ادخل :eh_s(16):

 

[RO0O7Y KUWAITYA]

شدعووووووووووووووووووووو بنااات محد رد

 

[Andie]

أختي كمستقبل في الكليات الأدبية مافي غير العلوم الادارية و بخاصة المحاسبة
اما الكليات العلمية فعندج الهندسة

وفي الاخير يعتمد على ميولج و طموحج

 

[Lode]

الله يوفقك ويسهل لك أمورك

ان شالله غيري يفيدونك

 

[زينب العقيلة]

اول شي لا تتحسفين ولا تتضايقين لان مستجده انتي ماضاع من عمرج

ثاني شي شوفي تخصص انتي تحبينه ومعدلج حلو ويدخلج اكثر الكليات

شوفي المواد اللي شاطرة فيها دشيها

قوليلنا واحنا نساعدج

 

[BlackBird]

بالعكس انتي وفرتي على عمرج دام حسيتي مو قادرة أنا قبل كنت بكلية العلوم وكله بحول والتحويل من العلوم حتى صعب كشروط وأنا تخصص علمي وما كنت أبي أحول أدبي وساعات ايت مرات خلاص قلت أدبي أدبي بطقاق بس البنات والناس حواليني قالوا لا تمي علمي وكملي بالكلية بالأخير ما قدرت امشي فيها ضاعو سنتين وكورس وانا احاول بالأخير حولت تكنولوجيا لان أنا بخاطري أدرس هندسة كمبيوتر وقلت اشتغل واكمل على تخصصي بعدين بجامعه خاصة لان جامعة الكويت اعجاز ---_---"

عموما الي فهمته منج إنتي تخصصج أدبي

عندج العلوم الإجتماعية بس تخصصات فيها علم نفس أعتقد وجغرافيا الخ الخ كوظايف أنا أخوي كان تخصصه جغرافيا ما رده صار مدرس ماكو مكان يقطونهم على هالتخصصات وحتى تحسف إن ما دش التربية من الاول وفر على عمره اللويه

عندج الآداب تخصص انجلش ممكن مترجمة تصيرين أو مدرسة بعد او ياخذونج كونا بس بواسطة

تخصص إعلام مرة أخوي قطوها وزراة العدل

امممممم يعني الحين اذا تبين راي الشخصي أكثر تخصصين أشوفهم ماشين أهم التربية والصحة ولاحظي الديوان يوزعهم بأعداد كبيرة

أنا هندسة كبميوتر وناقعه وغيري بعد من تخصصات الحاسب لاحظت انهم بعد مأخرينهم بالتوظيف للأسف

بالنهاية إنتي شنو حابة شنو تحسين مادة قريبة لقلبج منها تعرفين تخصص الي بتكملينه عليها وبس^^

 

[RO0O7Y KUWAITYA]

حياااتي كل اللي ردوا علي تسلموووون ماتقصرووون
بس الاخت بلاك
لا انا تخصصي علمي وكلش ماامشي بالادبي حيييييييييييييييييييييييييل
وان شاءالله ارتاااح
ماادري بس اللحين ببالي شريعه حييييييييييييييييييييييييييييييل يمدحووونها بصلي صلاه استخاااره واشووووف
شراااايج فيها ككليه ومستقبل ؟؟

 

[BlackBird]

كلية الشريعه؟

للأمانه أنا ماحبها وسمعت عنها سوالف وشوفي لا تعتمدين بس على شي يمدحونه الناس عندج سيارتج صح مري كل كلية انزين اخذي دليل الطالب الي يكون فيه صحايف التخرج حلو عادي موجود اعتقد يم كل مكتب التوجيه والارشاد

الحلو فيه بتشوفين كل تخصص شنو مواد مطلوبة فيه وشنو بتاخذين وجم وحده تخلصين الخ الخ من هالكتاب انتي تعرفين شنو ميولج

شوفي تخصصات سواء علمية او ادبية لان الشريعه تعتبر أدبي وكله حفظ

غير انه انتي كنت بالإدارية الإدارية اهناك كله يحبون لبس ويكشخون الشريعه أغلبهم أو كلهم بمعنى أحق نقاب وعباية سوده فمادري اذا انتي تلبسين جذي او جذي


