سريـر البيبـي

[fun88]

هاي صباايا شلونكم ..؟؟؟

انا قاعده اجهز للبيبي وانا توني داشه السادس .. تقريبا انا بالاسبوع الثاني .. وشكثر قريت ان احسن شي اخلص تجهيز البيبي قبل السابع والثامن لاني راح اكون ثقيله .. فللى محتاره فيه سرير البيبي .. من وين اشتريه ؟؟

لا تقولون لي محاميد وعيد النصار وسراير صغار تكفي حق جم شهر ابي سرير راهي شوي وخشب وجودة ، مدحوا لي سراير سنتر بوينت .. منو جربت وشرت منهم ؟؟ وعلى جم اسعارهم؟؟

انا رحت شفت ماذركير بس مافيه البني المحروق كله فاتح وانا اثاث غرفه اللي بحط فيها البيبي بني محروق .. فلازم تناسق .. رايكم مهم لي .. شووكرررااان


:bye22:​

 

[*Crafty-girl*]

اي حبيبتي سراير سنتر بوينت اينننووووون وفي بني محروق لأنه انا مثلج اثاث الغرفه بني محروق

انا رحت قبل شهر تقريبا اذكر على 70 و80 دينار ويمكن في خصومات

 

[*Crafty-girl*]

احسن شي سويتيه انج جهزتي امبجر نصييييييييحه خلصي شغلج كله وافتكي

لأنه بتعبين بعدين

 

[كويتيه مذهله 87]

زين تسوين جهزتي الحين

مري الغانم عندهم تشكيلات حلوه احلى من سنتربويت ومذركير

 

[fun88]

احسن شي سويتيه انج جهزتي امبجر نصييييييييحه خلصي شغلج كله وافتكي

لأنه بتعبين بعدين

اي ولا يهمج انا قاعده اخلص شغلي وادور واشوف .. بخلص البيبي بس ابقى انا شغل الاستقبال كفر وقميص لي وهالسوالف


ولا مو انا واختي الذكية اقولها رحت ماذركير ورحت ماماز اند باباز ورحت بوتري اللي قبال بنك الوطني واقولها ارخص شي على 70 و80 وللي عجبني 160 من بوتري .. تقولي روحي سنتر بوينت تلاقينه على 25 و 35 !! اقولها مستحييل تقول امبلى..
اي اذا 70 و80 عادي هذا سعر السوق

 

[fun88]

:e3:

زين تسوين جهزتي الحين

مري الغانم عندهم تشكيلات حلوه احلى من سنتربويت ومذركير

عاد ما فكرت بالغانم كلللللللللللش تصدقين؟؟

بروح له وبشووف .. :eh_s(10):

:e3:

 

[*صاحبة السمو*]

حبيبتي روحي أنار اللي بالبستان فوق

يهبلوووووون انا ماخذه منهم سرير ولدي لونه بني يهبببل ومعاه كل شغله وكان وقتها sale
بس السعر والله ماني ذاكره اما 45 او 60 ماذكر

وعسى الله يسهل عليج يارب

وعلى فكرة ملوت سنتربوينت يهبلوووون بعد

 

[جذابه بنت ذيابه]

رد : سريـر البيبـي

روحي سنتر بوينت والغاااانم

 

[هبسا]

حياتي تري إلي عند مذركير يعمر حتى حق ولدج الثاني اذا الله كتب
موفقه وتولدين بالسلامه

 

[مدمنة ككاو]

حبيبتي انا مجربه مذركير ومجربه سنتر بيونت

مال سنتر بيونت قطيته لأنه صج خواره بس شكل وخفيييييف وبسرعه يتقشر الخشب

اللي شريته من مذركير ثقيييييل وراهي يقعد لين عمر 3 سنوات حق الياهل وتقدرين تشيلين الحواجز ويصير لج سرير عادي

عندهم بني المحروق اخوي توه شاريه حق بنوته واخذ طقم كامل السرير مع الخزانه مع الطاوله

واذا تبين شي بعد احسن واجود روحي باباز اند ماماز

 

[نواره 22]

وااااااااي بتندمين لان السرير الراهي حلو بس انتي بتاذين لان كل شوي بتقومين بتاخذين البيبي وتردينه والسرير الكبير بجندسين كل شوي وبيعور ظهرج حراااااااااااااااام خلي اول شهرين بالسرير الصغير وبعدين يبي الراهي انا بصراحه افضل اللي جنه سله وتحته ستاند عشان يكون بمستوى سريرج وااااااايد مريح وبيريحج انا شريت بولادتي الاولى من عيد النصار السرير صغير بس طلبت منه ابلي ستاند والحين بولادتي ان شاء الله بروح وبشتري نفسه ما راح تندمين صدقيني

