ســــؤال خـــــاص جـــدا . . . !!! الكل يدش يجاوب أمانه ..؟؟

[فانسي نايت]

السلام عليكم ورحمه الله وبركاته


عنده رفيجه أو أخت أو وحده قريبه منج حيل

وتسألج دايما ومن غير سبب ... وينج الحين ..؟؟

وين رحتي ..؟؟

شنو تسوين ...؟؟

وين أمج ...؟؟

داومتي اليوم ...؟؟

وغيرها من الأسئله التي تنسأل من غير سبب ... تعتقدين هذا من حقها ..؟؟

وتعتقدين شنو الرد المناسب ( أذا مو حابه ) تقولين لها ...؟؟؟



بأنتظار ردودكم

 

[ريـ’ـآنـهـ‘]

رد : ســــؤال خـــــاص جـــدا . . . !!! الكل يدش يجاوب أمانه ..؟؟

انا اشوف هالاسئلة حيل عاديه اذا كانت اختج او وحده قريبه منج

بس اذا انسانه موقريبه معاها اجاوب عليها بجواب يكون مختصر


بس عندي انا هالشي عادي تيكت ايزي

 

[M!Ss Smart]

اي عادي هالاشياء اذا احد مثل اختي ولا رفيجتي اما اذا احد بعيد لا تقوليلها كل شي وحاولي تحقرينها عشان لاتسال مره ثانيه

 

[ميرنا3]

حبيبتي اذ اهي اختك عااااايدي لاكن اذ وحده في النادر اشوفها جاوبيها بختصار اوطنشبها ترى ماينعطون وجه بعض البنات ثقيلات طينه

 

[PaNda]

حده عآإآإآإآدي إذا كانت اختي او وحده قريبه مني حيل

اما إذا كانت وحده علاقتي فيها محدوده
برد عليها رد (( بارد )) و (( مختصر )) وكأني اقول لها (( انتي شكو )) ههههه

 

[~LiBrA~]

رد : ســــؤال خـــــاص جـــدا . . . !!! الكل يدش يجاوب أمانه ..؟؟

اذا اختي او رفيجتي حيل مافيها شي لكن زميله بالدوام وتتليقف جذي كلش ماله داعي

وتقدرين تسكتينهم بكلمه وحده تقولينها ((ليش))

 

[DốǾốDї]

اذا البنت قريبه مني حيييل يعني رفيجت عمري او اختي

عااااااااااااادي الاسئله لانه انا اسالهم مرات لوول

بس اذا وحده علاقتي سطحيه فيها لاا شكو تسال ارد ببروود او كله ماادري ماادري واختصر الاجابات

 

[Tom ♥ Jerry]

رد : ســــؤال خـــــاص جـــدا . . . !!! الكل يدش يجاوب أمانه ..؟؟

.


هاذي وحده ملقوفه شوي
اذا كآنت رفيجتي الروح بالروح احاول اقولها على غشمره
ابين لها انهآ ملقوفه : )

 

[النشبه88]

عادي مافيها شي من باب الحديث والسوالف وين رحتوا وشسويتوا ... سواء اهما يسإلوني او انا اسألهم محد يتحسس من الموضوع عادي نتشارك اطراف الحديث .. ما دشينا باخلاق احد لول

 

[الغاليه ام احمد]

اسئله عاديه ما فيها شي

 

[العبيدان tenuta]

رد : ســــؤال خـــــاص جـــدا . . . !!! الكل يدش يجاوب أمانه ..؟؟

انا من طررررراقات الزمن تعلمت يكفي ماتعلمت وتالمت مافيها الكفايه
مع الاعتذار لاغنيه عبدالكريم عبد القادر
مااااااااااقول الاحق زووووجي وبس
والتلفون ماارد عليه لما اخلص مشواري
بس لالالالالالالازم خصوصيه وبالخصويه يتبارك شغلي ويمشي ويسلك مثل الورد واذا احد دري سبحان الله لالالالازم اتعومس
وبعدين انت تطفلي وسئليها شوفيها تجاوبج
والاحلي اذا قلت انت وووين تري عادي تروح بعدج وتسال هاجت فلانه اللي اهي انت شنو شرت وشنو خذت
تبيين اقول لج مفأجاءه نفس الموقف اني رحت محل الفلاني وشريت ساعه وحجزتها ولانها ووايد غاليه دفعت نص والنص الثاني راح ادفعه بعد يومين علي مايضبطها ويضغرها
اتفاجا الحبيبه رايحه المحل وسالته فلانه وووين ساعتها وتخيلو شافتها وقايستها وجتني ثاني يوم وقاعده تقولي السالفه بكل اريحيه والموضوع عااادي والحياه سعيده
وانا ظليت مشرعه حلجي نص ساعه ابي اعلق ماني قادره ماهقيت هذه ينقالج قررريبه
اقول تري ساعات المراوغه والجذب الابيض ينفع ​

 

[كوشيه فوشيه]

رد : ســــؤال خـــــاص جـــدا . . . !!! الكل يدش يجاوب أمانه ..؟؟




محد يسأل هالسؤال الا اذا كان شخص قريب منج


واذا شخص بعيد اجعمه كل ما سأل واحاول احرجه



لين يتأدب

 

[نفـــائس]

عندي من هنوعيه ما اجاوب اسوي روحي ماسمعت ما احب احد يدخل باموري وين رحتي متي طلعتي ومع منو وليش طنش

 

[مطيريه ماركه]

رد : ســــؤال خـــــاص جـــدا . . . !!! الكل يدش يجاوب أمانه ..؟؟


خوآتي وآمي عآدي من غير يسألون آقولهم

بس تدرين عبآرة من جآج من لفآج وين رحتي وين جيتي لزمة عند آلغآلب في آلحوآر خصوصآ كبآر آلسن فَ أطوف لهم

آللي يبط جبدي لآ وصلني مسج وقآلت وحدة شنو آلمسج وتقرب بِ تشوف

ويلوموني يوم حطيت شآشة آلملآقيف

 

[ليتني مـآ كبرت]

رد : ســــؤال خـــــاص جـــدا . . . !!! الكل يدش يجاوب أمانه ..؟؟



أسئلة عادية !!!

رفيجاتي بعد الويك آند أول مانشوف بعض : ها شسويتوا بالهاليومين؟

بس جذي سؤال عادي يجي من كيفه !! حتى ما أهتم للإجابة !!


صج عاد هـ السؤال يحسس لـ هالدرجة؟؟ شككتوني بنفسي !!!

 

[lolayasmeen]

ههههههههههههههههههههههه ذكرتيني بجارنا كان كل مايشوف احد يساله هالاسئله ومركز علينا المهم كل اخواني
طفح عندهم الكيل واتفقوا هم الي يبتدون بالسؤال علشان يحرجونه والله عقبها هو اللي قام يتحاشاهم
انتي سوي نفس الشي بس لا ياخذج الفضول ويصير طبع عندج

 

[*ريما*]

رد : ســــؤال خـــــاص جـــدا . . . !!! الكل يدش يجاوب أمانه ..؟؟

اسئلة عادية ومافيها شي

 

[فانسي نايت]

تسلمووووووووووووووون حبايبي

 

[لوكي 22]

عادي اقول للقراب مني
اما للي بينا رسميات ناس موحيل وياهم استنكر هالاسئله منهم

 

[رواااااح]

رد : ســــؤال خـــــاص جـــدا . . . !!! الكل يدش يجاوب أمانه ..؟؟

اكيد اذا قراب راح ارد عليهم بس اذا بعاد برد اذا الاسئله عاديــــــــــــــه !!