حبيت اطرح هالموضوع من بعد مازادت قصص الجن والسوالف اللي تصير مع البنات
طبعا انتوا عارفين شقصد
اهني انا قمت افكر واقول شسالفه بس اكتشفت ان مو بس البنات !
هم انا ادمان هالسوالف وهالفتره زادت شوي شمعنى !
طبعا انا في شغلات اصدقها وشغلات ماتتصدق اسمحولي مواضيع بعض البنات فاشله ومفضووووحه انها تأليف على قولة وحده من الخوات شايفين دهن بروسنا مثلا؟
لدرجه الحين محد قام يصدق اي موضوع بقسم المشكلات الأجتماعيه وفي بنات " انظلموا"
احس مواضيعهم صج بس في ردود تقول تأليف ليش؟ لأن كاتبة الموضوع يديده؟
اغلب اللي دشوا المنتدى تكون عندها مشكله وتبي تحطها لكم وبعدين يصير مشاركات بينها وبين باجي العضوات وتندمج وتصير عضوه فعاله..
يعني اغلبيتكم اول مادشت دشت بموضوع ويكون قوي ..
فحرام لأن كنت اقرا بجم موضوع وبعض الردود " مو الموضوع" شككوني بمصداقيته ..
المهم نرد لموضوعنا سوالف الجن والاشباح
انا اعتقد زادت هالسوالف بهالفتره بسبب هالوين "Halloween"
طبعا كلكم تعرفونه احتفالات ولبس تنكري وتخريع طبعا مو عندنا عند الغرب
انا اللعب لعبه اون لاين وباللعبه صار عندنا هالوين ويعني باللعبه صار احتفال وجذي
والاجانب الي معاي بس يسولفون عن الحفلات اللي يروحون لها
وشنو شافوا واللي راح دزني لاند "Disney" واللي راح مادري وين وطبعا كل مكان مسوينه ومرتبينه بصوره فضيعه وافكار رعب حلوه
انا اسمعهم وشفت الصور بالفورم " منتدى خاص باللعبه"
المهم خلص هالوين باللعبه بأخر يوم من الشهر اللي فات وثاني يوم بالضبط اللي اهو واحد نوفمبر بدا يوم الموتى " Day of the dead"
ومدته يومين يعني يخلص 2 نوفمبر
طبعا انا ماكنت اعرف شي عن هذا قبل يوم الموتى شنو؟
بس صدفه من اسبوعين اختي قالت لي عن كتاب قدييييييييم انا واختي قريناه بالكامل ايام صغار يعني من 10 سنين بس حيل من زمان
اسمه الكتاب " أرواح وأشباح " للكاتب الكبير أنيس منصور
الكتاب روعه بمعنى الكلمه
فيه قصص طبعا مثل ما اهم قايلين من الواقع ومن عصور قديمه يعني قصص حقيقه لأشباح
في بعض القصص الصراحه صدقتها وبعضها شاكه ومو مصدقه
انا نزلت الكتاب ورديت اقراه مره ثانيه
بس هالمره وانا كبيره وعندي " قوقل حبيبي "
قمت اشوف اسماء الشوارع المذكوره اسماء المجلات والمصادر
انصدمت ان اغلبها صحيحه وموجوده
وطبعا الفصل الاخير يتحدث عن الانسان وان اهو معجزه وفيه خفايا للحين ماكتشفت
هذا بالنسبه لي مصدقه وايد شغلات فيه ..
على العموم انا يبت طاري الكتاب لأن من جم يوم قريت قصه فيه
وكانت القصه تتحدث عن شباب يجتمعون بيوم 2 نوفمبر لأن معروف عالميا يوم الموتى
انا اهني قلت اهااااا عشان جذي باللعبه شغالين يوم الموتى
طلع معروف عالميا 2 نوفمبر يوم الموتى اكثر من مجتمع يحتفل فيه ويزورون المقابر..
