سـؤال محيرني .!!

[سـود العيـون]

السلام عليكم

ابي اعرف الفرق بين

ان يتعرف على العدد 3 رمزا ً ومدلولاً

يعني شنو رمزا ً ويعني شنو مدلولاً

وشنو الفرق بينها وبين

ان يربط العدد 3 بمدلولـه

جد من دخلت الروضه وانا ودي اعرف الفرق بينهم ومستحيه أسأل


والله يجزاها خير اللي بتساعدني وبتعلمني .. :eh_s(8): ​

 

[عهود الحب]

احم احم

محد جاوبج فقلت اساعدج

سؤالج مهم جدا وحلو

يتعرف على العدد 3 رمزا ومدلولا

هذا الهدف يصاغ لمن تعرضين العدد للمرة الأولى

فعندها يكون العدد جديد عالطفل وشكله غريب عليهم

فلمن نعرض الشيء الجديد او المعلومة الجديدة

لازم نبدأ بالمحسوس ثم المجرد

المحسوس عبارة عن المجموعة التي تحتوي 3 عناصر يعني خل نقول ثلاث شماسي او ثلاث قناني ماء

المحسوس = المدلول

اللحين لمن عرضتيه وخلصتي تورينهم الرمز اللذي يعبر عن هذا المدلول الا وهو الجانب المجرد للمحسوس اللي هو العدد 3

فلمن تعرضين العدد عليهم يرسخ في بالهم انه يعبر عن ثلاثة عناصر محسوسة شافوها ولمسوها

فبذلك يحسون بالشيء المجرد

ويستوعبونه

فلمن نقول يتعرف على العدد 3 لازم نكمل الهدف السلوكي بعبارة رمزا ومدلولا

اما بالهدف السلوكي يربط بين العدد 3 ومدلوله

فهذا يكون لمن تدرسين العدد ثاني مرة ويكون خلاص عارفينه وموجديد عليهم

ويكون المطلوب منهم وضع العدد امام المجموعة التي تحتوي ثلاثة عناصر { المدلول }
ولمن يحطون العدد الصحيح تكونين خلاص وصلتي لهم المعلومة صح واستوعبوا العدد


انا ما أدري اذا فهمتي علي


بس بالهدف يتعرف يتعلمون المحسوس والمجرد

وبالهدف يربط يربطون بين المحسوس والمجرد




<< تحس انها لخبطتج اكثر

 

[الحياة]

مشالله عهود الحب كفت ووفت وماخلت لي مجال اقولج شي او ازيد عليها ...​

 

[سـود العيـون]

عهود الحب تشكرين حبيبه قلبي على الرد وعلى الشرح والله يوفقج ويسعدج

بس تبين الصراحه ما فهمت او فهمت شوي

المشكله ابي اعرف كيف سير الدرس

يعني حاولت افهم من المعلمه اللي معاي بس ما فهمت لانها تتطرق للعدد 4 مع ان الاطفال المفروض ما يكونون يعرفونه وهذا اللي وضعني في حيره

المشكله ما ابي اروح للمشرفه واقولها كذا وكذا اخاف تطلع اللي معاي غلطانه واصلا ما اقدر اسأل المشرفه عن هالشي احسن مو حلوه بحق اللي معاي وخاصه انها بتطلع اشراف وانا توني متعينه وهالشي الوحيد اللي جد خاطري اعرف عنه


الحياه بارك الله فيج اختي ما تقصرين والله يوفقج ويجعل حياتج كلها افراح والكل ان شاء الله


مشكورين حبيبات قلبي ما قصرتوا بس ياليت لو احد يقولي الطريقه بالتفصيل من تبدأ الحلقه الى نهايتها ويضرب لي مثال لاهنتوا

على أي عدد مو شرط 3

والله يبارك فيكم ويوفقكم​

 

[سـود العيـون]

تصدقين لما قريتها رابع مره احسن فهمتها وربي فهمتها احس مستانسه .. :eh_s(6):

بس ابي اعرف خطوات الشرح كيف نبتدي هي كلها على شكل مسابقات احسن ما فيها فرق

مره لما كنت رايحه لدرس نموذجي كأني سمعت ان في الربط او التعزيز لازم ما نتطرق لأي عدد في المسابقات غير اللي يبون يعززونه


ايه صح يعني شنو تعزيز عدد .. :eh_s(3):

جني مصختها :eh_s(22): بس جد خاطري اعرف

 

[ياسمينا]

اختي عهود ماشاءالله عليها شرحت بالتفصيل الممل
واختي عيون الدرس العددي يكون كله مسابقات عن العدد وتغنون ويحضرون اطفالج كذا شغله من الاركان
مثلا احضر لي 3اقلام من ركن الفنيه
احضرلي 3 سيارات ون ركن المكعبات
وهكزا
وتنطون 3مرات وتصفقون 3مرات وبس خلاص