آخر شي ككلية علمية عندج الهندسة واذا في ش ثاني ببالج في كلية البنات عندهم بعد جنه نظم معلومات وتصميم جرافيكي أو تخصص تغذية على حسب شنو حابة انتي تدرسين بس دايما حطي ببالج موضوع التوظيف بعد

 

[الغنج والدلع]

عادي حبيبتي لاتتحسفين توج اول كورس انا كنت جذي قبل سحبت وكملت عادي الحمدلله شوفي الكليه اللي تناسب ميولج واحسن الاداريه سمعت انها موشي خيره لج ان شاءالله

 

[*فدك*]

ليش ماحولتي لكليه ثانيه ليش سحبتي وبتردين تقدمين!!
مافهمت!

بالنسبه للتخصص
اقولج ياهاااااااااااا بالمختصر المفيد
شوفي المكان الي وظيقته زينه عقب التخرج
لاتقوليلي ميول وطموح انا كنت اقول جذي
بس ترى الانسان له قدره عالتكيف وين ماحطيتي اهو صحيح لو حطيتي الانسان بالمكان الي يلائم طموحه وميوله راح يبيدع
[س بالنهايه بعد 4 سنين جامعه تتخرجين
وماتحصلين الوظيفه الي تليق بمستواج الجامعي والدراسي
فمن الحين شوفي المكان الي وظيقته زينه
مو تقولن بدرس الي احبه ولما تتخرجين تقولين ياريت درست الي يفيد بمجال العمل
الهندسه . بالنسبه لنسبتج حلوووو
عندج علوم كمبيوتر او هندسه كمبيوتر
بس انتبهي مو تروحين تربيه وتتخصصين حاسوب ماله معني بالنهايه مدرسه وماتقدرين تتوظفين الا مدرسه اما الحاسوب بكل مكان مطلوب

شوفي فكري عدل شنو المخرجات الي يبيها سوق العمل بالكويت

وموفقه ان شاء الله

 

[omniaaaty]

نصيحتي لج قدمي على الكلية المناسبة حق الوظيفة بالمستقبل افضل شي العلوم الادارية والهندسة بالنسبة للعلمي وبالنسبة الادبي الحقوق وكلية الاداب تخصص انجليزي وبس هذا عن تجربة . انا تخصصت علم اجتماع وعلم نفس وما استفدت شي من سيء الى اسوء. والله يوفق الجميع

 

[* Snow White *]

امبييه! @_@!!!!!!!!
مو من صجج والله غلطانه هالكليه كانت حلمي انا اول ماقريت العنوان قلت الكل يحلم بالجامعه
ولما قريت اسم الكليه صدمتيني، هاذي مستقبل والله!!! وااي الله يهديج
ماودي اكدر خاطرج .. بس ان شاء الله فيها خيره لج
مادري شنو اعلق وشنو اقولج؟ اذا علقت احس راح اتحبطين وماودي احبطج
بس ابي اسالج، تقدرين تردين الجامعه والكليه؟ ولا خلاص؟

 

[* Snow White *]

لحظه توني استوعب شي ثاني، ماشاءالله انتي علمي ونسبتج 92؟
ليش ماتاخذين بعثه داخليه اذا ماودج تدرسين برا؟! وشوفي طموحج وميولج وين تبين انتي حددي مستقبلج

 

[RO0O7Y KUWAITYA]

فديتكم خواااتي كلكم اللي رديتو علي تسلموون

 

[RO0O7Y KUWAITYA]

كلية الشريعه؟

للأمانه أنا ماحبها وسمعت عنها سوالف وشوفي لا تعتمدين بس على شي يمدحونه الناس عندج سيارتج صح مري كل كلية انزين اخذي دليل الطالب الي يكون فيه صحايف التخرج حلو عادي موجود اعتقد يم كل مكتب التوجيه والارشاد

الحلو فيه بتشوفين كل تخصص شنو مواد مطلوبة فيه وشنو بتاخذين وجم وحده تخلصين الخ الخ من هالكتاب انتي تعرفين شنو ميولج