الكتاب ممتع مثل ما فلم الرعب ممتع واللي تبيه تقدر تنزله من هالرابط :
http://www.4shared.com/********/jF3cMDmz/__online.htm
بس نصيحه اذا تخافين لاتقرينه لأن بيخليج تفكرين وايد وتخترعين..
بس اذا بايعتها مثلي راح تستمتعين..
و خلال الاسبوعين اللي فاتوا بعد وصلي رابط بالأيميل للعبه رعب بالنت تلعبينها
عباره عن فندق ومايفتح الا بليل بعد الساعه 6 للساعه 6 الصبح
وصج اذا حاولتي تدشين اللعبه بغير هالوقت بيطلع لج مغلق ويقولج تعالي بعدين
انا كل ما ابي اللعبها يقولي مسكر وانسى ادشها بعد الساعه 6
بس ذاك اليوم اعيال اختي عندي وتذكرتها وقلت لهم بحط لعبه رعب اللي بيقعد يشوف خل يشوف واللي يخاف برا
واحد انحاش والثاني صامد لول
اللعبه تخرع وتخليج تطمرين من مكانج يعني اثاااره ..
هذا رابط اللعبه واذا تخافين تنبيه لاتدشين :
http://www.hotel626.com/
بيني وبينكم بعدها انا اشتغلت انزل افلام رعب قديمه
مثل The Sixth Sense و The.Amityville و The shining و The Blair Witch Project
وغيره مثل نمونة ذا رينق "The ring"
يعني سوالف وايد حلوه جذي وطايحتله كل يوم فلم
كل هالشغلات خلال الاسبوعين اللي فاتوا بس قبلها ماكانت تتحاذف من كل صوب تخريع X تخريع..
المــــهــــم
في موضوع وحده من الخوات خرعنا صراحه
ماندري سحره جن صج مو صج
بعدها توالت المواضيع نزل موضوع ثاني اشكره تأليف ومستحيل اصدق ..
اللي بقوله بنات
تتوقعون زادت الموواضيع اللي جذي ليش؟
انا تفسيري ان مثل ماذكرت صار هالووين ويوم الموتى فالقنوات الفضائيه تبدا تبث الشغلات والسوالف اللي جذي
من افلام رعب برامج وجذي
وحتى بالنت تكثر هالسوالف
كل هذا بسبب الأحتفلات
فالبنات بمخيلتها تندمج واااايد
وتأثر عليها
وممكن تطلع بموضوع ينانوه وجذي والله اعلم ..
بنات انا اصدق ان الجن موجود
وان ممكن يكون عايش بينا
بس اهم اساسا يعيشون بأعماق البحار والمحيطات
والاماكن المهجوره
بس مستحيل يطلع بصورته الصجيه للناس مانقدر نشوفهم لأختلاف خلقتهم عن خلقتنا
ممكن يتشكلون اي شكل ويطلعون يتلبسون اي
وهم كثرتهم واذا كانوا مسلطين على ناس يكون بسبب المكان او السحر
بس وجودهم شي اكيد ومحد يقدر ينكر هالشي
بس احنا مانشوفهم مثل المروحه اللكبيره موجوده بس نقدر نشوف خلالها وهالشي ما يعني عدم وجودها
ومايعني عدم وجود الجن
المهم سمو بالرحمن وعليكم بذكر الله دايما وان شاء الله ماكو خوف من اي شي..
الجن ربي خلقه وربي يحفظكم من كل شر..
واضل اقول برغم كل هذا سوالف ماوراء الطبيعه تجذبني تشدني حييل
حبيت اشارككم بالموضوع واشوف رايكم وشنو ببالكم وأسولف معاكم
وانا حطيت موضوعي بهالقسم لأن المواضيع اللي اقصدها اهني ..
وهم اذا وحده عندها شي جذي تحب تشارك فيه خصوصا اذا كانت كتب بليز لاتبخل علينا ..
وتحياتي لكم ..:eh_s(7):
