سعوديه تبي فزعة كويتيه

[يارب لا تحرمني]

السلام عليكم ورحمة الله وبركاته
كل عام وانتم بخير ....
مبارك عليكم الشهر ياااااااااااارب

خواتي انا بجي ان شالله الكويت في نهاية اوجست ....ابي اجي ويكند ابي اتسوق ان شالله لانه كثييييييييييير يمدحون التسوق عندكم.:friends:


حابه اعرف كم شغله منكم اولها:
ابي شقق فندقيه مرررررررررررره كلاس وفيها جاكوزي وابيها قريبه من مارينا مول..
ما ابي شي مستهلك وقديم ...
يعني لو فيه شي امس فاتحينه ياريت :ceaf32e183:

ياريت ما تخيبوني وتردون علي...

شكرا لكم

 

[g76aniya]

يا هلا وغلا ..
تنورييناا حبوووبه ..
حيا الله من بجينا ..

شقق ماعرف ..
بس في فندق مارينا ..
وااايد راااقي .. اهو تبع المارينا مول .. يعني ريل بالمارينا وريل بالفندق .. ..

وهذا رابط يفيدج عن الفندق ..

http://almazeedi-family.com/cms/page...DFE6EDCA68.php

 

[يارب لا تحرمني]

رد : سعوديه تبي فزعة كويتيه

منوره بأهلها فديتك....

ممكن اعرف اسعار المارينا كم؟
اريح لي بعد عشان مو كل ما بغيت السوق اقول لزوجي يالله...

ابد اقوم من النوم واغسل وجهي بالمجمع
هههههههههههههههههههههههههههههههههههههههه

اغى اسعار معقوله ما ابي مررررررررره نار لانه سمعت اسعار السكن عندكم مجنووووووووووووووووونه:denya:

 

[g76aniya]

http://www.tripadvisor.com/Hotel_Review-g488160-d506398-Reviews-Marina_Hotel_Kuwait-Salmiyah.html

هذا موقع الفندق .. ..
شوفي شكثر جم ليلة وشنو نوع الغرف ..
ويطلع لج السعر ..

 

[Ǥoldɛn ʝɛωɛL]

راح تنورين الكويت بطلتج

وصدقيني لما تدخلين الكويت مراح تملين منها

 

[يارب لا تحرمني]

رد : سعوديه تبي فزعة كويتيه

الف شكر لكم

اذكر اني مره قريت بالنت عن شقق مررررره حلو اسمه جارد كازا على ما اذكر وفيها جاكوزي

قريب من مارينا
ممكن احد يعرفها

 

[الـمـسـتـبـده]

رد : سعوديه تبي فزعة كويتيه

مشكله السكن المعروف عندنا اهيه الفنادق

عندج فندق اسمه الفندق الدولي موغالي

بس موقعه موقريب على السوق لازم سياره

 

[am_kshaa]