شوفي تخصصات سواء علمية او ادبية لان الشريعه تعتبر أدبي وكله حفظ

غير انه انتي كنت بالإدارية الإدارية اهناك كله يحبون لبس ويكشخون الشريعه أغلبهم أو كلهم بمعنى أحق نقاب وعباية سوده فمادري اذا انتي تلبسين جذي او جذي


آخر شي ككلية علمية عندج الهندسة واذا في ش ثاني ببالج في كلية البنات عندهم بعد جنه نظم معلومات وتصميم جرافيكي أو تخصص تغذية على حسب شنو حابة انتي تدرسين بس دايما حطي ببالج موضوع التوظيف بعد

فدييييتج مشكوووووووووووووره
بس حبيت اعلق على شغله عمر اللبس ماكان عاااائق لي للدراااسه يعني اتووقع كل وااحد حر شنو يلبس وبس
بس الحين اقبلووني شريعه وان شاءالله اتوفق فيها يمكن تكووون لي خيره :yaaaaaarb:

 

[RO0O7Y KUWAITYA]

عادي حبيبتي لاتتحسفين توج اول كورس انا كنت جذي قبل سحبت وكملت عادي الحمدلله شوفي الكليه اللي تناسب ميولج واحسن الاداريه سمعت انها موشي خيره لج ان شاءالله

مشكوووره ياااقلبي
ان شاءالله تكوون خيره

 

[RO0O7Y KUWAITYA]

ليش ماحولتي لكليه ثانيه ليش سحبتي وبتردين تقدمين!!
مافهمت!

بالنسبه للتخصص
اقولج ياهاااااااااااا بالمختصر المفيد
شوفي المكان الي وظيقته زينه عقب التخرج
لاتقوليلي ميول وطموح انا كنت اقول جذي
بس ترى الانسان له قدره عالتكيف وين ماحطيتي اهو صحيح لو حطيتي الانسان بالمكان الي يلائم طموحه وميوله راح يبيدع
[س بالنهايه بعد 4 سنين جامعه تتخرجين
وماتحصلين الوظيفه الي تليق بمستواج الجامعي والدراسي
فمن الحين شوفي المكان الي وظيقته زينه
مو تقولن بدرس الي احبه ولما تتخرجين تقولين ياريت درست الي يفيد بمجال العمل
الهندسه . بالنسبه لنسبتج حلوووو
عندج علوم كمبيوتر او هندسه كمبيوتر
بس انتبهي مو تروحين تربيه وتتخصصين حاسوب ماله معني بالنهايه مدرسه وماتقدرين تتوظفين الا مدرسه اما الحاسوب بكل مكان مطلوب

شوفي فكري عدل شنو المخرجات الي يبيها سوق العمل بالكويت

وموفقه ان شاء الله

حنااااتو مشكووره
انا ادري اهم شي الوظيفه لان اهي اللي بتقعدين عمر فيها
مااادري لووويه بس ممااقدرت اقعد فيها فما حولت سحبت لان النسبه تساااعد والتحووويل يغث

 

[RO0O7Y KUWAITYA]

امبييه! @_@!!!!!!!!
مو من صجج والله غلطانه هالكليه كانت حلمي انا اول ماقريت العنوان قلت الكل يحلم بالجامعه
ولما قريت اسم الكليه صدمتيني، هاذي مستقبل والله!!! وااي الله يهديج
ماودي اكدر خاطرج .. بس ان شاء الله فيها خيره لج
مادري شنو اعلق وشنو اقولج؟ اذا علقت احس راح اتحبطين وماودي احبطج
بس ابي اسالج، تقدرين تردين الجامعه والكليه؟ ولا خلاص؟

ههههههههههههههههههههه فديتج والله
اي اقدر ارد بس انا ماابيها مااقدرت اكمل بس احس بضيقه منها مااادري ليش ماارتحت مع ان قريداااتي بالامتحانات كااانت عااليه
بس شسوي ان شاءالله تكون خيره

 

[ام عفراء]

بالتوفيق ان شاءالله في كلية الشريعة

 

[زبده]

موفقه خيرر