- إنضم
- 8 أغسطس 2010
- المشاركات
- 57
- مستوى التفاعل
- 0
- النقاط
- 0
سلام عليكم كويتيات شخباركم .. انا حدي مصدووووومه ماقام اييني النوم فى موضوع شاغل بالي احنه ولله
الحمد عائله تعرف الله ونصلى ونصوم
ونذكر ربنا بس في شي وايد انصدمنا فيه انا واختي شى كل ما انتقلنا انتقل معانه ..وامي موراضيه تتركه
تو سكننا بيتنا اليديد من جم شهر وتفاجات انه موجود معانا :|
بالبدايه امي واااايد متدينه ودايم تذكرنا بربنا تذكرنا بالصلاه ومثقفه امي وتوها صغيره موحيل كبيره ودايم
تقول تصدقو اذكرو ربكم .. تقول لنا احترمو الكبير امي والله
يابنات قدوتي بهالدنيا ودايم تضحي علشاننه حتى لوماعندها فلوس ذاك الشهر وتشوفني ابي شئ وعليها
قروض تروح وتشتريه وتضغط على ميزانيتها علشان عيالها ..
ودايم تدعي لابوي ان الله يهديه وتقول لاتدعون على احد وتقول لاتحشون باحد وتحب تفرح الناس حتى
عندا ارقام بدون دايم بين فتره وفتره تعطيهم المقسوم مما عطاها الله ..
شافت واحد بالدوار وسالته عن بيتهم خذت رقم اخته وكله تدق وتعطيها فلوس .. هم وحده بالمدرسه طالبه
عندها موكويتيه وحالتهم الماديه مو شي امي خذت رقمها والبنت تخرجت
امي للحين بتواصل تواصل انها تعطيها وبالعيد تفرحهم الفقارا المساكين .. والله بنات امي ماشاء الله
احسن ام بنظري يعني اشوفها كامله بس فى شي صدمني سحر اوراق سحر مكتوب
كلام فيها وخرابيط وبنفس الجيس اوراق اكثر ملفوفه بقطعه خام سوداء .. يعني بالجيس ورقه بروحه
فيها كلام + اوراق ملفوفه بخام اسود .. امي مؤمنه ان السحر حرام ودايم تقول لنا
هالشئ فى دروسنا ولاصار مسلسل مثلا عن سحر يعني مايبيلها كلام السحر حرام .. بس الورقه شغلت بالي
انا واختي وقريناها قبل شوي ودخنا حيل وتذكرت شئ قوي ان تذكرت حلقه
خالد عبدالجليل يقول قبل ان فى واحد بالجمارك حاول يقرا وانقلب عليه لسحر والحين ماذينه الينانوه ..
وهم اختي تقول بغيت وفكرت احرقها بس تذكرت يقولون يطلع اليني جدامج !!
انا واختي بطلنا قران تو وبغيت اقرا فجاه تذكرت خالد عبدالجليل وحلقته سيدا سكرتها قلت لها فلانه
انا سمعت جذى جذى جان تقول لى اىىىى صح حتى المطاوعه يقرون على الورقه لازم ؟
قران لان هذا كلام خطير وخوفج يطلع عندنا احد انا مقهوره لاتقولون امي مسويه على ابوي سحر لان
ابوي اصلا مايسمع كلامها مو خروفها على ما يقولون ..
وابوي بالعكس عادي جم مره جكيناه يكلم وجذى من قبل وامي صار مايهمها كل الى يهمها عيالها احنا
وعلاقتها بابوي مو زفت لا حليوه بس ماينامون مع بعض بالدار يعني لو اهيه مسويه
له سحر عشان يحبها ماجان هذا حالهم .. انا اشك ان حق يدي ويدتي لان للحين واهوه يوميا يسويلها ريوق
وجذى وكله تزفه وتمصخره يدتي قلت لاختي قالت مستحيل لو صج جان امي
ما احتفظت بالورقه عندها بكل مكان فكرت اخذها واراويها دكاترتي بالجامعه الكورس الياي شرايكم ؟
معه اني اخاف يعرفوني بس بروح لدكتور مايعرفني انا قريتها قبل شوي الورقه
حاولت اقرا اسامي شي بس ماقدرت حسيت ايدي ترجف انا واختي وصارت بارده ايدنا شنو تشورون علي .؟
من كثر ما شاغلتنا السالفه اختي تقول روحي لمطوع يقرا جان اقولها انتي صاحيه ؟
من صجج اروح له ماكو شغل قويه اروح لدكتور واعطيه واكيد دكتور بالشريعه وجذى يعرف مشايخ
مختصين بسحر شرايكم شتشورون علي اااااااااخ موقادره استوعب ولاتقولون واجهيها
اكيد راح تنكر 
اما الشيخ راح يعرف منو الساحر .. ومنو الى مسوين فيه السحر لان خالد عبدالجليل يقول
جذى
اما الشيخ راح يعرف منو الساحر .. ومنو الى مسوين فيه السحر لان خالد عبدالجليل يقول
جذى