بعديييييييييييييييين بتذكرين كلامي

 

[a7la_7b]

خلي حق اول شهرين السرير الصغير اللي تقدرين تشيلينه بالايد

وبعد ما تطلعين من الاربعين اشتري كبير انا مفكره اسوي جذي

اختي شرت حق ولدها من سنتر بوينت بس انكسر بسرعه

 

[أم عبداللطيف]

الله يهون علي وعليج اللهم اميييييييين


وانتي بعد اول ماتولديين الياهل حطيه بالسله احسن لج لانه يالله على شهرين او 3 يالله تنقلينه بهالسرير بس اذا شفتي تنزيلات سنتر بوينت اخذيه واذا عندج ياهل قبله لازم وظروري تحطينه فيه لانه اليهال ما منهم اماااااان اللحين

شوفي حبيبتي بخصوص السرير عن تجربه انا شريته من سنتر بوينت ومشاء الله تبارك الله راقي وكبير مو مثل العدة وفخم ولونه بني محروق نفس حالتي ووسيع وخذيته بالتنزيلات شئ و 70 اهو جنه شئ و 80

والله نصحوني اكثر من وحدة يكد معاج لانه لي عمر 3 او 4 سنيين عادي لانه راهي وطويل وفوق هذا من سالم إلى سالم ان شاء الله ومو بس هالياهل

وانا اللحين بنتي سنتين ونص ومكفيها لوما انه انا اللحين حامل وابي سريريها للياهل اليديد عشااان بنتي مامنها اماااان احط بيبي بالسله جاان تذبحه وشريت لها سرير عادي وحطيت لها حواجز .

والله المستعان واسفه على الطااله

 

[Sh@5sho5]

هلا حبيبتي
طلبج تلقينه في بوتري بارن و الكاروكه هالمحلين فيهم المحروق و الخشب القوي و سرايرهم كبيره
ان فصلت من الكاروكه و تقدرين تودين له الللون الي تبينه و يسويه لج

 

[مدام فاشن]

الله يهون عليج وتولدين بالسلامه

مثل ماقالو البنات اخذيلج حق اول شهرين فراش صغير ويكون يم فراشج

وبعدها اخذيلج حق شقتج فراش كبير ويتم معاه تقريبا لي سنتين

 

[<<لمار>>]

مذركير اجود ويكد اما سنتربوينت شكل على الفاضى وعندج بعد ايكيا

 

[fun88]

حبيبتي روحي أنار اللي بالبستان فوق

يهبلوووووون انا ماخذه منهم سرير ولدي لونه بني يهبببل ومعاه كل شغله وكان وقتها sale
بس السعر والله ماني ذاكره اما 45 او 60 ماذكر

وعسى الله يسهل عليج يارب

وعلى فكرة ملوت سنتربوينت يهبلوووون بعد

عاد اناار واجد يمدحونه لي بس ما هقيت ان فيه سراير انا بجرية وعلى بالي بس ملابس حق البيبيات.. وشكلي بروح .. انا بافتر وبشوف وان شاء الله القى شي حلو..

 

[fun88]

حياتي تري إلي عند مذركير يعمر حتى حق ولدج الثاني اذا الله كتب
موفقه وتولدين بالسلامه

بس ما لقيت بمذركير بني محروق كله فاتح والا ابيض

 

[fun88]

حبيبتي انا مجربه مذركير ومجربه سنتر بيونت

مال سنتر بيونت قطيته لأنه صج خواره بس شكل وخفيييييف وبسرعه يتقشر الخشب

اللي شريته من مذركير ثقيييييل وراهي يقعد لين عمر 3 سنوات حق الياهل وتقدرين تشيلين الحواجز ويصير لج سرير عادي

عندهم بني المحروق اخوي توه شاريه حق بنوته واخذ طقم كامل السرير مع الخزانه مع الطاوله

واذا تبين شي بعد احسن واجود روحي باباز اند ماماز

ماماز اند باباز على 300 واغلى مريت عليهم وما يسوى حق بيبي 300 ... ورحت بوتري على 160 وحيل داش مزاجي ويتم معاي لين العمر كله لانه يتكبر وبعدين يصير سرير نفر ونص كبير يهبل بس قلنا يمكن نلاقي ارخص لان اذا كل بيبي بنشتري له نفر ونص امتلت الغرفه واحنا تونا ما طلع لنا بيت .. شقه صغيرة .. فابي يعني يكون راهي بس مو دعله

 

[fun88]

وحق باجي البنات اللى يردوا علي .. انا ابي سرير حق شقتي مو حق الانفاس .. خل عند اهلي عندهم سرير صغير ، بس ابي حق شقتي يعني ابيه اللى يتم على طول