سعادتج جم تعطينها؟؟

[violet*q8]

السلام علييكم
ممكن من بعد إذنج ياعضوتنا السُكَرة تعطينا درجة سعادتج بحياتج
يعني من عشرة
بالنسبة حقي انا قبل سنة كنت 2 من عشرة --------ساقطة :bbbiu: كنت كله متوترة وحزينة وأكسر الخاطر
بس الحمدلله زادت الدرجة اللحين صارت خمسة من عشرة
:lololoe:
:hjy5jewf:
ترى الردود ببلااش يا بلاااش

 

[89_f9la]

الحمــــــــد للـــــــه 10 من 10

 

[برميت]

10 على 10
و اعتقد اغلب البنات جذي بس مو حاسين بالنعمه الي فيها
لو كل وحده تقعد ساعه باليوم تتأمل النعم الي عندها و ماعند غيرها راح تصير سعادتها 100 على 10
عندي ايد و ريول و اسمه و اتكلم و اشم و اتذوق و مافيني لا مرض و اهلي عندي و احبهم و يحبوني و حلوه و سمره جني جكليته ;pو ناطعه و كل من يحبني و ربي رزقني بزوج يحبني و احبه
صح ماسويت عرس مثل البنات الي بالصاله لكن سويت حفله ملجه بالبيت و محفوفه و نزلت من دري بيتنا على هب السعد و لابسه ابيض و طرحه جني اميره ..لا لا مو جني اميره ..كنت اميره
و صح ريلي قالي راح نسافر شهر عسل و جهزت جناطي حق استراليا و ماليزيا و بيوم الرحله تكنسلت لانه طلع هالمرض فلونزا الخنازير
و الرحله تحولت من استراليا الا ربوع الكويت و اخر اسبوع بدبي ..بس هم ونااسه
و هم ربي ماقصر عطاني من رزقه شقه تضفني انا و ريلي و صبغتها و اثثتها مثل ما ابي
صج اهي ناقصه بس احبها اموت فيها جني قاعده بشاليه
و صج انه ريلي الحين مو عندي و دوامه صبح و عصر و قليل ما اقعد معاه و اطلع معاه
بس والله مستانسه
الحياه حلوه بس نفهمها

 

[a3andho0om]

5 من 10

 

[(كويتيه عسل)]

7\10

 

[meskq8]

الحمد لله

9من 10

والله يديم علينا نعمة الامن والامان

 

[عيني عليه]

امممممممممم

4 من 10

انشالله اتوضف وضيفه سنعه وتزوج واحد سنع وتصير 10 من 10 قووووووووووووولوا انشالله

 

[violet*q8]

زحمة حكي ----ان شااء الله تصير 100 من عشرة
ومشكوورين عالرد
برميت-------- الله يوفقج وتدوم هالفرحة يارب و يرزقج بالبنين والبنات الصالح

:blueSmCLR:

 

[[[ عيون جابر ]]]

3 من 10 يارب تحلى الدنيا بعيني

 

[ice_cream]

الحمدلله على كل حال

 

[عالمة_جيولوجيا]

انا اقول انها تتفاوت ساعات بين 10\10 وبين 0\10 بس الحمدلله علي ثلاث اشياء رضي الله علي وولوالدين وعلي الصحه وراحة البال

 

[violet*q8]

مشكووورين
عالمة جيولوجيا----حكمتج بلحياة عجبتني :hjy5jewf:
و كلاامج صحيح


بنااات ردو لا تستحوون :blueSmCLR:

 

[Ibtisama]

انا الحمد الله اعطيها 9\10

والحمد الله

 

[ام هلال]

الحمد الله اعطيها 9من 10

 

[احلى غلا]

والله مادري مرات 10 من 10 ومرات 0 من 10 ع حسب ظروف الدنيا
بس الحمدالله ع الصحه والعافيه وع ان اهلي واحبابي معاي
وانشالله يرزقني الي ابالي وتصير مليون من 10:yaaaaaarb:

 

[الحلآآآ]

الحمدلله


9 ونص من 10 ههههههههع

 

[دلوعة مجنونتها]

بفضل ربي أنا 100 من عشششششششششششششره

 

[om al ghaleen]

8 -10
في شي في بالي ان تحقق حطيت 10 -10


والحمدالله على كل حال لا السعاده دايما ولا الحزن دايم
مشكوره ع الموضوع

 

[violet*q8]

دلوعة مجنونتها ------- دوم الفرحة ان شاء الله
ام الغااليين-------ان شاء الله يتحقق اللي فبالج ويتحقق اللي فبااالي يارب :yaaaaaarb:
وان شاء الله كلكم 10/10 دووم
:hjy5jewf:

 

[نيولوفر]

الحمدلله
دايما اقول 10 \ 10 و صج تصير جذيه
و نصيحه بنات احمدوا ربكم بكل الاحوال أسوأها و افضلها و صدقوني حياتكم كلها تتغير و تفكيرج يتغير لأن حياتنا من انتاج تفكيرنا ف خلوا تفكيركم ع طوووووووووووووول ايجابي و قمه الايجابية و الشعور بالأمل لمن نحمد ربنا و احنا بأسوء حاااال سواء كان مرض او هم او غيره .... و هم بعد لمن نكون بأفضل حال .... و احنا كمسلمين تره من اهم النعم اللي عندنا نعمة الاسلام .... ف لازم من اول ما نقعد م النوم نحمد ربنا و طول اليوم لازم نحمد ربنا ع كل شي .... و الحمدلله حمدا كثيرا كما ينبغي لجلال و جهه و عظيم سلطانه على كل حال