سحوري في إحدا أيام رمضان ( مسقعه بالباشميل) عمل إيديه وحياة عينيه ..

[ω ــردوه Qtr]

مرحباا

اول أمس كنت فاضيه وسويت السحور

مسقعه بالباشميل ..

وصورت الخطوات ولو انها مايبلها شي بس من الفضاوه اللي فيني

مقادير الكشنه

زبده / طماط / بصل / بقدونس / لحم مفروم / بهارات / معجون طماط / دبس الرمان

اول شي نحمس البصل لين يذوب بالزبده حبيت اغير عن الزيت وبما اني احب الزبده فاستخدمتها
وبعدها اللحم المفروم وعقب ضفت البصل والطماط والبقدونس

بعد ماذبو شوي حطيت بهارات اللي هي ملح / فلفل اسود وابيض / فلفل احمر حار / وبهار الليمون اول مره استخدمه شفته جدامي قلت خلني اجرب .. حسيته ما اثر يمكن لاني كثرت من دبس الرمان ومرات احط بابريكا بس هالمره نسيت

وبعدها احط قبشتين صلصة طماط وحطيت دبس الرمان وكثرت منه بما اني احبه لين يستوي واخليه على صوب

اكون مجهزه باذنجان وبطاطس شرايح مقلي وشرايح فلفل اخضر بارد وطماط شرايح بس هالمره ماحطيت طماط لان ماحبيت اكثر

ونصفهم بالصينيه اول شي باذنجان بعدها البطاطس وعقب الطماط اذا بغيتي واخر شي فلفل اخضر بارد

وانحط عليه حمسة اللحم

الحين دور الباشميل

انا العاده دايما اسوي الصوص العادي اللي هو علبة قمير وكاس جبن صغير وملعقتين او 3 مايوزنيز واحط فيه شوي ملح وفلفل اسود بس حبيت اغير واسوي باشميل

المهم نجي لمقادير الباشميل

كاس حليب وكاس جبن موزريلا وشرريحتين جبن وقبشتين طحين بس انا حطيت ثلاث لان كاس الحليب كبير شوي

وزيده تقريبا قبشتين او 3 وحبة ماجي وممكن تستغنين عنها

الطريقه

اول شي نحط الزبده ولما تبدا اتذوب احط الطحين والحليب والماجي واحركهم وبعدها احط جبن الموزريلا والجبن الشرايح

وانا لان جمد معاي فضفت عليه تقريبا نص كوب حليب زياده ونحركها وحطيت شوي ملح وفلفل اسود وكمون

لين تثقل بسرعه نسكره وانصبه عاللحم

وندخلها الفرن مابين ربع ساعه لين نص ساعة

وهني يوم قطعت منها

وهاي صحني

السموحه عالشرح بس ان شاءالله فهمتو الطريقه

وبث ^^

ملاحظه :نا حاطه نفس الموضوع بمندى ثاني وبأسم غير

 

[~ ặηĞєŁ ŁŏŏҚ]

رد: سحورء في إحدا أيام رمضان ( مسقعه بالباشميل) عمل إيديه وحياة عينيه ..

مشااء الله شكلهااا لذيذه
تسسلم ايدينج .. اجربها بكرا ان شاء الله (l)

 

[ω ــردوه Qtr]

رد: سحورء في إحدا أيام رمضان ( مسقعه بالباشميل) عمل إيديه وحياة عينيه ..

يسلمج الرحمن حبيبتي

وفيه العافيه مقدما ^^

 

[أحلى همبه كويتية]

رد: سحورء في إحدا أيام رمضان ( مسقعه بالباشميل) عمل إيديه وحياة عينيه ..

مااااااااااااااشاااااااااااااء الله
الصور رووووووووعة
تسلم الأيادي اللي اطبخت وصورت

عوافي علي قلبك يا بنت قطر​

 

[ام الدرر]

رد: سحورء في إحدا أيام رمضان ( مسقعه بالباشميل) عمل إيديه وحياة عينيه ..

شهيتيني
وانا ماشية على دايت
تسلم ايدينج حبوبة​

 

[كريستال]

رد: سحورء في إحدا أيام رمضان ( مسقعه بالباشميل) عمل إيديه وحياة عينيه ..

تسلم ايديج وعينيج
وعواافي على قلوبكم

 

[جارة القمر]

رد: سحورء في إحدا أيام رمضان ( مسقعه بالباشميل) عمل إيديه وحياة عينيه ..

تسلم ايدج حبيبتي



وبالعافيييييييييييييييييييييية

 

[Mjnont '3lay]

تسلم ايدج حبيبتي وعليكم بالعافيه
ان شاءالله اجربها

 

[BraZiLeya]

yummmmmmmy bsweha bdon l7m