حبيبتى فى بشارع المطاعم شقق فندقيه معروفه حتى صاحبها سعودى وتوها فاتحينها ماصارلها سنتين يمكن بس ناسيه الاسم اهيا بشارع المطاعم بالسالميه لان فندق المرينا شوى وغالى وانتى تبين مجمعات غير الى عندكم المرينا كل ماركاته موجودة عندكم وانتى تبين تغيرين
يعنى عندج سوق السالميه الاحمر كل شى فيه ورخيص وكل ملابسه خياط الكويت او تركيا ودراريع وملابس بيت وعبى كل شى تبينه موجودة واغلب الخليج يتعنون له وعندج بحولى المهلب والنقرة الشمالى والجنوبىوالعثمان.... والسندس والايوب اغلبه دراريع بيت وقمصان نوم وملابس عمليه
وعندج السالميه خلف المرينا مول محلات الجواتى احنا بالكويت نسميه الحوش كل الجواتى هناك ومحلات المكياج الى تبع الهنود
وعندج المباركيه كل الشغلات الشعبيه تلقينها من ملابس وتحف واكسسوارات واكل....... وسرداب الشايع بالجمله مكياج وجناط واكسسوارات ومحلات تبين اغراض الصالونات بالجمله سنفرة وصابون وكريمات و و و و و
وفوق لما تخلصين من السرداب عندج محلات العطور الفرنسيه بالجمله وفى العربيه
واذا تبين محلات الدراريع المشاغل الفروانيه العربيد كله دراريع وعبى امشى ونقى بس الخام منه بس نقى المديل
واذا تبين خامات وانتى تفصلين عندج بالديرة البلوكات بدوخين على ماتخلصين اول شى اذا حابه بلشى ببلوك رقم 1 ودشى داخل فى مجمع صغير فى اسمه الصفاة فيه التراث الهندى وميسور ومحلات تبيع دراريع هنديه مع الاكسسوارات وفوق بالمجمع نفسه عندج خياطين يخيطون كل شى بدل وقمصان ودراريع........... انشالله اكون فدتج وعطيتج لمحه عن المجمعات الى يتعنون لها الخليجيين وبالذات السعوديين
لان باجى المجمعات المرينا وشرق والافنيوز كل المحلات الى فيهم ماركات نفس ماركاتكم وانتى تبين شى غير وحياج الله واتمنى لج رحله سعييييييييدة بالاجواء الحارة pp

 

[جنـــا]

:

في فندق المارينا

ويم المارينا اشوف دائما شقق فندقيه

بس بصراحه ماعرف عنها شي ..

وبالنسبه للمجمعات انصحج تروحين

مجمع زهره و مجمع مريم بالسالميه

ومجمع الصالحيه والرايه بالعاصمه

والمجمع الجديد 360

والافنيوز طبعا .. برايي هذي مجمعات افضل من المارينا

وحياج الله حبوبه..

وعلى فكره طوال شهر رمضان بيكون في معارض

مثل المارينا و الهيلتون و القادسيه والروضان و افكاري

وان شا ءالله تعجبج

:

 

[جنـــا]

:


ارقام مصممات ومشاغل كويتيه و اغلبهم يعرضون بالمعارض ..


1- حنان الرويح << عندها دراريع حلوه للبنوتات الصغار

66722333 ــــ 99587747


2- اتيليه عزايز

24434217 ــ 99705830


3- اتيليه فن الانفال

99482570 ــ 97852700


4- T.style طيبه الصفران

66337551


5- هدى البرجس

65910008 ـ 99874440


6- مشغل ريميه

66758727


7- بيد ستايل

99188790


8- جنا الرشيد << بعضها تصاميم كويتيه وبعضها بضاعه من برا
الروضه ق 1
شارع الازد
منزل 13
الدور الارضي شقه 2
22543040


9- جاكار للازياء << بضاعه من ايطاليا رووعه
لجابريه قطعه 3ب
ش7
عماره 90
4449648 -- 94988324

10- Villa 101 << بدل حلوه وفساتين سهره من فرنسا وتركيا وايطاليا
السرة ق4-ش1-م101
ت:25311444

11- الطاف الملا << مصممه كويتيه لبدل السهره والاعراس
الجابريه - قطعه 11- شارع 1 - منزل 21
99605559

12- دار يوشا
القبله بيوت البهبهاني بيت المزر 17
الدور الاول 22466570


للامانه اللي تعاملت معاهم .. الطاف الملا ،، جنا الرشيد وجاكار ..

وان شاء الله اكون قدرت افيدج بشي

:

 

[هجووورة]

يا مرحبا بأهل السعوديه الحبيبات ما يقصرون

 

[يارب لا تحرمني]

رد : سعوديه تبي فزعة كويتيه

الله يعطيكم العافيه ياااااااااااااااااارب ويرزقكم كل ما تتمنون
ويتقبل ياااااارب صيامكم وقيامكم
الف شكر لكم خواتي
الف شكر ما قصرتو من جد بطبع الورقه وبمشي في السياره .
:wqedqw:

 

[Ť.ђ.ћ.β]

رد : سعوديه تبي فزعة كويتيه

إن شاءالله ان البنات ماقصروا .......وحياج